كاتبة : Samira rd
🕯️..بين تنايا الدين قصة حب تروى في الخفاء..🕯️
خرجت بخطوات سريعة ورا دار فجردة.. وقفت كتشوف في داوود لي كان جالس وامامو لقرآن كيقرا فيه .. تبسمت بهدوء فكل مرة كتشوفو كتحس بلي كتعرفو من هدا شحال كتحس بالامان معاه آمان لي كانت كتحس بيه غير مع واليديها.. لحد لان مازال ما استوعبت بلي راها تزوجت
داكشي جا بسرعة لدرجة ما حستش كفاش دازت لخطبة من وراها لعقد بسرعة .. جبدت تيليفون من جيبها شعلاتو ودخلت لكاميرة ديريكت صوراتو بديك لوضعية بسرعة خشات تيليفون فجيبها فاش التافت ناحيتها ابتاسم وأشار ليها بعينيه تجي حداه
داوود [ بتبات نطق مفيكسي عينيه عليها هي لي حشمانة] عاودي ليا على راسك [ ابتاسم بهدوء] بغيت نعاود لك انا ولكن جدي كفا ووفا
هدايا [ تبسمت بخفوت نطقت كتلولب فعيونها] فعمري 20 عام صراحة دوزت طفولتي زوينة مع عائلتي واخا كانو متشددين بزاف واكتريا خويا كمال ولكن فخورة حيت لولا الله وهوما ماكنتش انكون انا دايرة هكا علموني بزاف دالحوايج بين بينهم حفض لقرآن [ ابتاسمت فاش شافت ملامحو تحولو لاستغراب وتعجب كملت حديثها كضحك ] ماتستغربش راه كاينين ما شاء الله بنات حافضين قرآن
داوود [ قوس حواجبو نطق بتساءل] 60 حزب كاملة؟ [ اومات بإيجاب نطق مبتاسم] اللهم بارك
هدايا [ كتلعب بصباعها كتشوف فيهم وكتهضر] صافي هادشي هي طفولتي.. طلعت لباك خدتو بي 14 من بعد جلست
داوود [ عقد حواجبو باستغراب] علاش حبستي؟
هدايا [ مزال ابتسامة على وجهها] لمدرسة لي كنت باغا انا نقرا فيها ماكايناش في لبلاصة لي ساكنة كاينة بعيدة بزاف
داوود [ رفع حاجبو تقاد فجلستو] ولكن كنتي تقدري تبدلي شعبة ؟
هدايا [ سكتت تواني ونطقت] من طبعي الى كنت مامرتاحاش فشي حاجة ما نقدرش نديرها وانا رتاحيت فديك شعبة ولكن قدر الله وما شاء فعل.. بابا كان قال ليا نمشيو نكريو حتى نكمل ولكن بابا وماما بجوج بيهم مراض ماقدرتش نمحنهم
داوود [ اوما بإيجاب مبتاسم ونطق ] تبغي ترجعي تقراي ؟ [ بسرعة هزت فيه عينيها نطق كيضحك ] مابغيتش ضيعي مستقبلك لعام جاي ان شاء غادة ترجعي تقراي فالمدرسة لي بغيتي
هدايا [ اومات راسها بإيجاب مبتاسمة بفرح] ان شاء الله [ بتساءل] امتى انرجعو لدار؟
داوود [ مبتاسم ابتسامتو لهادئة] غدا ان شاء الله.. باش نرجع لمسجد
اومات بإيجاب ... تواني وكان لادان لعشاء كيآدن تسناوه حتى سكت قاد صلايات وهي وراه قام صلاة وبدا في صلاة لعشاء .. دقائق وكان كمل صلاة لعشاء بدا بتكبيرة الاحرام فصلاة تراويح
أنت تقرأ
عتبات المسجد
Historical Fiction#قـــــــصَــــة_رَمــــضـــــَانـــــيــــة..🌛 ..🕯️عَــــتــــبــــات_الــــمــَســجِــد🕯️.. بــقــَلــمـِي : Samira rd 🫀بين تنايا الدين .. قصة حب تروى في الخفاء ..🦋 قـال تـعـالـى :: "يَا أَيُّهَا الَّذِينَ ءآمَنُوا كُتِبَ عَل...
