Oops! This image does not follow our content guidelines. To continue publishing, please remove it or upload a different image.
مو دائماً نكدر نمشي ويا رغباتنا الحقيقية ومرات روحك ونفسك ورغبتك بشيء بس ماتتوفر ضروف مناسبة حتى تحصلة او ممكن ماكو فرصة وحتى ممكن انت تضطر تتركة رغم ماتحمل بداخلك اله من رغبات! حتى تحمي نفسك؛ حتى ماتنخدش روحك حتى كلبك يبقى سليم وحتى مايجي حزن الك وغير من الاسباب الي تجبرنا نبتعد او نغير او نمتنع عن مانريد احنه بالفعل...
اخذت نفس عميق اريد اتماشى وية اللعبة الى داتصير وية المسرحية الى ماناوية تكمل همسات وضحكات مالية المكان بس بالي وفكري مو هناَ احس جفني ثكيل العدسات اذتني حيل الرموش مخليتني بلكوة اباوع احس كلبي من ضلوعي يريد يطلعَ كدما يوجعنيَ ابتسامات وضحكات مزيفة الشي الوحيد الحقيقي واكفة كدامي وتضحك وتركص وفرحانه لان راح اجي يمها بس مجنت رايدة بهيج طريقة ابدً
همست:- نعم انت وكيلي بوسط هوسة الديجي واغاني الاعراس المبتذلة َ لا ماريد عيوني ودموعي شرحت حالتي جان نفسي اكول استحالة اني اروح بهيج طريقة جان بنفسي اعيش بس مو اعيش واني اتفرج ع الحياة والسلامَ جان بنفسي اكابر واعافرَ واصرخ لا هذا ماريدة
جان بنفسي اذا ضاع مني شي اباوع ع الى باقي واكول الحمدللهَ عندي خيرات بس اني كليوم يضيعلي شي يجبرني اصرخ واكول مبقالي شي بهالدنيا !
جان بنفسي احذف كلمه ما باليد حيلة باباتي" جان نفسي دموعي تنزل ع شي يسوة مو اقسى حقوقي تضيع مني وابجي عليها جان بنفسي ماابقى وحيدة واصرخ اني وحيدة جان بنفسي يسندني بس هو مساند نفسة!؟ بس شيفيد بعد! اوجاعي كل يوم تزيد احس ثكل ثكل على اكتافي
ابتسمت اخذ ايدي وكمل المسرحية قربها ع شفافة الناعمة دغدغها شعرات شاربة الاشكرَ ابتسم وباسها على كيفِ صوت الاغاني صرع راسي والضحك والسوالف والهمسات والغمزات بينهم عبالك داتصير سجاجين بكلبي ! لفة ايدة على خصري مقربني الة خلاني اتمايل وياه عبالك مموجود غيرنا ا ابتسامته المرسومة ع وجهة تبين شكد حابني بس ياترا هو حابني! صحاني من صفنتي هوسات" حبها ولا تخاف من امها حبها ولك حبها"
