﷽
حساب الأنسـتا 8i_xoi
بقـَلمي: زهـراء الموسـوي
التصويت ورأيـڪم بين الفقرات لطفًا
_________________
القيسـر: آرياف كافي لخاطر اهلج.
آريـاف: شنو الكااافي؟
القيسـر: افتهمي مشاعـري
آريـاف: شبيك قيسـر شبيك؟
القيسـر: آرياف أحبـچ.
باوعتله بصدمه بعدني ماحاجيه شي وحسيت بدفو شفايــفه على شفايفــي.
أبتعدت منه فازه فتحت عيوني بصدمه ابتعد من سمعنه صوت ملك طلعت جانت مبتسمه من شافتنا بهتت ملامحها وتلاشت ابتسامتها
القيسـر: شبيج ملك؟
ملك: ها، لامابيه شي بس اجيت اكلك تروح تجيبلنه غده
القيسـر: اشتغل عدكم؟ مو جود وكمال هنا؟
ملك: كمال راح يجيب اخته نور وجود يم مرته فوك
تأفأف وكام وصل يم الباب التفت عليَ ودار يكمل طريقه، اجت ملك كعدت بصفي من شافت ملامحي الباهته والمصدومه حسيتها فهمت لزمت ايدي وكالت:-آرياف شسوالج؟
_ هاا، شسووه؟ماسوه شي.
_ لتجذبين عليَ، احجيلي عفيه.
_ ملك عوفيني
_ اني مو اختج الجبيره؟
_ للاسف صرت مااعرف شنو معنى الاخوات.
فتحت عينها بصدمه ضربتني بأيدي خفيف ورجعت ابتسامتها
_ لج آرياف ليش تحجين هالشكل لعد اني مو اختج؟ وجواهر مو اختج؟ وريم هم.
_ مَلك اني احبكم واحترمكم بس اريد اعرف شعور الأخوات من اختي الي من امي وابويَ.
_ تتحسن ان شاء الله وراح تصير علاقتكم اقوى صدكيني.
_ ياريـت
_ كومي هسه خلي ندخل يمهم ونحضر الصحون هاي جواهر ملتهيه بـ عبد الرحمن هسه يتمنى لو باقي بالمستشفى احسله.
_هههههههههه
_ ايي عفيه راويني سنونج، وبعدين شني هاي الضحكه التشهر.
_ كاافي ملك مابيه حيل اضحك
_ ههههه يلا كومي كومي.
كمنه سويه جنت اعدل ملابسي وشفتها مدت ايدها اليَ ابتسمت ولزمتها، دخلنا سويه جوه بس شافتنا جواهر اجت تركض
جواهـر: تخوووووننيي
مـلك: يااا شنخونج ولج
جواهـر: لازمه ايدها.
حجتها وبرطمت وتكتفت
مـلك: لج أنتِ كاضيتها كاعده يم عبد اكلك عبد
التفتت على عبد الرحمن وكملت:-بربك لو باقي بالمستشفى مو احسن من دوخه جواهر؟
عبد الرحمن: لاحبيبة اخوها هاي فدوه الها لو تريد تكسرني هم فدوه الها
جواهـر: شفتي، هسه شغاثج
مـلك: أيا ادبسزز اني شغاثني
آريـاف: هووب هووب خلي نروح نحضر
مـلك: ديالله هم صدك امشي
جواهـر: السالفه بيها تحضير خلي ارجع يم عبودي احسلي.
أنت تقرأ
غريقه في حبه
Mystery / Thrillerفَـتاّة تَـعيش جَميّـِع أنواعَ ألالام غَيرّ مَرغوبٍ بـِها بـِكُلِ مَـكان ليسَ لهـا حَظٌ مَع من احببتهُ ولكـــَن؟ هل تـوجَد لها حيـاة تُنسيهَا عَذابُ هذّا؟ هل ستُكمل باقِي حَياتها مع من تـَحبُ؟ -ـــــــــــــــــــــــــــــــــ⚔ كُل شَخصٍ لديه ق...
