كان من الصعب علي تحمل كل هذا الألم بليلة واحدة
الساعه الواحده بعد منتصف الليل
في تاريخ 2021
في مساء يوم ممطر في مدينة كربلاء في منزل يصدح به صوت
جميل صوت الأرواح متعبه
صوت الرادود باسم الكربلائي
لنستمع جميعنا
اخاف من اعوفك بعد مااشوفك
اذا ماتجيني اقدر ظروفك
طويله رحلتي واخاف برجعتي بعد مااشوفك
ياعباس اختك اني ولاتبارحني
جنت انت تمسيني وتصبحني
ردتك لان متت شوفك يفرحني
كلام الشامت بفركاك يجرحني
ياريت الموت اخذ روحي ويريحني
اذا انساك الله لا يسامحني
اخاف اشتكيلك واعذب دليلك
واريد بدموعي ابرد غليلك
تودعك دمعتي واخاف برجعتي بعد مااشوفك
سمعت دك الباب
ورود.ادخل
ام ورود
هاي شنو بعدج كاعده شوفي الوقت
بأجر عندج دوام
ورود.اي ماما هسه بس خل اكمل حل الواجب
ام ورود.والمسجل ليش مشتغل
ورود.هسة أطفئ
ام ورود.يلا حتى تكعدين من وقت وماشلعين گلبي مثل كل مره
ورود.اكو أوامر ثانيه
ام ورود.لا ماكو بس بأجر من ترجعين انروح أنمر على بيت ام حسن
ورود.ماما روحي وحدج
ام ورود.ميصير ماما لازم ترحين وياي وتتحمدين لها بل سلامه
ورود.ماشي ماما ماشي يصير خير انروح وأمرنا الله قابل شراح يصير اذا رحنا
ورود.كملت اخذت كتبي خليتهم عل ميز
طفيت المسجل فتحت الشباك جان بوقتها مطر كلش قوي والجو بارد
اوف يربي شلون راح اروح بأجر مادري غير يسون عطله لا لازم اله انداوم
سديت الشباك غيرت ملابسي مشطت شعري
تمددت عل جربايه بدت بدت عيني تغمض شوي شوي
في المطبخ
ام ورود.استغفر الله شوكت تعقل هاي البنت كم مرة كتله من تكملين اكل اغسليهم الله يساعد الي راح ياخذج يومين ويرجعج عليه وگولي امي مكالت
ابو ورود.هاا شبيج صوتج واصل لشارع
ام ورود.تعال شوف بنتك كم مرة اعلم بيه
ابو ورود.علا كيفج وياه خليه اهم شي دراستها اريده تتخرج وتصير عده شهاده
ام ورود.هاي بنتك اذا تخرجت اتفل بكصتي متشوفه تلزم الموبايل بحجت الدراسه
ابو ورود. ميخالف يأمره
ام ورود.امرنا الله انشوف تاليه
صدك اريد اكلك بأجر اني وايه انروح زياره مريض
ابو ورود.براحتج بس مو تتاخرون
ام ورود.لا منتاخر
يتبع....
في البارت الاول
أنت تقرأ
خذ بيدي
Romanceاسمعوا هذه القصه و ركزوا وعيشوا اللحظات لانها قصة أروع من الخيال دارت أحداث هذه القصة بين كل من شاب وفتاه يعشقان بعضهما عشقا رهيب لم يكن له مثيل ولا شبيه ((هذه البداية والآن تابعوا القصة )) تاريخ الكتابة 14/4/2024 للكاتبه حنين الاسدي
