بعد مرور سنتين ***
ريفان : عليك الله عليك الله ي سهم
سهم: لالا جربنا الحركة دي قبل كدة و اضطريت اخد اجازة قريب الاسبوعين عشان يقوم تاني ي ريفو
ريفان: لالا م اتعلمت بعداك ... عليك الله ياخ م تخليك حقار
سهم: حقار انا برضو !؟ ي شيخة انتي عاوزة تشوهي ملامحي نهائي
ريفان(بي ضحك): لالا معقولة
سهم: معقولة طبعا انا م سامع اي شي غير دايرة اشوهك ي سهم
ريفان: خلاص عاين انت اصلا عاوز تحلقو درجات ركب اي درجة و حدد لي احلق ياتو حتة ..و خليني احلقو فيها شنو يعني !
سهم: و اذا جرحتيني !!
ريفان: لالا ح اعمل حسابي والله
سهم: خلاص كويس هاك
شالت مكنة الحلاقة و هو قعد و خت الملاية حول رقبتو و هو بعاين ليها نظرات تحذيرية
سهم: والله ي ريفان والله
ريفان: خلاص م تقعد تتوعد و تتعابط خليني اجرب الليلة بغلط بكرة بظبطو
سهم: لالا يا زولة قايم
ريفان: ي الله اثبت انا قلت ليك
قعد و هو بعاين ليها بي توتر و هي شغلت المكنة و بدت تحلق ليهو في شعرو كانت مركزة عشان م تجرحو و في نفس الوقت عشان م تغلط غلط المرة الفاتت و تشيل جزو من شعرو .. و هو كان مركز معاها هي
ريفان: بطل م تعاين لي كدة ♡
سهم: بس نفسي اعرف حاجة واحدة
ريفان: ال هي !
سهم: لي دايما بتكوني حلوة ! كيف بتعمليها ي مفترية
ريفان(بي ضحك): والله انا زاتي م عارفة دي ياتو زاوية ال انت شايفني منها حلوة دي انا م كنت متوقعة انو في يوم من الايام ممكن زول يحبني
سهم: كيف يعني !! م حصل من زمان زول قال ليك اي حاجة
ريفان: طبعا في ناس قالو لكن تفتكر اي زول كنت ح الاقيهو بي ردودي ديك كان ح يصبر ويقعد عشان يكتشف الشخصية ال جوا !!
سهم: بلا طبعا في ناس معاك .. بتقوليها و فرحانة كمان ! 😒
ريفان (بي ضحك): مالك هسي د م كان نقاش طبيعي و حلو بتقلبو غيرة لي !
سهم: احلقي حلاقتك بس .. زاتو م داير اتكلم
ريفان: خلاص خلاص واصل كلامك عشان انا طول م ساكتة صدقني ح اهبب هبابة
سهم: هبابة!!!
ريفان(بي ضحك): مالك انت خايف كدة ياخ!!
سهم: عشان لبست كاجوال في الشركة لمن شعري قام كويس و بقى م مشرتم و معولق
