أهلا بالعيد يا صاحبي
حلقات خاصه
حب في حاره شعبيه (عشق التوأم)
بعنوان:
-ليلة الهم
وائل & زينه
ماهر & مليكه
براء & مريم
مروان & تالا
----------
نهاية الشهر الفاضل هذه الليلة هلال بداية الشهر الجديد ينتصف السماء وفي الغد أول يوم من أيام عيد الفطر الجميع سعيد والتهليلات في كل مكان.
وفي بيت كبير نسبيا يعمه الصخب والصياح و...الفوضى!!!
زينه: متكنس حلو ياض بدال ما أكسر المقشه على نفوخك.
عمر: مبراحه إنتي عارفه إني مليش في الكلام ده.
زينه: إبن خالتك بيعرف ينظف البيت لوحده.
عمر بصدمه: خالة مين؟! أنا معنديش خاله أصلا!!
- تصدق.. متخلص يلا.
- حاضر.
دخل وائل إلى المنزل وهو ينظر بصدمه لذلك الحذاء الذي قذف في وجهه
وائل: إيه ده؟ حرام والله.
زينه: أنا آسفه دول عيالك الكلاب معصبيني.
نظر لهم جميعا وقال: ها بقى معصبين أمكو ليه؟؟
لاحظ أن مازن ليس موجود بينهم.
- فين مازن؟
- مازن..اااااا
زين: الست الوالده حبساه علشان كان مش راضي ينظف
عمر: لا مش محبوس
أشار على مازن
وائل: إيه ده هو عامل كدا ليه؟!
زينه: عامل إزاي مهو زي الفل أهو
مازن: طب والله حرام عليكي
خلعت زينه خفها المنزلي وألقته في وجهه
يزن: تستاهل أنا كدا فرحان فيك جدا
زينه: خد يلا
وائل: إستني يا زينه إيه إللي إنتِ ملبسهوله ده؟
- دي مريله مطبخ ودي مقشه ودي قماشه
أكمل مازن كلامها
- وده مازن إللي بقى شكل الأرض إللي بقاله نص ساعه بينظف فيها.
زينه: بالظبط كدا
ثم نظرت لوائل
وقالت: جاي متأخر ليه يا وائل
- كنت بلعب ببجي
- منغيري
- ربنا يصبرني.. يا بنتي..هدي نفسك يا وائل. يعني هكون فين يعني في الشغل أكيد يا زينه
آه صح جبت حلويات لأحلى حلويات
مازن: والغلابه المتسوحين من الصبح
أمسكت زينه بشعره بقوه وهي تقول: عيل حقود صحيح
وتركت شعره ثم قفزت في أحضان وائل الذي كان ينظر لها بصدمه
ويقول في نفسه: سبحان مغير الأحوال مش دي إللي كانت هتخلع شعره برضو ولا أنا بيتهيقلي
- يلا بقى يا حبيبي هتدخل دلوقتي تغير هدومك علشان...
- ها علشان إيه
- لا ولا حاجه خش بس غير هدومك
- أنا مش متطمنلك
- لا يحبيبي كله تمام يلا بس.
دخل وائل ليبدل ملابسه
وعندما خرج
عمر: ماما كدا شكلها ناويه...
وائل: ناويه إيه متنطق
- لا دي مفاجأه هتعرف لوحدك
- هنشوف آخرتها
زينه: يلا بقى علشان نكمل عمايل الكحك.. يلا يا وائل
عمر: إلبس يا معلم هسيبك أنا بقى علشان مأتعلقش
وائل: أنا مستحيل هعمل الحاجات دي
بعد خمس دقائق
- شطور يا وائل مإنت طلعت بتعرف تعجن أهو
ضحك عمر وقال: أهو بقى شوف مش هتعمل حاجه إزاي مسيطر انت يا بابا.
