صلو ع نبينا محمد عليه افضل الصلاه والسلام ...
____
راسها وهي تاخذ مناديل تمسح التفت وهي تدفه وتطلع جلست ع الكنب ، وعاصف فك الباب وطلع من الملحق اخذت الجوال الي مخبيته وفتحته ، ودقت ع رقم بيتهم وجاءها صوت البندري الي تقول الووو
الريف ببتسامه وبصوت مبحوح : البندري
البندري والي كانت تنظف طاح منها المنظف ع الارض ونطقت بصوت كله شوووق : الرررريف ، انتي بخير ؟
الريف وهي تمسح دمعتها الي نزلت ع خدها : بخير يعيون اختك
البندري ببتسامه نطقت بخوف : م يسوي لك شيء ؟
الريف ابتسمت : من ؟
البندري : من غيره زوجك
الريف والي حست بخشمها ينزف مره ثانيه اخذت المناديل وهي نحجب الدم نطقت : لا
البندري : صدق ؟
الريف وعشان م تحسس البندري بشيء : اقدر اقولك احسن من صافي
ضحكت البندري وابتسمت الريف من ضحكتها نطقت البندري : يعني محد يضايقك ؟ امه خواته
الريف وهي تمسح خشمها : لا ماعنده ام ولا خوات
البندري تنهدت براحه : بالي كان مشغووول
الريف ابتسمت : لاينشغل ولا شيء ، امي عندك ؟
البندري ببتسامه قامت وهي تركض لامها وتقول الريييفف يمه الررريففف
نجمه وهي الي كانت جالسه مع ملهم ، اخذت التلفون من يد البندري ونطقت : الريف
الريف ببتسامه : امييي
نجمه من سمعت صوتها وقفت ع روجلها وبكت وهي تقول : لا ليلي ليل ولا نهاري نهار وبالي مشغولل عليس
الريف بلعت ريقها : لاينشغل يمه صدقيني انا بخير
ملهم : عطيني اياها
نجمه مدت التلفون لملهم ، ملهم وهو الي م قدر ينطق ويحس انه هو السبب
نطقت الريف : يبه
م رد ملهم وهو يبعد التلفون عنه والبندري رجعته له ونطقت : كلمها يبه كلمها
الريف ببتسامه : يبه مالك دخل انت بالي صار اعرف انك تلوم نفسك لاتلوووم
ملهم ابتسم ونطق : كيفك
الريف : بخير
ملهم : تاخذين دواك صح ؟
الريف ابتسمت ونطقت بحنيه : اي اخذه
ملهم : لا خلص خليه يجيب لك ولا دقي علي يبوك لاتقعدين بدون دواك
الريف : ابشر يبه ، ليث وين خلوه يكلمني
ملهم بعد التلفون عنه وهو ينده ل ليث بصوت عالي وجاء يركض ، واخذ التلفون
الريف : ليث
ليث ببتسامه وبصوت طفل : الررررريففف
الريف : عيوووني ، اسمع لاتخليهم يهزمونك انت اهزمهم ولاتسامحهم اتفقنا ؟
ليث : اي بس متى ترجعين
الريف ببتسامه كسر : قريب ي ليث قريب
ليث : وعد ؟
الريف ابتسمت : وعد ، يلا بقفل الحين وبكلمكم بعدين
قفلت الريف وهي تناظر الملحق وهي كارهته
...
| عند اماني |
كانت بيدها صينه وتوزع الحلا عليهم ، وكانو الحريم يسولفون
تكلمت وحده من حريم الديره : اقولس بتجون عرس امل ي ام اماني ؟
ام اماني : اي بالله اكيد بنجي ، بس وينها امل وامها اليوم ؟
الجوهره : بيجون بس قالو بيتاخرون شوي
اماني تركت الصينه في المطبخ وطلعت للحوش ، شافت امل وامها جايين ابتسمت وهي امل صاحبتها ، تعثرت امل في الحوش وطاحات ع صخره ، مسكتها امها : تعورتي يمك ؟
امل وهي ماسكه رجلها : ايي
جت اماني تركض : امللل
ضحكت امل وهي تقول : يخي شوفو لكم حل مع صخركم من وانا صغيره اطيح عليه
ام امل : لو انتبهتي شوي
اماني ضحكت وهي تشوف رجلها : والله جرحك عميق
امل : اوووفففف م انجرحت الا وزواجي بكره
طلعت الريف من الملحق وهي تناظرهم ، وقربت من امل وجلست عند رجلها : بسيطه ، اماني اذا عندك منظف وشاش عطيني
قامت اماني وهي تجيب ل الريف وتعطيها ، بدت الريف بيدها الناعمه تنظف الجرح وتنفخ عليه ولفت عليه
ابتسمت امل : يزينك ، من انتي
اماني ابتسمت : ذي الريف زوجه عاصف
ام امل ابتسمت : ي هلا سمعنا عنك كثير
الريف ببتسامه : اكيد مو بالشيء الزين
امل ضحكت : اي ، بس مايهم الواضح انك طيبه وعاصف عندي مررره غالي
ناظرتها الريف ب استغراب ، اماني ابتسمت : امل وعاصف كانو يلعبون واجد وهم صغار
الريف ناظرت امل : اهاا
امل ابتسمت وهي تناظر الريف : وبما انك زوجته انا عازمتك ع زواجي بكره
الريف ببتسامه : يروحي بس م اضمن لك اني اجي
ام امل: ترا نزعل مانبي اي اعتراض ، واذا قصدك حريم الديره ف كل الحريم اذا غارو من وحده عيبو فيها
ضحكت الريف : ان شاءالله
اماني : صدقتي في ذي صدقتي انا بجيبها من فوق خشمها
امل : كفووو مع شعرها جيبيها
ابتسمت اماني : حياكم وقفتو ع الباب
دخلت امل وامها للبيت ، والريف للملحق ولحقت اماني امل وامها بدو الحريم يسلمون ع امل وامها لانها كانت من الحريم المهمات في الديره زيها زي ام اماني ، جلسو وبدو يسولفون
ام اماني : وش فيها رجلس ي امل
امل وهي تناظر رجلها : طحت عند بابكم ، والله يجزاءها خير زوجه عاصف ساعدتني
بدا وجه الحريم يكشر ، وابتسمت ام امل : وحنا عزمناها ل عرسنا
ام اماني : وشوووو ؟ تبونها تخرب عرسكم ؟
ام امل ب استغراب : وليش تخربه ؟
حريم الديره : ذي مجنونه م تلقى العقل وانا اختك
ام امل : بالعكس لو عندي ولد كنت اخذتها له قبل عاصف ياخذها ، بسم الله عليها جمال وكمال ومالكامل الا الله
ام اماني : اذا جت ماني جايه ي ام امل
ام امل : وراك ؟ انا عزمت الكل والي يبي يجي يجي عيب اعزم كل اهل الديره وزوجه ولد جميله م تجي
سكتو حريم الديره وهم ماعاد عندهم كلمه
.....
YOU ARE READING
ياسماء امطـري واعصفي الريـف
Poetry" ياسماء امطري واعصفي الريف " "لاعبيني ياهوى والليل سامر لاعبيني ب اللحون السامريه🎶" حسابي انستا | llzix_2 كتبت بواسطه | مجد العوض
