تتهمني بأخطاء لم ارتكبها وتقول ان انا من استسلم واختار البعد والفراق
انت لا تعلم كم الاشياء التي ضحيت بها من أجلك
كان لدي استعداد لتضحيه بكل شيء لنكون معا
ولكن هل لتضحيتي مكافأه عندك
نعم كافأتني ببعدك عني
كنت اشق واصبحت متيقنه انك لم تحبني يوما
ولو احببتني صدقا لكنت حاربت من أجلي
ولكنك تحججت واستسلمت للبعد
كنت تظنها جمله ولكنها كانت مثل السكين الذي مزق قلبي جرحت وطلبت مني أن أكون بخير بدونك فكيف لي هذا
كيف لجسد ان يكون بخير دون روحه ....... اتعلم ماذا الان انا بخير
بخير لأنني علمت حقيقه الأمور
أعدك انني سأقوي وأصبح افضل فمن تعيش لذاتها تعيش افضل
سأحقق ذاتي وأثبت لك أيها الأحمق اني بخير بخير بدونك
فلا احد يتحكم بي وسأصبح يوما ما افضل حالا من الان
بقلم مديحه احمد
*********************
*****************************
في الشركه
كان ادم يجلس في مكتبه يراجع بعض أوراق الثفقات ولكنه تفاجئ من هذه الذي دخلت عليها بهجومها
ملاك بغيظ : انت ازاي تعمل معايا كدا ....... انا بتشبهني انا بالضفدع وشوفتني فيه وكمان حمار ومعزه ي ادم
انا دا انا احلي من اي حد تعرفه ....... انت اصلا مش يعجبك غير السلعوه الي انت تعرفها
ادم بأستغراب وصدمه من منظرها : سلعوه
ملاك بعصبيه : اه سلعوه ست رفيف هانم ..... بنت لا تطاق دة إلى يعجبك ماشي بنص لبس نص ايه دة ربع وأقل كمان ...... عارف انت القماش المتبقي من لبسي هي تاخده وهتعمل لبس زي لبسها دا
ادم بصوت عالي : باااااااااااس .......... ايه مصوره وانفجرت ....... وبعدين ايه دخل رفيف في الهدايا
ملاك بضيق : ها ايه يعنيا هدايا دي هدايا معزه وحمار وضفدع ..... ضفدع ي ادم
ادم بضحك : نسيتي في عروسه ولا مش شوفتيها
ملاك بغيظ كبير : اااااااااااه ........ انت عاوز تجلطني
ادم بمحاوله كتم ضحكته : خلاص طب قولي انتي زعلانه ليه دلوقتي
ملاك بضيق : الهدايا إلى جبتها مش عجبتني
ادم : ننزل النهارده واختاري الهديه الي تعجبك
ملاك بخجل : شكرا ..... بس انا اضايقت انك شبهتني بحمار وضفدع
ادم بضحك : ومعزه وعروسه
ملاك : خلاص بعد اذنك ي مستر ادم
ادم : مستر ادم ايه بقا ....... بقالك ساعه بتقولي ادم كدة من غير القاب
ملاك بأرتباك : انا اسفه والله مخدتش بالي كنت مضايقه
ادم : انا اسف
ملاك بصدمه : هااا
ادم بضحك : عارف صعب تصدقي أن ادم الألفي يعتذر لحد بس لما بكون غلطان عادي بعتذر ...... وانا غلطت في حقك فأنا اسف
ملاك : عادي محصلش حاجه ..... وبعدين انا فرحت جدا انك افتكرتني وحبيت تصالحني
ادم بأستغراب : اممم ...... هو انتي مش كنتي زعلانه دلوقتي علشان الهديا مش عجبتك
ملاك : بس افتكرتني ودي حاجه كبيره
ادم : اطلعي بره ي بت مين يفهم دماغ البنات
ملاك : اوكي طالعه
ادم في نفسه : مالك ي ادم حتي انهارده عيد ميلاد روز ومش مضايق ولا متعصب زي كل سنه لا وبتضحك كمان
معقول اكون كدا بخونها ايوه علشان روز قالت ليا مش تكلم اي بنت غيري وانا بكل سهوله بكام ملاك وبضحك معها
******************
**************************
زهراء :كدا كل الورق جاهز
مراد : مالك
زهراء : هاا ..... لا مافيش انا كويسه
مراد : انا اه مش اعرفك من مده طويله بس حفظتك
زهراء بحزن : انا مش عاوزه اسيب ملاك لوحدها وكمان مش عوزاها تكون بعيده عني
مراد : انتى مش قولتي انك هترجعي تاني يبقي خلاص
زهراء بضيق : اه ي مراد هرجع بس انا عمر ما مر يوم في حياتي من غير ملاك ...... انت تقدر تسيب ادم
