استقطع من وقتك، لراحة قلبك.. سبحان الله والحمدلله ولا اله الا الله والله اكبر ولا حول ولا قوة الا بالله
نكمل ....؟؟
------------&&
دخلت روان بيتهم وهيه مصدوومه من كلام مشاري ومن الي صار معاهم وع طول طلعت غرفتها وغيرت ملابسها وفتحت جوالها واتصلت ع اعز صديقتها
وردت عليها بعد عدت رنات
:هلا رواني
روان بدمووع :نوووف طلبتك تكفين تعالي
نوف بخووف:روان حبيبتي وش صاير علميني لا تخوفيني عليك. لسا كنا مع بعض ومب فيك شي وش صاير الحين
روان بشهقه :تعالي وبتعرفين كل شي وسكرت بدوون ما تسمع لها رد
------------&&
عند نوف نزلت الجوال من اذنها وتطالع الجوال بشرود وهيه خايفه ع بنت خالها وصديقتها المفضله ووش صار معاها وع طوول نزلت تحت وصادفت اخوها مشاري.كان طالع
مشاري يطالع اخته الي تنزل الدرج بسرعه ووقفها وقال :خيرر وش فيك تركضين وكأنه احد مات وش فيك وش صاير ..؟
نوف ناظرته وقالت برجاء:مشارري طلبتك ودني بيت خالي ابو فيصل
مشاري بتوتر :ليه وش صاير....؟؟
نوف بخوف وقلق:روان ما ادرري وش صابها تعبانه برووح لها
مشارري يبي يطلع من السالفه وقال بتعذر :تعبااان بنامم رووحي لها الصبااح الحين الدنيا نص ليل
نوف ناظرته بغضب وطنشت كلامه وطلعت الدرج وراحت صوب غرفة امها وابوها ودقت الباب وفتحت لها امها الي كانت شبه نايمه
ام تركي بخووف ع بنتها الوحيده:نووف وش فيككك صاير فيكك شي ليش شكلك كذا...؟؟
نوف بنبره تبين لامها انها بخير :يمممه الله يهديك تراني بخير جايه استاذنك اروح بيت خالي ابو فيصل روان تعبانه وحابه اكون معاها
ام تركي بارتياح :اسم الله عليها وش فيها شنو صابها كانت مثل القمر بالزواج
نوف رفعت كتوفها :ما ادري وش فيها اتصلت عليا وقالت تعبانه ابغاكي تجيني
ام تركي :منو بيوديك لعندها
نوف بتفكير :بخل تركي او نواف
ام تركي :انزين وانتبهي لنفسك
نوف باست راس امها:حاضر يالغاليه من عيووني وطلعت وراحت صوب غرفة اخوها تركي ودقت الباب وما سمعت رد وفتحت الباب.. وتشوف مافي حد بالغرفه وتافافت بصوت وراحت صوب غرفة اخوها نواف
YOU ARE READING
ليتك تراجعتي عن قرارك
Actionروايتي جميله وحلوه وتحكي عن الحرمان من الحنان والمغامرات والاكشن وعن الحب فيها اشياء كثيرة وقصص واحداث واقعيه وحقيقيه ...ومارح اطولهاوثاني رايه لي للكاتبه &اميره بأخلاقي .... واتمني دعم......... والمعذره ترا انا مب سعوديه فلذلك اذا اللهجه كلها مب سع...
