#أسميته عالمي:.
_بخيبة أمل: أهو يا ستي وديتك الملاهي اللي قرفاني بيها كل شوية.
_وهي تقفز من الفرح: عااااااا أنا فرحانة أوي أخيرًا روحت الملاهي عاااا لا لا مش مصدقة نفسي.
_بزعر: ملاك أهدي يا حبيبتي أنتِ الحماس أخدك كدا ليه.
_ملاك بحماس: أنتَ لسه هتسأل يلا تعالىٰ.
_جذبها من يدها بخوف: لا استني اهدي كدا وقولي هنروح فين.
_بجنون طفلة وهي تقفز: بيت الرعب.
_بخوف: ياما بيت رعب مين اتهدي يا ملاك بطلي هزار.
_وهي تصرخ لحماسها: ومين قالك أنه هزار بس يا حماااادة.
_وهو يصرخ ويأخذ خطوتين للخلف: ااااه يخربيتك سرعتيني مش كدا.
_وهي تشد يده: يلا بس وبطل رغي عشان اليوم ميضعش.
"دخلوا بيت الرعب وانطلقت الرحلة كان هو يصرخ من الفزع أما هي تصرخ بحماس حتى انتهت الرحلة خرج كل من كانوا بالعربة ومنهم ملاك ومحمد كان خروجهم مسرحي فكانت هي تخرج بفرحة مستمتعة بتلكَ الرحلة، أما هو فكانت أرجله ترتعش من الرعب الذي مر به"
_ملاك وهي تجذبه مرة أخرى: يلا على اللعبة التانية مفيش وقت.
_جذب هو على يدها تلكَ المرة: يا بنت المُفترية اتهدي دا انا بقيت فستك خالص مش عارف اتحرك.
_ياض انشف متبقاش خرع.
_لااا يا ماما لحد هنا واستوووووب أه كله الا شرف الراجل.
_وهي تضع يدها بجانبيها: أيوة يعني وبعدين.
_وهو يشير بيده: يلا شوفي هتركبي ايه تاني.
_ملاك بحماس من جديد: الساقية.
_ااااايه س ساقية ايه.
_هو فيه غيرها.
_وهو يرفع رسه لسماء: يااارب كنت ديما بدعي تتمرجح في دزني لاند من اللي أنا فيه {ثم ولوله بصوته مثل هاني رمزي} بس يارب مدعتش أتمرجح معاها أنا أتمرجح معاها لي طيييب ااااه.
_بعدين بعدين حوش الكبت كله وانفجر في الأخر.
"ركبوا العجلة التي تشبة ساقية المياة وبدأت بالتحرك حتى أسرعت ظلت تهلل بحماس أما هو ظل يصرخ فهو عنده فوبيا من المرتفعات"
_عااااااا منك لله يا ملاك يا بنت أم ملاك يخربيتك يخربيييتك عااااا.
_ملاك بتذمر: فيه ايه بس الحق عليا بجدد طفولتك.
_وهو يضربها بزراعها: يخربيتك طفولة اييييه أنتِ هتخليني امشي بكفولة يحرقك عاااااا حد يوقف الزفتة دي عاااا ادي أخرت اللي يمشى ورا العيااااال.
_بتذمر: الله وقفت أهي يلا ننزل فضحتنا.
"نزلت هي ونزل هو بعدها يلتقط أنفاسه ثم نظر لها وهي تنظر له بذمر وهي تعقد يدها"
_أنا مني لله مش هسمع كلامك في حاجة تانية أبدًا.
_بشقاوة: هاهاء قديمة بتعملي اللي أنا عايزاه برده أنا كأي ست مصرية زنانة بتاكل دماغك.
_بيأس: إن كيدهن عظيم فعلًا، حسبي الله.
«مع كل معاناته تلكَ من هذه المجنونة ولكن ما أجمل أن تتزوج تلكَ المرءة العاقلة المجنونة بكل حالاتها بنفس ذات الوقت فهذا الجنون هو ما يزين الحياة قليلًا عكس تلكَ المرءة العميلة الجدية بكل أوقاتها فصدقت تلكَ الجملة التي دائمًا نقولها علىٰ سبيل الضحك "الزوجة الفرفوشة رزق"»
_بقلم: دنيا محمد "ملاك صعب الامتلاك".
ESTÁS LEYENDO
أسميته عالمي
Historia Cortaاسكربتات منوعة وعبرة في النهاية بقلمي دنيا محمد اتمنى تعجبكم❤❤
