سلسلهْ القيُد

بَدايهُ الماضي

                {بَسم الله الّرحمـٰن الّرحيُم }
بدايه جديده حورياتي
بقلمي سمران الحسين

ضايعين
لا فرح يندل دربنا
ولا حزن فك ياخه عنه
^________________^
فتحت عيني بشارع راسي يأذيني خليت ايدي على راسي اتحسس مكان الوجع عقجت وجهي متوجعه قدمت اديه اباوعلهن بيهن دم قليل رجعت خليت ايدي على راسي كمت اوكف اباع على المكان الاني بي زباله هواي افتر بلمكان ماكو احد
اسيل:اكو احد هنا
محد يرد كعدت عاجزه وعطشانه وراسي يأذيني تجيت ضهري على سطله جبيره جانت كافيه تغطيني انا وين منو انا شجاي يصير وياي رفعت راسي على صوت شخص يحجي وياي
-هيي انتِ شجابج هنا
اسيل :انتَ منو ؟
-ميخصج بس منو انتِ
اسيل :ماعرف منو انا
اجه شخص ثاني يركض بتجاهنا
-قُيد شوف شلكيت
باوعت على ايده بيها حديده شوي جبيره على شكل مربع
حجى الاسمه قُيد
قُيد :انتَ لكيت ستلايت انه لكيت بشر
كمت وكفت كدامهم
اسيل:ليش ماذكر شي حبابين ساعدوني
-شسمج انتِ
اسيل:ماعرف كلشي مادري راسي يأذيني
قُيد:جسُر اخذ البنيه للمصنع انه جاي وراكم بس اكمل البيدي
جسُر:خاف يكتلنه يعقوب
قُيد:اكص ايده روح يلا
سحبني الاسمه جسُر ويا يمشي ويقفز ويسحل بيه يطب بدربونه ويطلع من دربونه
اسيل:عفيه تعبت وين بيتكم
جسُر:بيتنا الشارع تعبتي اشيلج على ضهري باعيه
اسيل:شلون ؟
جسُر :صعدي هنا وجلبي بركبتي
صعدت على طابوكات وجلبت نفس ما علمني من كام جلبت بي حيل
اسيل:راح اوكع
جسُر :متوكعين لا تصيرين جبانه ياكلوج
اسيل :منو ياكلني ؟
جسُر :كلها هنا وحوش ياكلون الفقير
وصلنه منطقه شعبيه نزلني ونكت ملابسه الوصخات وسحبني من ايدي وطببني بنايه مفلشه
جسُر:اششش لا طلعين صوت راح نصعد نختل فوك لحد ميجي قُيد خوش
هزيت راسي مفاهمه منه شي بس امشي ورا وكانو اعرفه من زمان صعدنه درج وهو كلساع يكول اشش سديت حلكي بيدي واصعد ورا وصلنه يم تانكيات كبار
جسُر:تعاي هنا ورا تانكي اكو مخده وبطانيه نامي واني احرسج
اسيل :وانتَ متنام
جسُر :ماكو مكان
اسيل:انا مو جبيره ماخذ الفراش كله نام يمي عادي
ماكال لا رحنه نمنه بفراش واحد الجو جان بارد كلش والفراش لا بأس بي غفينه ماعرف شكد كعدنه على صوت عالي كمت مفزوعه حاطه ايدي على حلكي
جسُر :لا تخافين هذا قُيد
رحت وكفت ورا اسمع عليهم
قُيد :اخواني وينن يعقوب كتلي جيب فلوس مال نفرين وجبت بعد شتريد
يعقوب :مشايفهم شبيك تصيح ابو لكفه وين اكضهم اني الحك بيهم ذول جنهم زيبق روح دورهم وتلكاهم شي ثاني الاعرفه بس جسُر جبيرشكم اخ عدك بعد غيره
قُيد :والبنيه الويا جسُر وينها
جسُر :تعاي ننزل بعد منخاف
رحنه ننزل على سريع ركض جسُر القُيد وانا ركضت ويا شبكنا درت وجهي على الاسمه يعقوب سمين وبديه من فوك مشكوك يمه مجموعه بطاله مكسرات ومكلبات حاجبه بي طبره ولحيه وصخه وانا صافنه على يعقوب قُيد دفعنه من حضنه
يعقوب :متعرفني على الحلوه منو هاي ومنين جبتها
قُيد:لكيتها
يعقوب :شني جيس هيه ولكيتها اهلها وين قُيد بدون مشاكل مو نفس القبله
