يزيد / تدرين انهم متبرين منتس؟
عقدت حواجبها بقوه وقالت بصدمه / ااييشش؟؟!!!
يزيد / ابي اقولتس كل شي صار
وتين / قولل قولللل
يزيد / ابوتس سوالتس عزاء لمدة ثلاث ايام وانا من الي حضر العزاء وكل قرايبتس واهلتس حضروه وبـ...
وتين وهي تشاهق وتبكي / طيب ليشش ؟!!
يزيد بحنيه / والله مااعلم السبب
وتين / ودني لهم الحينن ودني
يزيد / واذا وديتس لهم ورجعوتس لعمتس!
وتين / ماراح يوديني ابوي ابوي طيبب ابوي حنيّن ماراح يوجعني مره ثانيه والله ماراح يوجعني
يزيد / دامه طيب وماراح يوجعتس ليهه رماتس عند عمتسس!!
وتين / ابوي ميتت ابوي متوفي لو عايش ماراح يوديني لعمي وهو يدري انه قاسي عليي والله يايزيدد
بكت بعدها بألم وتشاهق تنهد وقام وطلع من الغرفه
ام يزيد / شلونها الحين ؟
يزيد / خلوها ترتاحح لحد يزعجها
ام يزيد / يلا اجل امشوا من قدام غرفتها خلوها ترتاح
يزيد / انا رايح للدوامم
مشى لغرفته ولبس لبس الدكتور كان يزيد دكتور جراحه قلبيه
تعطر وتبخر وطلع من غرفته وقفل الباب وراه
مشى وطلع من بيتهم بعد م سلم على امه وابوه وتوجه للمستشفى
عند وتين ~
رمت حجابها وانتثر شعرها الكثيف والطويل لين خصرهاا كان ااسسوودد احتضنت نفسها وهي ترجف / يربي كيف كيففف انا متأكده انهمم توفوا انا شفت شهادات وفاتهم شفتهاااا
انسدحت على فراشها وهي تبكي و غفت بدموعها ..
___________
ابو مطلق بحده / ياولددد ياولدد يامطلقق
مطلق جاء يركض عند ابوه / سم يايبه
ابو مطلق / مير الله يسمك انت بدال عدوك قل امين
مطلق / افا يايبه وش العلم!
ابو مطلق / اليوم فاليل بنروح لبيت ابو بدر وبتقوله كل شي صارر سودت وجهي ودفنته بالترابب سود الله وجهك الودر
مطلق نزل راسه ورجع رفعه وناظر بعيون ابوه / انت نسيتت كيف كنت تعذبهاا لو انك حنيّن معها يكان تزوجتي وهي راضيه
ابو مطلق بصراخ / انت وش تقوللل!!!!
مطلق قام وقف وطلع على صراخ ابوه وهو يناديه
ابو مطلق / حسبي الله عليك الحين وش تبيني اقول للعله ذا بعد
_________
العشاء ..
ليال / يعمري تكسر الخاطر
ليان بحده / اقول اصه
ام يزيد من وراهم افا ياليونتي كذا تتكلمين عن اختس
ليان بتأفف / واليل يمه وش الي اختي انتِ بعد الله يهديتس
ام يزيد / سدي فمتس لو يسمعتس يزيد بيعلمتس شغلتس
ليان / يعقب
يزيد / من الي يعقب!
فزت ليان ومسكت يد امها بقوه
ليان بتردد / فهد فهد
يزيد / تغلطين على اخوتس الكبير قدامي !
ام يزيد / ياوليدي م كانت تقصد والله
يزيد / يمه محد خرب بنتس ذي الا الدلع لكن انا الي بربيهـ....
استوقفه صوتها الناعم المخنووق اثر البكاء وخنقت العبره بحنجرتها / يايزيد
لف لها وقال / سمي
وتين / ودني لاابوي
يزيد تنهد / مااقدر اامن عليتس عندهم انتظـ...
وتين / وكيف م تأمن وهم اهلي
يزيد / خلاص قفلي على الموضوع
وتين / تكفى ياليزيد
يزيد ناظرها وقال / والله ان تبشرين على خشمي
مشى بيطلع من البيت وناظر بليان وقال / وانتِ حسابتس بعدين ياقليلة الحيا
__________
دخلوا ابو مطلق ومطلق وعبدالعزيز المجلس وسلموا على الي فيها وجلسوا بصدر المجلس
ابو بدر / وش العلم ياضاري
ابو مطلق / والله يااخوي مدري كيف اتكلم واقولك عن الي صارر ماادريييي
ابو بدر / لعنبوا غيرك انطق وش الي حاصل!!
مطلق فز وقال / العار هربتت
فزز بقوه ابو بدرر وصرخ بحده / الي تقولهه صادقق؟؟
ابو مطلق / ياعين اخوك هد هد
ابو بدر ناظر باخوه وصرخ فيه / علمني علمني كيف هربت
ابو مطلق ناظر مطلق بمعنى تكلم
مطلق / عمـ..
اللجم فمه البُكس الي جاه من سعد
سعد بحده / تعقب وتخسى ياملعون الوالدين اختي مهي بعارر والعار انت وابوك
ابو بدر / وانا اخو منيره سد فمكك سدهه لاوالله اذبحك واخليك بدال الشاه الي برا
سعد / وين ابو بدر القديم وويينهههه وين الي كان يخاف على وتين من نسمة الهوا اهخ يايبهه وش صارلك وش الي غيرك بفهم
ابو بدر / اذلف اذلفف
جاء بدر وسحب اخوه سعد بالغصب من المجلس وطلعه طلع سعد لغرفته ودخل وسكر الباب بقوهه وراه
شافته مهاا وشهقت بتصنع وقالت / ياويلل حالي تنحنح !
