بنات السعد

٣٢

نظر له فارس بصدمه وقال:انا سمعت صح هو اي اللي حضرتك بتقول دا

نظرت له والدته وقالت بحده :اي مانت اللي مش عايز تتجوز عشان كده قولت ان اختار عروسه ليك انت عارف البت سميه بنت عمتك انا قولت لابوك يطلب ايديها ليك وهو كلمهم وهم وافقوا وكانوا مبسوطين اووي واتفقنا انك تيجي ليهم بكره وهنقراء الفاتحه بس والخطوبه بعدين

نظر لها فارس وقال بغضب:يعني اي لا مش فاهم يعني اي انا مليش شخصيه عيل معاكم عشان قولت مش عايز اتجوز تعملي كده طب والله كويس انها جت على قد الفاتحه مش كتب كتاب اي التهريج دا

نظر له والده وقال بحده:فارس احترام نفسك وانت بتكلم امك

نظر له فارس وقال بضيق:انت شايف ان اللي بيحصل دا طبيعي انا مش هتجوز دي ولا هدخل بيت عمتي تاني

نظرت له والدته وقالت بغضب:انت مش شايف قدامك انت هتفضل كده كتير انا شايفك مدمر نفسك وعايز تعيش كده ليه عشان مين وعموما هتروح معايا وهنقراء الفاتحه انت مش هطلعنا صغيرين عند الناس

نهض فارس وقال بحده:انتم اللي صغرتوا من نفسكم انا مش هتجوز دي امي انا فى مصايب بتحصل ليا فى الشغل وانتهت البنت اللي بحبها بين الحياه والموت بتمني انها تفوق تقومي انتي جايه تقوليلي اتجوز حد غيرها ليه ياجدعان حرام عليكم اللي بتعملوا فيا انا على اخري سبوني فى حالي

دخل فارس غرفته جلس على الفراش وهو ينظر امامه بشرود يشعر انه يريد ان يتحدث لكن لا يوجود شخص يشعر به اغلق عينه بتعب وقال بهمس:سمر فوقي انا مش عارف امتي وازاي حبيتك ولا انتي عملتي اي فيا يارب انا قولت هقفل على قلبي انا مش ناقص وجع تاني اول ما افتح قلبي يحصل كده انا تعبت

نظرت والدت فارس لباب غرفة فارس بصدمه ثم نظرت لولده وقالت:هو انت سمعت صح ابنك بيحب طب مقالش ليه

نظر لها والد فارس وقال بضيق:دا اللي فى دماغك انا من الاول قولت متكلميش حد اتفضلي فكري هنقول لناس اي دا مش بعيد اختي تقطع علاقتها بيا اتصرفي انتي انا هتفرج هشوف هتعملي اي

نظرت له والدت فارس امامها وقالت بهدوء:مش مشكله معايا اي حد المهم اعرف مين اللي ابني بيحبها وحياه وموت اي اللي فارس بيتكلم فيها دي ولو على اختك انا هتصرف معاها لو زعلت تزعل بقي هعمل اي اهو النصيب كده
نظر لها والد فارس وقال بغضب:لا انتي مش طبيعيه انا هقوم انام وخليكي مع دماغك دي
........
فى الصباح كان يقف فارس امام غرفة العنايه المركزة اقتربت منه ممرضة وقالت بهدوء:حضرتك واقف هنا ليه

نظر لها فارس وقال بتعب:هي كويسه صح عدت مرحله الخطر انا عايز اشوفها حتي لو خمس دقايق