امشي بالشارع بروح خاويه والدَمعه بمحجر عيني تايهه بكل معنى الكلِمه
ومايجي ببالي غير سؤال طول هاي المده "معقولة"
معقولة اشوف هذا الخِذلان منهم!
مسحت الدموع النازله على خدي ورفعت ايدي حتى اشوف الساعه كانت 8:30
باوعت للشارع والناس الي تمشي ماهتميت، ن...
قاطعتها سُبحان:- مهما تكون اسبابچ ماراح اقبل لان إلي سويتي مو قَليل ،شلون انطاچ گلبچ تتركيني مرة الثانية بنَفس الطَريق؟
سمر:- شنو قصدچ بـ مرة الثانية ؟
نزلت دمعتي سُبحان:- اكيد ماتتذكرين معذورة ،تركتيني اول مرة وانا عُمري 6 سنوات وهَسة تركتيني هم ليش راجعة بعد؟ مو بنفسچ گلتي غلطانة بالعنوان؟ بس الغلط غلطي ايام كاملة اني ادور عَليچ وچنت على امل راح تتقبليني چنت متصورة ترديني تردين بنتچ إلي تركتيها من سنوات ،بس شلون نسيت إلي يترك مرة يترك الف مرة
سمر:- انا اعترف غلطت اول مرة من عفتچ بس والله كل هاي السنين انا ماكلني الندم اكل وكل ليلة ابچي عليچ واتخيلچ
سُبحان:- زين ليش ماحاولتي تتواصلين وياي مرة وحدة علىٰ الاقل؟
سمر:- حاولت، حاولت هواي بَس محد قبل لا ثائر الله يلعنة ولا زوجي شبيدي انا
سُبحان:- چان سويتي الف طريقة حتىٰ تلتقين بية معقولة ماگدرتي تدزين شخص يگلي امچ تريدچ بس ماتگدر؟؟ أذيتيني هواي
سمر:- اي صحيح وحقچ شما گلتي بس عذريني والله اجيت اصحح غلطي هَسَة
