يا حب حياتي

البارت ٩

البارت ٩
في المدينة المنورة
ام حاتم : بنات يالله ترى الساعه صارت ٢:٠٠
يالله خلصوا .
لجين : يالله اللحين . و طلعوا البنات من المشغل و رجعوا للبيت .
ام سلطان : يالله اشوف التغير اللي سويتوه .
ندى : شوفي ماما .
ام سلطان : ماشاء الله تبارك آلرحمن طالعه تجننين .
ندى : كيف شعري .
ام عمر : حلو ماشاء الله .
ام حاتم : تطلعين تجننين .
لمى : والله الصراحه طالعين تهبلون .
غاده : ماما كم باقي على العيد .
ام سلطان : باقي يومين .
آسيل : اجل لازم نروح السوق .
ام سلطان  : وليه ان شاء الله .
أسيل : ابغى كعب غير اللي عندي .
ام سلطان : طيب دقيقه خليني أشوف أبوك .
و دقت ام سلطان على زوجها .
ابو سلطان : هلا .
ام سلطان : بنتك تبغى السوق .
ابو سلطان : طيب مافيه احد في البيت .
ام سلطان: مدري خليني اشوف .
ابو سلطان : تمام . و شافت ان متعب في البيت .
ام سلطان : ايه فيه متعب .
ابو سلطان : اجل خلاص خليه يودها .
ام سلطان : تمام . و قفل الخط .
ام عمر : اجل خليني اشوف متعب يوديك . و دقت على متعب .
متعب : سمي يمه .
ام عمر : اسمع انت مشغول .
متعب : لا توني خلصت شغلي و رجعت البيت .
ام عمر : اجل اسمع راح تودي أسيل للسوق .
متعب بتلعثم : مين ؟؟.
ام عمر : اشبك أقولك أسيل .
متعب : تمام انا استناها في السياره .
ام عمر : تمام . و قفل .
وطلعت أسيل و ركبت السيارة .
أسيل : سلام .
متعب : و عليكم السلام . و هو يلف دركسون السيارة .
و صلوا السوق و نزلت من السياره معها متعب و دخلت المحل و بدأت أسيل تدور  الكعب المناسب و لقيت الكعب و كانت راح تدفع بس متعب ما خلاها تدفع و هو اللي دفع  .
متعب : والله ما تدفعين .
أسيل : بس متعب أنا عندي فلوس .
متعب  : أنا حلفت انك ما تدفعين .
أسيل : طيب  ممكن نمر محل الساعات .
متعب : تمام . و دخلت المحل الساعات و اخذت ساعات و مسابح و رجعوا السياره و اول ما ركبت السياره .
أسيل : امسك هذا لك . وهي تعطيه صندوق و فيه الساعه و المسبحه .
متعب : وش ذا .
أسيل : افتحها بعدين مو الحين و راح تعرف ايش فيها .
متعب : تمام . و رجعوا البيت و دخلت جوا و كلمت أبوها .
ابو سلطان : هلا .
أسيل : بابا انت في البيت .
ابو سلطان : ايه .
أسيل : طيب ممكن تجي انت و عمامي على الحوش ابغى أعطيكم الهديه حقكم .
ابو سلطان : تمام . و طلعت للحوش و بيدها الهديه حق أبوها و عمها .
أسيل : تفضل هذي حقك يبه .
أبو سلطان : ايش فيها . و هو يهز الهديه .
أسيل : تفضل عمي علي .
ابو عمر هو يفتح الهديه : اممم يا ترى وش هي . و كان فيها ساعة و مسبحة و كان لونها كحلي و مكتب عليها الاسم  ابو عمر .
ابو سلطان : ماشالله الهديه حلوه . و بعد ما فتحوا الهديه حقهم و رجعوا للمجلس و دخلت جوه .
.
.
.
في جهة الحريم .
ام حاتم : يعني احنا مالنا هديه .
