وهج المهيار (عناوين مفقوده )

مشاهد

                                 بسم الرحمن

انستا _cd.6
Hadawii19 واتباد.
وهج المهيار (عناوين مفقوده)
بقلمي انا:هدى العسكري
لتنسون التصويت +التعليق بين الفقرات +متابعه لحسابي يحلوات 🌸
_________________________________________________________

نگعد وارتبك والوجه
ينطي الوان ، اخاف احچيلي
كلمة وتنحسب ضِدي
بعالم چنت عايش
لونة اسود حيل
من شفتك
عرفت العالم الوردي

مشهد1

بدت تضلم الدنيا وارتفع صوت اذان المغرب
اعتصر كلبي  ،تعبت ،والتفكير ،والقلق ،اخذ من حيلي حيل
هذا ثالث يوم اطلع من الصبح لليل ومجاي الكه شغل

رجعت للبيت وخطواتي ثكلت واتعثر شون ياربي شون بينه شون اكدر اشتري العلاج بيبي
واني ولافلس عندي وحتى شغل ماكادره الكه

-رفعت راسي للسماء ونزلت دموعي :دخيلك ربي يسر امري
وسهلها عليه وخلي الكالي شغل حتى لو بس اجيب علاج بيبي
مالي حيل بعد افقد احد من الفقر والعوز

جاي امشي وعثرت بحجاره ووكعت على وجهي جفي
زادت شهكاتي بخنك حتى لحد ينتبه عليه
كمت على كيفي رجليناتي اتاذن نفضت ايدي وملابسي من التراب

رفعت راسي من سمعت شخص يعيط على طفل جان يلعب طوبه
اعتصر كلبي وانرعبت من شفت
شخص ضخم كلش،وبيده سجينه كبيره وعيونه يمه عيونه تخوف
اهتز كل جسمي من خزرني
عيونه صفرروكبار اريد اخطي خطوتي واكمل طريقي
احس رجليه ماتو
لحدما عاط بيه :-شبيج انتِ شكو صافنه هاااا يلا منا انتِ وهذا اشر على الطفل لا اذبحكم واكصبكم واذبكم للجلاب يلاااااا
ركضت من خطه خطوه اتجاهي ..........