مـــيــــــزان الـــــفرعــــون

الجزء 1

#تــــقــــديـــــم...

ه‍ـــــــو...يعتبر رمزا للشر ..هذا الشخص شبيه بالشياطين..يمكن ان نقول انه شخص ابرد من حبات الثلج ...قطعا لن تصدقو ان هذا الشخص لم يبتسم في حياته قط...بل انه لم يذق طعم السعادة في حياته المريرة... يريد ان تكون الحياة مثل بيادق  الشطرنج بين يديه ..يحركها كما يشاء...سأخبركم بسر ...هذا الرجل يعشق الدماء...بل هي التي تلطخ معظم بقاع حياته ...بل الأسوء انه هو الشرير و هو البطل في نفس الوقت ..هو المعتدي و هو رمز السلام ...هو المجرم و هو الشرطي كذلك ..لا تستغربو فانتم لا تعرفون هذا الإنسان بقدري #الــفرعـــــون
#هــــي...لا لا ليست بتلك الملاك الطيبة التي نراها في كل الروايات ....وكذلك ليست بتلك الشريرة البائسة التي تحارب مشاعرها بيأس ..سنقول انها غريبة اطوار فقط ...لا يمكن ان تصدقو ما يجوب في خاطرها ...امم ليست بذلك الجمال كذلك ..فتاة عادية ..أجل عادية ...لكن مذا لو انقلبت حياة هده الفتاة في ليلة واحدة ؟....#ميزان..

#ميزان_يهوذا ..
فاتي فيطــــــــري ..

الفـــصــل الــــأول :بيـــن أســــوار كـولـومـبـيا ⚠️
مـــيــــــزان الـــــفرعــــون ⚠️
بقــلــــم : فــاتـي فــيطـــري......❌
سألته عن طعم الدماء فاجاب انه يشبه عصير الكرز ...⚠️
بارت :1....
يمكن لأي شخص ان يختارك في توهجك ...لكني انا سأختارك حتى حين تنطفئ..تأكد باني لو رأيت النور في غيرك سأختار عتمتك ...
...._واش عمرك خفتي من شي حاجة ؟..
_اه خفت...خفت بالزاف ...شي نهار نفيق و نلقا الدنيا المعتمة رجعات نور ...خفت نفيق ونلقا راصي شخص اخور ....خفت شي نهار السور اللي مدورو عليا ينهار ...و ميبقا فاصلني على وحوش الدنيا حتا حد ...بغيت ناكل ...مبغيتش نتكال ...اه بغيت نكون انا الظالم و منكونش المظلوم...بغيت نكون انا اللي يتخاف مني ..مبغيتش نترعب و نخاف ...هدشي اللي خلاني نكون هاكا ...و ربا هاد الشيطان ...اللي معرفتو لا امتى ولا فوقاش رجع ساكن فيا ...
..سنة 1989....
_انا مبغيتش نتزوج بداك المتفتف ...واخة نبقا غير انا وياه في هاد العالم والله ميحلم بيا ...
_أويلي على بنت الخراگة لوخرا ..راه راجل سيد الرجال ..فيه غا عيب واحد هي ديك التفتيفة اللي كتشدو مرة مرة ..زايدون الراجل مكيعيبو غا جيبو ...
:لا هي لا واش كتسمعي والله لا تزوجت بيه ...
_اويلي حاي على المسخوطة ...الراجل بخيرو و خميرو والفلوس عندو غا كتشتت و هي قالت ليك مبغاتوش ...اوا شتي هو اللي غتديه ...موتي ..بكي الدم ..انتاحري نتي گاع ...جمال اللي غتديه واخة تنطابق السماء مع الارض غتديه اغيتا ...
غيتا خانوها دموعها اللي بداو كيهبطو وحدة تابعة الاخرى حسات بالحگرة الخنقة ...حسات براصها رخيصة عندهم ...وليديها عفطو على كرامتهم على وديت الفلوس ...
_ماما ..الله يرحم ليك الوالدين مبغيتوش امي نبوس ليك رجليك ..مي ..نكون خدامة في هاد الدار ...غير مترميونيش هاكا ...
_دبا تولديهم ابنيتي وتحسي بيا ...انا مبغيت لك غا الخير..الا بقنا مشايرينك في التبوحيط ديالك .راه هنا غتبقاي واحلة في عنقنا ...ودبا جمعي عليا خناينك و مسحي داك الدموع راه باك قريب يوصل ...غيلقاك في هاد الحالة غيعطيك شي صلخة تاني ...
لاحت لبها هاد زوج كلمات و مشات خلاتها كترجف في بلاصتها و غير فكرة انها تتزوج بداك الرجل كتبغي تحمقها ...
بقات كتبكي و تنتف في شعرها و تعض في يديها جاتها هستيريا ..هي بطبعها قاصحة كتبغي كلمتها اللي تمشي...حسات بيهم عفطو عليها و على كبريائها وهدشي هو اللي عمرو يكون ليهم ..غيتة شخصيتها انانية بالزاف بل و كتدعي المتالية ...هدشي كيخليها شخصية منتهزة بالزاف عندها نفسها الرقم 1 والباقي يمشي للجحيم ...
غيتة بشر و نظرات نارية :بغيتو غا الزواج و الله حتا نديرها ليكم على قد فمكم ..
مشات لعند امها للكوزينة من بعد ما مسحات دموعها ورسمات ابتسامة شيطانية على شفايفها ..
غيتا بحنان مسطنع : صافي انا قابلة بهاد الزواج ...
_الحمدلله يا بنيتي منين درتي عقلك ....اوا هادي خبيرة تستاسهل شي زغروتة من دكشي...