အခမ်းအနားက တစ်နာရီ အတွင်း စတော့မှာ၊ နင် ဒီလို မလုပ်သင့်ဘူး ခွန်နွမ်။
ဒီစကားတွေကို ကျွန်မကိုယ် ကျွန်မ ပြောနေမိသည်။ သတို့သားနှင့် မကြာခင်အချိန်လေးအတွင်းမှာ လက်ထပ်တော့မှာ မှန်သော်လည်း သူသည် ယခုအချိန်ထိ ကျွန်မကို ယဉ်ယဉ်ကျေးကျေး ဆက်ဆံပြီး ရိုသေသမှုဖြင့် စကားပြောနေဆဲ ဖြစ်သည်။ ဒီယောက်ျားဟာ ကျွန်မနှင့် တကုတင်တည်း အိပ်ပြီး ကျွန်မ ခင်ပွန်း ဖြစ်လာမယ့်သူဆိုတာ သေချာရဲ့လား။ ကျွန်မ သူ့ကို ကြည့်ပြီး ပြုံးလိုက်မိသည်။
"မင်းက ငါနဲ့ ထိုက်တန်လို့လား"
သဘာဝတရားကြီးသည် ကျွန်မတို့ကို ဘဝ၏ အစိတ်အပိုင်း တခုအနေဖြင့် ဒုက္ခနှင့် သုခကို မျှမျှတတ တွေ့ကြုံခံစားရအောင် စီမံထားလေ့ရှိသည်။
ကလေးတစ်ယောက်ကို မွေးဖွားလိုက်ရခြင်း၏ ပျော်ရွှင်မှု၊
ဂိမ်းတစ်ပွဲ ရှုံးသွားရ၍ ဝမ်းနည်းမှု၊
ပထမဆုံး အချစ်ကြောင့် ခံစားရသည့် ကြည်နူးမှု၊
ချစ်သူက ဖောက်ပြန်သွား၍ အဆုံးသတ်လိုက်ရသော ဆက်ဆံရေး၏ နာကျင် ကြေကွဲမှု၊
စသဖြင့်။
ဒါတွေ အားလုံးဟာ လူတွေရဲ့ သာမန်ဘဝမှာ ကြုံတွေ့နေရတဲ့ အရာတွေပဲ မဟုတ်လား။ သို့သော် ကျွန််မ ဘဝကတော့ဖြင့် ကွာခြားပါလေသည်။
အမှန်အတိုင်းဆိုရလျှင် ကျွန်မဘဝမှာ စိတ်ပျက်ရတာတို့ စိတ်ဓါတ်ကျတာတို့ကို တစ်ခါမှ မကြုံခဲ့ဖူးပါ။ ကျွန်မတို့ မိသားစုက မုန်းလွမ် လို့ တော်ဝင်ဘွဲ့ထူး ရထားတဲ့ မြင့်မြတ်တဲ့ အနွယ်တော်ကနေ ဆင်းသက်လာခဲ့တာပါ။
ဒီလို တော်ဝင်မျိုးနွယ်ဆိုတာက အခုခေတ်မှာ မအပ်စပ်တော့ပေမဲ့ တော်ဝင်မျိုးနွယ်ရဲ့ ဘွဲ့ထူးကတော့ အခုအချိန်ထိ အရှိန်အဝါကြီးနေဆဲ ဖြစ်ပါသည်။
သေချာတာတစ်ခုကတော့ လူတွေက ကျွန်မကို မဟာဆီ မဟာသွေးဆိုပြီး မြှောက်စားကြတဲ့အခါ ကျွန်မကလည်း သူတို့ရဲ့ မျှော်မှန်းချက်တွေကို ဖျက်ဆီးတဲ့သူ မဖြစ်မိအောင် အစွမ်းကုန် ကြိုးစားရတော့တာပါပဲ။
ဒီလို တော်ဝင် ဆွေတော်မျိုးတော်ကနေ ဆင်းသက်လာတဲ့ မိသားစုဖြစ်တာမို့ ကျွန်မ လိုက်နာရတဲ့ စည်းကမ်းတွေ၊ ထုံးတမ်းစဉ်လာတွေဟာ တခြားသူတွေနဲ့တော့ မတူကွဲပြားပါသည်။
YOU ARE READING
B. L. A. N. K. မြန်မာ ဘာသာပြန်
Romanceဒီဇာတ်လမ်းကို English Version ရှာတာ ဘယ်မှာမှ ရှာမတွေ့ပါဘူး။ ဒီတော့ ရှာတွေ့တဲ့ စပိန် ဘာသာပြန်ကနေ translate နဲ့ English ကို ပြောင်း အဲကနေ တဆင့် မြန်မာဘာသာကို ပြန်ထားတာမို့ လိုအပ်ချက်လေးတွေ ရှိရင် နားလည်ပေးဖို့ တောင်းဆိုပါတယ်။ ဇာတ်လမ်းကတော့ အားလုံး သိ...
