هذا لكاتبه جنات سلام
صوتو بنجمه
صلِّ على محمد وآل محمد 🌺
بسم الله الرحمن الرحيم "
ـــــــــــــــــــــــــــــــــــــــــــــــــــــــــــــــــــــــــــــــــ
ميراج:- كعدت الساعه ثمانيه دوام ماعندي لين جمعه
كلت خل انضف البيت بديت انضف البيت كله صارت
الساعه 11 كمت سويت اكل واكلت غسلت الموعين
ورحت كعدت على التلفون لكيت حمودي دازلي
رساله كايل راح نجي عليج اني والشله كتله هلا وسهلا
كمت حضرت كيك وعصير ضليت انتضر دقايق واجوو
حمودي:- السلام عليكم
ميراج:- بهدوه وعليكم السلام تفضلو
جنى:- شونج خيه
ميراج:- شبيج خيه
جنى:- خشمي يحكني مسويه لحم
ميراج:- سوألج سخيف تعرفين اني ماحب لحم
جنى:- نسيت
دانا:- وخري جنى كبر. شونج خيه
ميراج:- هلا يابعد خيتج
جنى:- صارت الدمعه بعيني. اذا بعد احجي وياج اني
مو جنى عفتهن وطبيت للصاله بيهه مصطفى
وحمودي وايڤان
ميراج:- امشي خل نروح للصاله اخذت الكيك و دانا
اخذت العصير قدمت الكيك وصلت يم جنى
جنى:- ماريدد
ميراج:- بكيفج كملت رحت كعدت على القنفه اجت
دانا كعدت يمي جنى ضلت بس تخوزر
حمودي:- عندي حجي وياكم
مصطفى:- يمعود خبصتنه جبتنه هناا وحجي شنوو بالله احجي
حمودي:- والله العظيم يفيدك او يخصك
ايڤان:- اي صدك
حمودي:- ك** امك اني احجي
ايڤان:- اكل خ** لتنسى اني جنت وياك
حمودي:- يالله انجب هوه شسويت.
مصطفى:- حمودي بلا لف ودوران احجي شعندك
حمودي:- طلعت موبايلي وشغلت التسجيل.
مصطفى:- علي الصوت عليييييي
حمودي:- عليته
ميراج:- هذا زيد
حمودي:- اي
مصطفى:- لا يكلب لا ياا نذللل
حمودي:- كتلكم اكشفه اكشفه
ايڤان:- هسه شراح نسوي
مصطفى:- خلوهه هسه لحد يكوله من يجي لوكت المناسب دكوله
حمودي:- هيه شنيه مصطفى شنوو لوكت الجاي
لاتخليني اجفص البنات هناا
مصطفى:- انجب. ابو هسه مريض
حمودي:- واني شعليه اني اريد اراوي الفيديو
مصطفى:- يمعود لاتلح كتلك من يجي لوكت المناسب دكوله
ايڤان:- تمام
حمودي:- مهله منا لاسبوع
مصطفى:- تمام
ميراج:- بالله حمودي انته اذا راويته الفيديو شراح
يصير راح تكتله مثلن
حمودي:- باع هاي لج بابا اذا راويته للشرطه يسجنونه
ميراج:- صفنت شويه اي والله صحيح
حمودي:- تريد تعلمني
ميراج:- ضلينه نحجي صارت الساعه سته المغرب وراحو
كمت توضيت وصليت وبلشت اقره لين بلشت
امتحانات الدور الاول
ـــــــــــــــــــــــــــــــــــــــــــــــــــــــــــــــــــــــــــــــــ
زيد:-الساعه سته المغرب واحنه بالمستشفى لين بابا مريض
كلش خايف علي ضلينه نتضر كالت الدكتوره نبضه مدا يتوازن
زهراء:- لا دكتوره حبابه انقذي
الدكتوره:- بيد الخالق
ام زيد:- ونعمه بالله
زيد:- من كالت هيج الدكتوره عفتهم وطلعت كعدت بره
كعدت على الكراسي البره وافكر يجوز الله دا يعاقبني
ضليت افكر اخر شي كمت طبيت جوه الساعه تسعه بليل وماطلعو
زيد:- طلعت اجيب اكل لين زهراء جوعانه جبت لفات واجيت
حته مالي نفس اكل انطيت الاكل الامي ورجعت كعدت بره
ياربي افرجه ماعندي غيره هوه سندي بالحياة ياربي افرجه
ضليت اقره دعاء اردد بي لحد ان تعبت وطبيت جوه
شفت الدكتورات يتراكضن نغز كلبي حيل خفت يكون صاير شي البابا
رحت على ماما حته اسئله على بابا ماما بابا شبي
ام زيد:- بدموع دكات كلبه توقفت
زيد:- لا دكوليه ماما الله عليج كولي جذب
ام زيد:- ياريت جذب الدكتوره دا تحاول تساعده كالت ادعوله
زيد:- ياربي ساعدني ياربي ضليت اردد
زهراء:- بابا تعال حباب ماعدنه غيرك بابا وينك لاتعوفني
زيد:- كمت كعدت يمه لين تبجي خذته الحضني امسح
على شعره كافي كافي زهوره بس ادعي شفت الدكتوره اجتي
كمت بسرعه حته اسئله
زيد:- بشري دكتوره؟
الدكتوره:- البقيه بحياتكم
يتبع..... ☘️