وجدان / م درى عنتس تطمني
ناظروا ببعض بحقد ولفوا عن بعض
~ عند الرجال ~
بدر / تكلم ياعمي وش صارر ووينها فيهه
مطلق قام وقالهم كل شيي من يوم سحبها من غرفتها لين م طلعوه اخويان يزيد من الاستراحه
نمر / وانا اخو المُهره وتعرف ملامح الي اخذها !
مطلق / مااعرف ملامحه وبس اعرف من هو ولدً له
ابو بدر / ومن هو !
يزيد / انا
فزوا كلهم وقال ابو بدر / يزيد !
يزيد / بعينه وعلمه
ابو بدر / ياقليل الحيا تاخذ المره من رجالها
قرب يزيد وباس راس ابو بدر ونزل لمستوى عيونه وناظر فيه وقال بخفوت وحده / دخلت بدخيلي ياابوها تدري ان بنتك جتني شبه ميته تدري ان بنتك تدافع عنك وتتكلم عن طيبتك وحنانك عندي وعند اهلي !
نمر / اللتفت على اخوانها وكلمهم يالخسيس
اللتفت يزيد وضحك بخفففههه / اخوانها ؟ والله ان تبطون انتوا وشواربكم ان تكونون اخوانها قرب نمر بيضربه بس مسكه رعود قبل يخطي / وهو صادق تراهه
يزيد لف على مطلق وقال بحده / معك ثلاث ايام و الله لو م تجي اوراق طلاقها اني لااسحبك من محكمه لمحكمه انت والوالد
لف على ابو بدر وقال / انا رايح اجيبها تسلم عليكم
اللتفت وطلع
ابو بدر بحده / يا ضاري برا انت وولدك برااا
ابو مطلق / تطردني يااخوك؟؟
ابو بدر / اطلع لااطلع روحك انت والرخمه ولدكك اطلععع
ناظرهم ابو مطلق بحقد وطلع
طلعوا عيال ابو بدر وابو بدر ينتظرون اختهم الي بالحقيقه م يبون لقاها ولا سلامها وطبعاً عكس خواتها وسعد ورعود الي يموتون عليها
دخل يزيد وكانت مو واضحه ابداً كانت صغيره جداً بالنسبه ليزيد الي كان عريض وطويلل طلعت من وراه بخفه وهي ترتجف وتبكي بخفوت
رفعت راسها وناظرت بابوها طلعت اهه منها قويهه وتعبر عن الي بداخلهاا من الم تجاه ابوها الي اكله الشيب وعن الكرسي المتحرك الي جالسً عليه بسبب رجوله الي يوجعنهه مشت وهي كانها تعرج كانت خايفه لاحظت ان ابوها ابداً م كان له ردة فعل كان يناظر بوجه ساده و م فيه ملامحح وعند اخوانها نفس الشي الا الرعود الي كان قلبه يدق ودموعه تنزل نفس النار
وهي تمشي عند ابوها كانت تقول /
أتعبني شعور هالوحده وعذابه
امرح واصبح وحيدً و خالي
مالي لا اب ولا اخو ولا ام اعيش بحنانه لا بالله
أعيش يايبه على صمتً كسر ضلوعي
وابكي على حالي كود ارتاح
مير والله م ذقت طعم الراحه بعد فرقاك يانظر عيوني ..
رمت نفسها بحضن ابوها وقعدت تبكي بنوح وتشاهق كان قلب ابوها متقطعع على كلامها وهنا صدق يزيد لمن قاله ان بنته جته وهي شبه ميته
بس للأسف ابو بدر تغير صار الي يدوس على قلبه عشان " شرفه "
ابعدها من حضنه وهو ملتفت عنها
وتين وهي تشاهق / ليهه لييههه ياملاذي ليه ياروحي تبعدني والله ماشبعت ولا ظنتي بشبعع
كانت نظرات اخوها رعود ترعد كان يتراعد وهو يشوف اخته بهالحاله ولا ضم كسرها ابوه وجبره
رعود برجفه / ياعيون اخوتس
اللتفت وضربها قلبها بقوه
مشتت وهي ترتعدد هذا الرعود هذا احن اخ لها مع سعد هذا رعود الي كان صوتها ينبح وهي تناديه ينقذها من تحت عمها الي كان يضربها بعنف
رفعت يدينها لوجهه وبعدها ضمته بقوه رفع يدينه وحط وحده على ظهرها والثانيه على شعرها بكت بالمم وقالت / وينك يالرعود وينك والله انبح صوتي وانا اصوت لك كنت ابيك معي ياعيوني كنت ابيك تجي وتضمني من بين يديهم الوصخه
ضمها بقوهه وشالها ودخل فيها داخل وقف وابعد عنها رفع يدينه ومسح دموعها وقال بحنانننن / يامرحبا يادهر قلبي ورجعانه يامرحبا والله ان تو ترجع لي روحي والله
ترتجف وتين وقالت بعبره / الله يجعل يومي قبل يومك ياروح اختك انت
ابتسم بالم بوسط دموعه وقال / بسم الله عليتس
رفعت ادينها ومسحت دموعها وقالت / خلينا نروح عند امي تكفى
رعود / ابشري امشي يلا
..........................................................................................
هلا والله كيفكم ❤️🔥 ؟ ، ابطيت ياروح وتين ؟ 😓
اخيراً وتين رجعت لااهلها اهخخ تتوقعون وش ابوها بيوافق تجلس معهم ولا بيطردها معه يزيد 🤯💀؟
