الكاتبه اباذر احمدɞ
ʚبقلمي حولني الى لونك ɞ
اسف على الگطعه بس عمي مات ومصارلي واهس اكتب بس راح اعوضكم بارت بعد باجر طويل +صوتو وعلقوا وتابعو الحساب 🤍🤍
قراءة ممتعه
٭٭٭
گعدت واحس بوجع براسي قوي فتحت عيوني غواش ما اشوف شي رجعت غمضت و فتحت كررت الشغله اكثر من مره گمت اشوف احسن شفتو عيونو حمر ومغمض عيونو حجيت بصوت ناصي اشبه بالهمس
وهج:-ا ء ااڤار
التفت عليه ارسمت على ثغرو ابتسامه جاني ملهوف باسني من راسي
اڤار:-قلبو ورحو لاڤار شبيج تردين شي بنياتي؟
رجع باسني واني نعسانه وتعبانه وخر عني و جاب كرسي و گعد مقابيلي
وهج:-ر راسي يوجعني
عض شفتو بأسف وعيونو مغورگه بالدموع باس راسي و خدودي واردف
اڤار:-كون الوجع بروحي ولا بيج فراشتي!!
بديت اغمض شويه شويه وجنت بردانه اردفت بدون وعي
وهج:-احضني بردانه دفيني بروحك!!
ابتسم ابتسامه واسع و قفل الباب مال الغرفه و بلغ لاحد يفوت و وخرني و تمدد يمي ونومني على ايدو وحضني حطيت راسي برگبتو واردفت
وهج:- بديت احبك!!
حضني اقوه وباس شفتي بوسات متقطعه حضنتو و تدفيت و محسيت على شي بعدها گعدت على اثر وجع قوي براسي گمت ابجي وراسي برگبتو حس عليه و رفع وجهو باوعلي انرسمت علامات تعجب على وجهو
اڤار:-ها فراشتي شكو؟
وهج:-راسيي
اڤار:-هسه انادي احد
عدل نفسو و فتح الباب دقايق وفات الدكتور وهو ورا سئلني الدكتور و جاوبتو
الدكتور:-حالتها زينه بس ملازم تغسل شعرها ولا تجي حواليه و الحمدلله على سلامتها
اڤار:-شكرا دكتور تعبناك
الدكتور:-العفوا حبيبي وها تگدرون تطلعوها