لؤلؤة صنعاء (رواية يمنية)

الحلقه الثانيه

اول شي رمضان كريم وكل عام وانتم بخير وجمبي وتدعموني

اللهم انصر غزه واليمن وكل انسان حر

بس ماقلتوليش تشتوا القات في الروايه او تكون بغير القات

يلاه نبدع

متااابعه +تصويت+تعليق=حلقه جديده تمام 👌

وليد /قد الغداء جاهز او ماشي اشتي اتغدا بحين عشان اسير اخزن قد الخبرة بيتصلوا.

اسراء /جاهز بس امي وبراءه ما قد جنش وجدي طلع يرقد شوية

وليد /هاه يلاه سابر انا شطلع البس واتوضأ واصلي عشان قد كملوا الصلاه في الجامع وبعدا شخرج اجلس في الحوش لوما يجو

اسراء/تمام

وبعد نصف ساعة كان يدخل الاب محمد ويقول /السلام عليكم

اسراء ببسمه /وعليكم السلام كيفنت يابه

محمد/الحمد لله ياروحي بخير لش القوى

اسراء ببسمه/ولك السلامه

محمد وهو يجلس فوق الكرسي ويقل /قلي كانحنا خاطيين في الطريق وسمعت صوت اسكريم والدنيا حمى قلت انا شاشتري لنا قدوه نبرد واشتريت واكلت انا ووليد وخلينالش واحد واوذا قد صورته مهي

وبعدا مد يده لها بمشمع بداخله اسكريم

اسراء وهي بتحجفه وتقل /تسلم يابه بس للمه تتعب نفسك

محمد ببسمه /ولا بين اتعب نفسي ولا شي وبعداء مايكفيش انش بتفعلي كل حاجه في البيت

اسراء /ماعيقع بي يابه

محمد /الله يحفظش هيا قد عنتغداء

اسراء/جدي عادوه راقد وامي وبشار وبراءه في المدرسه ووليد قد كمل يصلي وسار يقمبر في الحوش

محمد /هاه سابر كان انا عدراعي لوما تجي امش والجهال

اسراء /خلاص تمام

وبعد عشر دقايق وصلت حنان وبراءه وبشار

حنان /السلام عليكم يا روحي

اسراء ببسمه /وعليكم السلام قويتي

حنان وهي تتقدم لاعندها وتحجفها وتقول /عافاش يا حبيبتي لش القوى

اسراء /ولش السلامه هيامه كيف كانت الدراسه اليوم

حنان /مالها شي