غرام الشاهين

بارت 11

السلام عليكم

لا تنسو التصويت

والتفاعل بين الفقرات لطفاً

متابعه للحساب @9_lj7j

***********************************

‏ماذا تُريدينَ.. قلبي؟ أنتِ زهرتُهُ
‏ماذا تُريدينَ.. عُمري؟ أنتِ أعماري
‏لو تطلبينَ عيني لستُ أمنعُها
‏يا غيمةً حملت في الصيفِ أمطاري

***********************************

غرام

- احمم شاهين

- عيونُ يُبا

رفعت عيوني أباوعله بنظرات بريئه وابتسم بالطافه ابتسم بطرف شفته ورفع حاجبّ أشر بأيده بمعنئ احجي توترت ودرت انظاري اباوع بالغرفه كُلها وما اباوع بوجها سحب وجهي عصر خدودي بأيده وكال

- احجي ام السان شعندج

- اهوو حسبالك اخاف منك شنو باوع انتَ كتلي اخذج تزورين شيدان بس نعقد اخذني يلا

ونزلت دموعي بس فكرت من اروح راح الكا جوه الارض وما راح يضحكلي ولا اشوف وجها الحلو سحبني لصدره يمسح على ظهري ويسولف وياي

- عيوني انتِ بنياتي اصبري هل يومين نعقد محكمه ونروح ولا تبجين لأن بس تبجين بعد ما اخذج وخلي يفيدج البجي

مسحت دموعي وبعدت عنه بزعل اباوعله بطرف عيني هزيت ايدي وكتله

- مالك دخل فهمت عودك مسوي روحك حنين هوّ اصلاً من وراك مات لو ما جاي ما جان مات وجان هسه بحضني كُله بسببك الحقيير

باوعلي مصدوم من تغير مزاجي السريع وتغيرت نظرات الصدمه للعصبيه وكف بسرعه وأشر على الباب وهوّ يحجي بضوجه جبيره وأنفعال واضح

- سويلي طريق خلي اولي

- ولا تجي بعد فهمت وجهك كُله ما اريد اشوفه

هز راسه وطلع جكاره يدخن طلعت وضربت الباب بقوه صارت نظراتهم عليّ هزيت راسي وأشرت على الباب وانا احجي

- سو طريق شاهين يريد يطلع

لبسو البنات شالاتهم فتحت الباب باوعلي بضوجه وطلع دخلت للغرفه مسحت المكياج واخذت ملابس وطلعت للحمام ورا نص ساعه طلعت حضرت نفسي للصلاه وكعدت اقرأ قرآن بين ما يأذن ساعه وأذن صليت وبقيت بغرفتي صاحت الي ماما كم مره بس ما طلعت اجتني افيان تضحك