وعدو سيف

الفصل 16

……..

#وعد_و_سيف .......🦋🦋

وعد خرجاات طايرة ومخها  واقف .. تجهات نيشان لطنوبيل  ركبات و سدات لباب  بجهد …و زادت مخليا مرها غير لعجاج .. كانت كتصوغ بسرعة ..  مرة مرة .. تضرب يديها معا دريكسون ديال طنوبيل : فاااك  على زهههر… بقات غادية .. ومعارفاش فين..  غير صايݣة  ..    : بغيت غير نفهم هادا أش بغا مني .. سمعات صوت رنت تليفونها .. مجاوباتش رجع صونا هازتو  كتلقى جداها مصنيا لها  .. وعات معا راسها سرعة لي  غادية بيه.. وقفات طنوبيل…  و بقات  تنفس   باش تكالما شوية .. رجع تليفونها كيصوني هاد لمرة كانت إقبال  .. مجاوباتش  .. ورجعات قلعات  متاجها لدار ..

..  دخلات لدار  .. كانت  صفية جالسة فصالون  غيرشافتها  قالت : وعد مالك مكتجاوبيش
وعد مشاات كلسات حتاهيا  : مشفتوش
صفية طلعات فيها حاجبها : وعد مالك عندك شي حاجة .. واش لخدمة
وعد ببهدوء : لا جدة غير شوية دلعيا دبا نطلع نرتاح
صفية : واخا بنتي .. ولكن قبل .. بغيت نقولك أن عائيلت عهد .. راهوم عارضينا .. فهاد لويكاند للغدى
وعد  ببرود : أه مزيان
صفية  : خاصنا نقررو سبت ولا لحد .. أنا مابغيت نقول والو تا نسولك
وعد شافت فيها بغير غهم : وانا مالي
صفية يلاه غتجاوبها .. جات  فتجاهوم إقبال : وعد مالك مكتجاوبيش
وعد تنهدت :  مشفتوش علاش شنوكاين
إقبال : واش مقاتلكش جدة .. عهد صونالي قالي راحنا  معروضين عندهم  هاد لويكان ..  وقالي نختارو  نهار لي يناسبنا   .. ما بغيناش نختارو تا نشاوروك لايكون عندك شي حاجة
وعد شافت فإقبال و رجعات شافة فصفية  : إقبال ،جدة .. أنا مغاداش ..ختارو نهار لي بغييتوو
إقبال : أويلي علا مغاداش من نيتك ..
صفية : علاش أبنتي كولنا معروضين
وعد  : مافياش والله  غير سيرو نتوما
إقبال بدات كتغبن : حرام عليك أوعد أنا بغيتك تمشي معانا عافاك  يلاهي
وعد شافت فيها : إقبال غير سمحيلي عيانة بلخدمة لقيتيني عاد كنقولها لجدة .. هاد سبت و لحد باغا نرتاح (مابيها  تا حاجة من هادشي ..بيها غير متشوفش سيف )
صفية : وعد بنتي خاص نشيو كاملين.. هما بلعاني ختارو لويكان فاش منكونوش خدامي و إقبال مقرياش .. حشومة متمشيش
وعد معرفت متقول : ولكن أجدة أنا علاش .. سيرو نتوما وقبال .. أنا ماشي مهم بزاف فهاد لعراضة
إقبال : وعد .. كيفاش ماشي مهيمة .. نتي بنت خاتي بحال ختي .. نبغيك تكوني معايا ..
وعد معرفات متقول تهربلهوم منا يجاوبوها منا .. أصرو عليها بزاف .. خصوصا إقبال .. فضطرات أنها تقبل .. وخا محاملاش ترجع تشوفو .. وكتطلب الله ميكونش .. وخا ثنين غترجع تشوف بصح على أقل تهنا منو هاد لويكاند .. هادشي لي كانت كتقول  فبالها..
إقبال .. قاتلهم غاتقول لعهد سبت و قبل ميجوبوها طارت من حداهوم

فالفيلة مع 12 ديال الليل 
كان سيف كيجغم من الكاس ديالو وحداه زيد
سيف شد فراسو وتنهد  : انا تالف دابا واش نمشي غدا لغدا لي دايرين ولا لا
زيد : لي بغيتي 🤷 ….. و لاكن نتا علاش مبغيتيش تشوفها واش خايف من شي حاجة
سيف :.....را هيا لي خاصها تخاف علا راسها …وسكت شوية وكمل ..حنا لي عارفينها شكون ماشي هيا
زيد  بتساؤل: اوى علاش مباغيش تمشي
سيف : معرفتش علاش ولاكن مبقيتش بغيت نشوف وجهها
زيد :  امم .. ياكما خايف ليصبقك فمك فحال ديك الخطرة هههههه
سيف خنزر فيه : ضور تقود
زيد كيضحك : ناري جبتها لااااصقة
سيف : غتسكت ولا انا لي غنلصق ليك وجهك مع الحيط
زيد كيضحك : انا بان ليا اعشيري  غير سير …هيا اصلا غتكون خايفة وݣاعما غتجي …. ميمكنش متشوف مولاي الصلطان(عهد)
سيف : اه بصح .. الموهيم غير بغيت نݣوليك بلي نتا غدا مغتقضرش تحضر حيت خاصك تمشي لشريكة ديال صناعة السيارات  و تشوف ليا شحال ديال الارباح و الخسائر كانت عندهم هاد العام .. حيت ملي جينا م عطيناهمش اهتمام
زيد كيضحك فراسو : ياله كتݣول فيها
سيف بتاسم بمكر وݣال : اصلا كنت غنݣولها ليك تال غدا
زيد ضحك : عارفك ديرها