أسيل : أكيد فيه . و عطتهم الهديه حقهم .
ام عمر : ماشاء الله حلوه .
لجين : ايه بنات ترى بكره راح نقوم الظهر علشان نرتب البيت  قبل العيد .
ندى : اوووف كل يوم تنظيف .
ريم : طيب امس نظفنا البيت .
لجين : ايه لازم ننظف البيت .
غاده : طيب باقي يومين .
ديمه : تقصدين يوم .
ريم : تمزحين .
ديمه : لا والله .
و سوا السحور و هم في المطبخ و جت ندى بجنب ديمه .
ندى : ديمه .
ديمه : خير .
ندى : اسمعي تخيلي مين كلمني .
ديمه : مين ؟؟ .
ندى : سهام .
ديمه : ايش تبغى منك ؟؟.
ندى : جالسة تسألني عن حمد .
ديمه : حلوه ذي و انتي وش قلتي لها .
ندى : ماقلت شيء .
ديمه : ايه طيب هي وش سألتك بضبط .
ندى : اذا كلمته او هو كلمني .
ديمه : خير ان شاء الله ذي وش تبغى .
ندى : أتوقع حست ان حمد كلمني .
ديمه : الحمدلله و الشكر طنشيها معليك منها .
فجر : يالله خلصوا . و بعد ماحطوا السحور للرجال و الحريم بعد ما خلصوا السحور و تسحروا و رتبوا المكان .
.
.
ما باقي غير يوم قبل العيد و الكل كان مشغول و محد فاضي .
.
.
في الدمام .
ام احمد : يا بنات وينكم .
شروق : هلا يمه .
ام احمد : وين خواتك .
شروق : رغد في الغرفه تنظف أما بدور في المطبخ .
و دخل عليهم احمد .
احمد : يمه وين الطاقيه حقتي .
ام احمد : أكيد في الغرفه حقكم .
و دخل عبدالإله .
عبدالإله : يمه .
ام احمد : هممم .
عبدالإله : وين الشراب حقي .
ام احمد  : اقول دور وراء زين .
مصعب : يمه .
ام احمد : ابغى افهم احد قالكم أني مكتب اسقبال ولا ايش .
شروق : وبعدين معكم يالله اللحين اشوف لكم طلباتكم .
بدور : رغد يالله قومي خليني استشور لك شعرك .
رغد : طيب . و قامت رغد عند بدور تستشور شعرها .
شروق : امسك هذي الشراب حقك و انت امسك هذا الشماغ حقك هاا فيه شيء ثاني .
احمد : لا شكراً . وطلعت من غرفة العيال .
ابو احمد : يا نوال .
ام احمد : عيونها .
ابو احمد : تفضلي هذا قليل في حقك .
ام احمد : شكراً . وهي تأخذ الهديه و مره كانت خجلانه.
عبدالإله : ماشالله وش ذا الحب الله يرزقنا .
ابو احمد : اقول انطم بس .
مصعب : ايه الله معنا .
ابو احمد : ولد ارفع علمك وبعدين إذا ما هديت أمك يعني مين اهدي مين مثلاً .
احمد : الله يطول في أعماركم .
شروق : اللهم آمين .
رغد : شروق تبغين تسوين شعرك .
شروق : ايه اللحين جايه . و راحت عند البنات و بدأو يتجهزون و طلعوا يجننون .
.
.
طلع النهار و كانت الحاره قايمه قاعده و أصوات الأطفال و الألعاب النارية .
.
.
ام احمد : يا بنات يالله اللحين راح يصلون صلاة العيد يالله عجلوا .
شروق : يالله اللحين .
رغد : دقيقه خليني اضبط المسكره حقتي .
ام احمد : يالله يابنات اللحين ترى راح يصير زحمه .
و طلعوا البنات و معهم امهم و وصلوا للمسجد .
.
.
.
في المدينه المنوره .
ابو سلطان : يالله ياعيال .
