لا هداني لله ونسيتك
ولا هداك الله واجيت ..
-موواصييح عليجن ليش مسمعن هااا موگفتلجن حتئ تعبرن شبيجن متهيات بس اسولفن موصوجن صوجي اني.
مها:بقيت صافنه شبيه هذا عصب علينه بقه واگف عبرنه اشارع قبل النمشي گال لاصيرن فاهيات انتبهن عافنه وراح واحنه رحنه كلماً البيتها دخلت سلمت ورحت گبل للغرفه بدلت وصليت نزلت اتغده بقيت اصفن.
أم مهاا :ماما مهاوي شبيج ليش اصفنين من اجيتي موعلئ بعضج صاير وياج شي أحجي
مهاا:لاماما مابيه شي بس تعبانه ونعسانه هسه اتغده واصعد انام اگعد مابيه شي لاتخافين ماكوو شي.
ام مها:خوش بنتي علئ راحتج.
كملت اكل وصعدت بقيت افكرر شعجب هبه مااحجت موعادتها. خلي اتصل عليها اتصلت الووو هباويي اگلج ليش انتي مانطيتي اي ردت فعل اتفأجت بيج الووو وينج ليش سكتي
هبه:اخخ ولجج اني شفته واخرسيت بوويه يخبل موبشر خلاني اصفن لووباقين بشارع مخلينه واگف ونباوع عليه اخخ.
مهاا:تحجين صدگ شووف هاي اني وين وهيه وين هيووو اصحي عوفج من احلام العصر ترزلنه وعصب علينه ويزمخ وانتي حضرتج مسرسحه يله ولي خلي اروح انام تعبانه. سديته منه ونمتت گعدت علئ صوت المنبه موسويته حتئ اگعد اقرائه لاتخذني النومه وعندي امتحان باجر گعدت غسلت وجهي وفرشت كتبي وگعدت اقرائه بس كلما اصفن يجي بالي اووف دروح ليش تجي بالي مووعصب علينه والله يالله شايف نفسه علئ شنوو ماادري اووف اخذت غيبته استغفرالله شعليه بيه. واني بصفنتي اجه اخوي كرار فززني
كرار:هاا ولج وين صافنه مادرسين المهم اگلج سؤال اني اهلي لگيني مااحس اني ابنهم ليش هيج يعاملوني ولاعبالك ابنهم بس الجبير يموتون عليه مدري شمسويلهم يمكن سحرر هوه زغيرر حتئ انتي مسويتلهم سحرر گليلي حتئ ارروح اسويلهم واسودنهم حتئ يعرفون منو كروري بس احسن حل اعوفكم واروح ايي بس هذه الحل.
مهاا:صافنه عليه يحجي من گلبه اشويه وحصرتني الضحكه وهوه مقهورر اني حاجيته اي يله روح گول الهم بله انشوف ردت فعلهم.
كرار:يله نزلي خلي نشوف.
مها:نزلنه ولكيناهم كلهم گاعدين بابا وماما گاعدين يسولفون حمودي يباوع بتليفون وزغير يباوع تلفزيون طالع برنامج مسابقات حمحم وحجه.
كرار:اسمعوو اگلكم شي اني اريد اطلع من هذه البيت ماابقه بيه ماحاسبيني ابنكم قررت بعد ماابقئ سوفَ اهاجر
مهاا:يحجي منفعل. البقيه صافنين عليه سكت اشويه وابويه حجه اي اطلع بعد احسن نرتاح من هوستك احنه كبرنه مانتحمل الهوسه الباب مفتوح اخذ غراضك واطلع. خطيه ضاج كلش خلاهم وصعد الغرفته بلگوه لازمين ضحكتنه اخوي زغيرر ماتحمل ضحك وابويه يسكت بيه اشويه ونزل بيده جنطه اهلي استغربوو. صدگ سواها راح طلع عباله احد يصيح عليه مشه اشويه وابويه طلع وراه جابه واجه ويصيح لاانه موابنكم انتم ماتردوني.
ابومحمد:يابه اشلون مانريددك انته ملح البيت من يضحكنه ويغيرنه جوو انته ابنه بس بعد الوسطاني ماادري ليش يگولون اهله ميحبونه.
مها:اشويه باس راس ابويه وامي گالهم اشاقه وياكم بس ردت اشوف معزتي عندكم. اني عفتهم وصعدت عندي دوام نمت. وگعدت علئ صوت المنبه غسلت وصليت وبدلت ونزلت صبحت عليهم تريگت وطلعت لبيت هبه دگيت الباب وطلعتلي مشينه بس هيه بس اصفن سألتها. هباوي وين صافنه شبيج.
هبه:لامابيه شي اشويه تعبانه من اجواء البيت والدراسه لاينشغل بالج عمري.
مهاا:ماشي اذا تحبين تحجيلي اني أختج دائما وياج واذكري احنه صداقتنه موهسه احنه صديقات طفوله كبرنه سوه لعبنه وضحكنه حزنه وفرحنه كله سووه وهسه گاعد اضمين عليه. لازعلين مني بس الله شاهد صح اني ماعندي اخت بس انتي صرتي اعز من اختي حبيبتي انتي.
هبه:بعد عمري والله اني هم اعزج اكثر صح عندي خوات بس معزتج بگلبي جبيره لان انتي اقرب وحده الي ترئ راح ابجي علئ هذا الحجي بلگوه متحمله.
مهاا:لاتبجين اشش اجت شبگتني مشينه للمدرسه بس اشويه وذكرت تباوع الشارع الله كون نشوف الي رزلنه. باوعت عليه انجبي بيومها مانمت من وراه رزلنه وصيح علينه علمود شي تافه اني ابويه مي زمخ عليه هوه منوو حضرته.
مهاا:وصلنه للمدرسه طبعاً اجينه من بعد مانفصلنه كملنه ثلاثه ايام اهلنه گنالهم مااعدنه شي مااحجوو دخلنه الصف هم لگينه فرح ومجموعتها مااهتمينه اله تباوعلن بطرف عينه عبالك مدري شايفه كملنه دروسنه وطلعنه تمشينه گامت سيارت تجي واحنه واگفين اشويه وهبه صاحتت گتله شبيج عيب منا شارع گالت شفته والله شفته گتله منوو ولج گالت هذاك الي رزلنه. خرب براسج مشينه كل وحده راحت لبيته اني صعدت بدلت وصليت ونزلت اتغديت صعدت انام لان باجر ماعدنه امتحان. نمت واني نايمه وجعع بطني موتني مااتحملت بقيت اعيط اهلي اجواني خافوو خطيه شبيج مهاا احجي امي گامت تبجي واخواني يردون يفتهمون ماكوو اخوي محمد گلهم راح اشغل السياره نأخذه المستشفئ راح ونزلوني اخواني مشينه امي وابويه واخويه البقيه بقوو ب لبيت. بقيت أبجي واصيح آلم ماينحمل. بابا وماما يگلولي ماكوشي هسه نوصل وصلنه اخوي راح جاب سديه حطوني بيها دخلوني اج دكتور يشوفني وانيي انصدمتتت. ......................يتبع
الكاتبه:رقه
