احمم.
المختصر تعلقت بيه وهوا عامل فيا كيف الفرخه ل صغيره 😅🤣.
كنت شي ل نبيه اكون عندي قبل مانكمل كلامي ومع هذا كله محد يعلم خاطي اخته واختي وبعد هك جا ليوم ل منتضر بعد سنه🙈❤️🩹.
كنا نهدرزو عادي جداً وكيف اي يوم تعاركنا ع طلعتي ودبشي قدام راجل اختي
نبيش نحكي ع عرايكنا لانهه ديماا وهوا اهزب ونا منتوبش ونعاود نفس شي 💃.
بعد عركه وهوا اصرخ ويعيط قال نحبك يافرخه وانتي ماتفهميش الواحد اغار ونا ولاحررف "صارتلي صدمه اول مره ف حياتي نسمع كلمت انحبك من راجل"
درت روحي مادورتش وصكرت وثاني يوم وعيت نفس كل مره ازعلني كيس فيه حجات ل نحبهم تشبس وشكلاطات رن عليا قالي راهو كيس حطيته عند باب ل برا "طبعا خ نحكيلكم عندنا مكان خاص لما بنعطيه حاجه او هك نحطها لها فيه ويجي ياخذه او لما هوا بيعطيني حطلي فيه لهوا عند الشجر ل عند الباب الرئيسي "
نا نزله ب توته وكان شهر7 وجو هك مصقع شوي وكيف نايضه من نومي نزلت وخايفه حد يفطنلي من هلي مشيت مكانا وليقته حطلي ل شكاره وحاط معها ورده عارفني نعشقهه ولقيته ع روشن داره اشوفلي ونا درت جو مش راضيه نشوفله ومزلت زعلانه منه عشان هزبني ب صوت عالي
خشيت داري ونا مستمتعه ب حجات ل جايبهن ونسيته بكل ولاشكرته ولاشي قعد ومشا يوم ونا لادزتله ولاشي ليل خلاص خشيت فراشي قت خ نشوف لقيته دازلي مسجات رديت عليه وهدرزنا ونا هك نبيه إعاود كلمته ل قالها امس نبي انتاكد مشت ليل كله ونا فكر ف كلمه هل قالها هك وخلاص ولا..
نكمل ولاا🤣
