في المشفى كان مالك ينتظر خبر من الطبيب يطمئنه بأنه قد تخلص منها ولكن ما حدث كان عكس توقعاته
فقد خرج الطبيب يلتفت نحوه ليتوجه نحوه بهدوء : الحمدلله قدرنا نتخطى مرحلة الخطر بس للأسف المدام مش هتقدر تتحرك تاني حصلها كسر في الحوض ادى لشلل رباعي في جميع الاعضاء.
انصدم مالك من سماعه لحديث الطبيب ليقول بحزن مزيف : يعني ايه يا دكتور مراتي مش هتقدر تكمل حياتها عادي طب اقدر اعمل ايه.
ربت الطبيب على ذراعه : انا مقدر جدا حالتك بس ممكن العلاج ياخدله سنين ومتوقعش انه هيجيب نتيجة الا اذا فاقت ونقدر نشوف هل في عصب لسه حي ونشخص على كده عن اذنك.
جلس مالك وهو يحدث نفسه بغضب : زي القطط بسبع ارواح بس مش مهم المهم انها مش هتكون عائق ليجد فجاءة دلوف اختها الممر وهي تركض نحوه بذعر.
فردوس وهي مصدومة وتمسح دموعها : اختي حصلها ايه يا عامر انا كنت لسه مكلماها من مفيش حصلها ايه ما تقولي.
نظر لها بسخط ليقف ويتحدث بجمود : اختك كويسة متقلقيش هي بس اتشلت.
وقفت قباله مصدومة لتشهق برعب : ب.. بتقول ايه لا انت اكيد بتهزر انا عارفه هزارك يا عامر الله يخليك قولي اختي فيها ايه.
نظرت حولها لتجد خروج الممرضة من غرفتها : ممكن اعرف زينب اللي جات في حادثة حصلها ايه.
الممرضة وهي تنظر لها لتشفق على حالتها فقد وجدتها منهارة : ده نصيبها يا مدام وربنا كتبلها عمر جديد بس اطمني هي ممكن تتعالج.
ليبث بداخلها الامل : بجد يعني ده شلل مؤقت.
اومأت لها الممرضة بلا : لا قصدي انه بالعلاج وان شاء الله ترجع لطبيعتها بس اتكلي على ربنا وادعيلها... ربنا يقويكم.
جلست فردوس بجوار مالك : يعني الواد راح منها وهي يا حبيبتي مستحملتش اقول ايه بس يا رب اللهم اني لا اسالك رد القضاء ولكني أسألك اللطف فيه يا رب خد بإيديها وعينيها يا رب.
استمع مالك الي حديثها ليفهم ان زينب لم تقل لها ان زياد قد عاد : هو انتي كنتي فين يا فردوس مشوفتكيش يعني من فترة.
نظرت له بإزدراء : اها وانت كل اللي همك انا كنت فين وبعدين هي زينب محكتلكش اني كنت مسافرة مع جوزي بره مصر.
اومأ لها مالك بتفهم : انا مقصدش انتي عارفاني على طول مشغول وحادثة ابني قلبت الدنيا واللي زاد وغطى زينب زي ما انتي شايفة انا بحاول اهون على نفسي ايه مستكترة عليا السؤال.
نظرت له فردوس لتشفق على حاله لتربت على يديه : حقك عليا يا ابو زيا... لتبتلع باقي جملتها يا عامر والله من قهرتي على اختي انت عارف انها غالية عندي مستحملتش كل اللي جرالها ده ونسيت انك كمان في النار معاها... انا اسفه والله... لتتذكر فجاءة ساجده الا فين ساجده.
YOU ARE READING
أسطورة الهلاك ©️
Adventureحُكم عليه بالهلاك قبل ميلاده دون ارتكابه للأخطاء ولد ليصبح سجين الظلام و وحدته ونيسه وصديقه الابدي ليرافق لأعوام لا يعلمها الا سجانه الموت المنتظر ولكن بلحظة يتغير مصيره فتبدأ رحلته لعثوره على نفسه.