مراد بحزن : للأسف لا بس اوقات بنكون مجبورين وانتي مجبوره تسبيها وترجعي ليها تاني
زهراء : وراجع ليها تاني ملاك اختي
مراد : طب انا هوصلك المطار بعد ما نتعشي برا
زهراء : تمام
مراد : صفي بقا شغلك هنا وفي بنت اسمها مرام هتيجي مكانك
زهراء : انا خلصت كل حاجه والبنت شويه وتوصل واعرفها الشغل وانت تكمل معها بقا
مراد : ماشي روحي انتي
زهراء : بعد اذنك
مراد : الو
باسم : ايوه ي مراد ...... عامل ايه
مراد : انا كويس ...... الطياره معادها بكرا زي ما قولت
باسم : هو اه معادها بكرة بس في حاجه غريبه
مراد : ايه الي غريب
باسم : يعني تسافر كندا بلد مش سفرتها انت وآدم خالص
مراد : باسم شوف شغلك
باسم : تمام ...... الطياره بكرا الصبح
مراد : تمام ........ يلا سلام دلوقتي
باسم : سلام
مراد في نفسه : هبعد اوي ادم عارف ان انا لو فكرت اسافر مش هروح كندا وكدة احسن كندا اكتر المدن الي كانت روز بتحبها
*******************
****************************
جاسر : يعني انتي جهزتي كل المخططات
نهي : ايوه ي فندم وياسمين هي المشرفه
جاسر : هو مش المفروض محمد هو المشرف برضو
نهي : محمد والدته تعبانه وياسمين مسكت شغله وهو قعد مع والدته
جاسر : دا إلى هو ازاي ياخد اجازه من غير ما يرجعلي
نهي : ياسمين قالت هي تمسك شغله وأكنه موجود وزياده ...... وهي فعلا عملت كدا لدرجه ان حضرتك مش حاسس بغيابه بقالوا اسبوع
جاسر بضيق : روحي نديلي ياسمين
نهي : تحت امرك ي فندم
جاسر : بقا كدا ي ياسمين عاوزه تعرفيني انك اخت ادم ومسموح ليكي في كل حاجه بس لا دا الفرع بتاعي
ياسمين : حضرتك طلبتني
جاسر : انتي ازاي ي استاذه ي محترمه تدي محمد اجازه من غير اذني
ياسمين ببرود : يس حضرتك هو مخدش اجازه
جاسر : وليكي عين تكدبي
ياسمين : انا مش بكدب انت حسيت بغيابه لا يبقي خلاص وبعدين هو والدته تعبانه المفروض نكون معه في وقت زي دة
جاسر : عاوزه تفهميني ان هو لو طلب مني اجازه كنت هرفض
ياسمين : لا مش هترفض بس كنت هتخصم من مرتبه
جاسر بنفاذ صبر : ياسمين انتي عاوزه تجننيني يعني انتي مش عارفه ان الشركه مش بتخصم من المرتبات لو في ظرف يستدعي الاجازه
ياسمين : لا مكنتش اعرف ...... وبعدين خلاص فيها ايه يعني لما اقول ليه اقعد مع وادتك وانا همسك شغلك
جاسر : فيها ان جنابك عاوزه تعملي عليا اخت المدير وتأمري وتنهي علي كيفك بس لا دا الفرع بتاعي وانا مش هسمحلك تتدخلي في شغلي
ياسمين : انا لو عاوزه اعمل ان انا اخت المدير مش كنت خبيت علي الكل هنا ان انا اخته لا كنت قولت وخليت الكل يحترمني وغير كدا لو الموضوع دا حصل وانا مش اخت ادم كنت عملت كدا
جاسر : هو انتي حد مسلطك عليا
ياسمين : لا والله انا الي كدا
جاسر بغيظ : طب جهزي نفسك انهارده بعد العصر مسافرين
ياسمين : عملت حسابي ...... بعد اذنك بقا
جاسر : والله انت ي جاسر نهايتك هتكون علي ايد البت دي ...... عليها لسان عاوز قطعه بس قمر كدا في نفسها انا شكلي بعيش مراهقه متأخره ولا ايه يلا ربنا يكون في عوني ويصبرني عليها
أنت تقرأ
عشق بنات الملجأ
General Fictionشاب طموح بدرجات من الصعب تصورها يعتقد ان جميع الفتيات هم الوسيله لتدمير المجتمع لكنه لم يكن يعلم انه سوف يعشق فتاه واحده من بين جميعهم ومغرور بشكل لا يوصف ولكنها هي من غيرته جعلته أسير الي حبها أصبح مدمن لها ولكنه لم يغير شئ من غروره فسيكون هذا ال...
