يهد حيلي ويكلي لخاطري تحملي
(قبل عدة اشهر)
علي راد من الشغل دك تليفوني رقم غريب الوو
نور _الوات شلونك
الحمد لله بخير منو وياي
_وحده عاشكتك
_هلااا بهل وحده بس خويه انتي تدرين انا مزوج وعندي فريخات ثنين وعندي مره اذا درت بيه جاي احجي وياج تعلك مشنقتي كبال بيتي وانا يا خويه ما بيه حيل
_شني تخاف منها
_اي و الله اخاف منها
_ياااا
علي _هههههههههههه شتردين خويه
_انا مووووش اختك
_بووويه شرايده
_اريدنك
_هاا سالفتج مطول الله وياج سديت الخط وما اجه بالي هيه شنو تفكر گلت بنيه وصديتها موو فد مشكله
رديت للبيت والوضع طبيعي كل يوم تتصل وتلزك
شتردددين انتي دخيل ربج شكد لزكه
_اريدنك انا عاشكتك
_بووويه انا مزوج
_اي شني صعبه تزوج عليها غير الله محلل ٤
_سديت الخط منها وحضرتها من تليفون
ثاني يوم اتصل رقم غريب جنت بالبيت الوو
_هلاا بنور عيوني
_فلااا تستحين انتي وحده صلفه طيح الله حظ تربيتج
سديت الخط ردت اتصلت شترردين دخيل الله_والله لو رديت سديته بوجهي ل اسوي بروحي شي واروح الشيخ عشيرتنه واگله ابن شيخ عبد الله نام وياي
_ولج انتي خلك وحده ساقطه انعل ابوج لبو عشيرتج همممم نفتح باب الهول
تباهي _شصايرر ليش معصب
_لا ماكوو شي
دخلت للبيت وبالي يم هل بنيه اذا بلتني شسووي
اول شي فكرت بي اشوفها اسايسها واشوفها اذا ما اعرفها شلوون احلهاثاني يوم من طلعت خابرتها وضحك وسوالف اريدها تأمنلي حتى من اريد اشوفها ما تتردد
ظليت هيج سبوع كامل واضطر اطلع من البيت اذا تدري تباهي تتخبل
ظلت اشك وظلت تتولول مو نسوان استخبارات ما تلحكهن
وبعد سبوع طلبت اشوفها وفعلاً كلتلي تعال يم باب بيتنه ورحت وشفتها عرفتها بت اخو عيده ما كدرت اسجللها صوت بس مجرد شفتها من باب
رديت خابرتها وكتلها اذا بعد اشوفج متصله حلكج اشكه ساقطه سديت الخط وكلت بعد مستحيل تتصل
ساعه وردت اتصلت ولوشكد ما احضر تتصل من رقم ثاني
وجانت كل متتصل من رقم اسجله العريف نوري