ابو عمر : دق على الحريم خليهم يطلعون .
و دق  على الحريم .
ام سلطان : هلا .
ابو سلطان : يالله اطلعوا .
ام سلطان : اللحين نطلع .
ابو سلطان : يالله استعجلوا .
ام سلطان : معليك اللحين نطلع .
ابو سلطان : يالله احنا ننتظركم في السيارات .  و قفلت ام سلطان .
ابو حاتم : يا حاتم .
حاتم : سم يبه .
ابو حاتم : وين حمد و غيث .
حاتم : والله مدري .
ابو حاتم : دق عليهم شوفهم وينهم .
حاتم : ان شالله اللحن ادق عليهم . و دق على اخوانه .
غيث : هلا .
حاتم : وينكم  ؟؟.
غيث : اللحين نجيكم .
حاتم : يالله . و جوا العيال و بدأو تحقيق ابو حاتم .
ابو حاتم : وينكم هااا .
غيث : والله كنا عند الحلاق و كان زحمه .
ابو حاتم : والله إني شاك بس راح أمشيه لكم .
حاتم  بهمس : وينكم هاا  .
حمد بهمس : والله راحنا نشتري طراطيع .
ابراهيم : يا ماشاء الله عليكم وليه تكذبون على عمي .
غيث : عشان ما يخذه منّا .
حمد : والله ناوي اسوي مقلب في العيال .
حاتم : اقول اهجد بس  العيال مراح يرحمونك  .
حمد : راح اسوي معليك مراح يصير لي شيء .
غيث : براحتك بس بعدين لا تجي تشكي تمام .
حمد : معليه مراح يصير شيء .
غيث : براحتك . و طلعوا الحريم و بدوا يتوزعون على السيارات و سيارة ابو سلطان كان فيها ام سلطان و ندى و غاده و ديمه و ريم و سيارة ابو عمر كان فيها ابو عمر و ام عمر و فجر و مشاري و متعب و سيارة ابو حاتم كان فيها ابو حاتم و ام حاتم و لجين و أسيل و العيال ركبوا مع عيال عمهم .
لجين بهمس : نسيت العيديات حق البزران .
أسيل بهمس : اشبك .
لجين بهمس : نسيت عيديات البزران . و سمعتهم ام حاتم .
ام حاتم : أشبكم ؟؟.
لجين : مم نسيت العيديات حق البزران .
ام حاتم : يا حاتم اسمع ارجع  البيت .
ابو حاتم : ليه ايش فيه .
ام حاتم : لجين نسيت عيديات البزران .
ابو حاتم : تمام يالله ارجع البيت . ورجع للبيت و نزلت لجين تجيب العيديات .
ابو حاتم : على وين ؟؟.
حاتم : على الحمام .
ابو حاتم : طيب يالله لا تطول .
حاتم : تمام . و نزل حاتم للحمام و شاف لجين و كانت راح تطيح بس مسكها قبل ما تطيح على وجهها .
حاتم : انتي بخير صار لك شيء .
لجين : لا بخير .
حاتم : أكيد .
لجين : ايه . و دق بوري ابو حاتم .
ابو حاتم : وينهم هذولي . و طلعوا من البيت و ركبوا السياره و وصلوا الحرم النبوي و بدأت تكبيرات العيد و خلصوا صلاة و قاموا البنات يوزعون العيديات على البزران و رجعوا مكانهم .
ام سلطان : ايه جهزتوا أغراضكم؟؟.
لجين : ايه .
ام سلطان : حلو . و بعد ما خلصوا الصلاة و وزعوا العيديات على البزران و ركبوا السيارات و وصلوا للشاليه و نزلوا من السيارات و بدأو ينزلون الاغراض .
.
.
.
الكاتبه : ايش راح يصير في الشاليه راح تعرفون في البارت الجاي .
( مبارك عليكم الشهر الفضيل و تقبل الله منا ومنكم صالح الأعمال 🌸)