قُيد :احجيلك وياها وبعدين الله كريم
يعقوب :يعني انتضرك ؟
هز راسه قُيد وسحبنه انا وجسُر ليجوه بغرفه كلها رطوبه وبيها فراشين بلكاع وتلفزيون مكسور ولد صغير كلش نايم كعد على الفراش
قُيد :يبنيه تعاي هنا اكعدي كدامي
رحت كعدت كدامه مثل الحبابه اباوع علي شكله طبيعي مال شاب مراهق بدون لا شارب ولا لحيه سماره خفيف بوجها كم اثر كعد جسُر بصفي وبيده الطفل الصغير
قيُد :شسمج انتِ
اسيل :ماعرف كلشي ماذكر
جسُر :نفسي انتَ سميها شبيك قيُد
قيُد :اسمح اسيل اليسألج شسمج تكليله اسيل خوش
هزيت راسي بأي
قيُد :جسُر روح جيب اكل من عمو فرحان لأسيل علمود تاكل وياها يلا حبيبي
اسيل :اروح ويا عادي
قيُد :لا طبي سبحي
اسيل:شلون اسبح
قيُد :تحطين مي بلنجانه وبصراحيه تذبين على راسج ويمج شامبو خلي على شعرج بس مو تخلصي
هزيت راسي وطبيت للحمام الي وصلني اله هوه فتحت مي ب نجانه وذبيت مي على راسي المي بارد صكيت من البروده حلكي كام يرجف رحت على بطل موجود ب زاريه شلته وخليت منه شي على راسي طاح شويه وخرته البطل خليته بلكاع وذبيت مي على راسي نعمت عيوني ضليت ابجي بصوت عالي ندك الباب
قيُد :اسيل ليش تبجين اسيل لبسي خ افوت
رحت اتلمس الباب وصلت يمه فتحته وانا مغمضه اسمع صوته يحجي
قيُد :لججج ادبسززز هيج كالوها سابحه بملابسججج خرب بيج صدك جذببب غير تنزعين ملابسج
اسيل :عيونيييي تحركني الحكليي
شال مي بطاسه ويغسل بوجهي
قيُد :الميي بارد خرب بيج خرب روحجج شمسويه بروحج لو ضاله وصخه هواي احسن
اسيل:والله سويت نفس ماكتلي
قُيد:خرب بيه عوفج مني راح اجيبلج شي تنشفين بي
فتحت عيوني بيهن حركه بسيطه ضليت افرك بيهن طب قُيد بيده تشيرته حطه على راسي
قيُد :روحي يم علي يلا
اسيل:منو علي؟
قيُد :الطفل البلغرفه كعدي يمه على ماجي
رحت كعدت يم علي وهو طب للحمام خليت اصبعي بأيد علي وهو يناغي كض اصبعي فرحت وضليت العابه لحد ما طلع قيُد من الحمام
قيُد :بعدهااااا مبلللهههه يالله
اسيل:شسوي لعد
قيُد :البسي من جسُر ملابسس شمنتضره
اسيل:وين اندل
راح طلعلي ملابس واجه شمرهن يم رجلي
قيُد :راح اطلع خمس دقايق وافوت بسرعه البسي ذن شون ما لابسه ذن المنكعات بس بلبدايه ذبي ذن طلع ونزعت تيشيرتي لبست غيره ناشف جان دافي ونزعت البجامه لبستهن رفعت راسي وطب جسُر ويا قيُد
جسُر :ملابسييي ذن
اسيل :قيُد اطاني ياهن
جسُر :شنيه قيُد ماعدك بس ملابسي تتبرع بيهن
قيُد :اسكتو يلا وكعدو اكلو
كعدنه كلنه على الاكل الجابه جسُر اباعلهم يسوون لفات وياكلون كمت اسوي نفسهم واكل كام جسُر ورا كام قيُد كمت
جسُر :كملي كله لا تكومين جوعانه
رجعت اكل بشهيه اكلته كله فرغ الماعون باوعت عليهم
اسيل:خلصته
محد حجه شي جسُر راح يخبط لطفل شي يشربه خلص واجه كعد كدامه خلا بحلكه وقيُد لف روحه بلبطانيه ونام شبعانه نوم رحت يم جسُر
اسيل :ليش ماذكر شي
جسُر :يمكن بسبب الضربه العلى راسج صار عدج فقدان ذاكره
اسيل :شنو يعني
جسُر :يعني متذكرين شي براسج نفس ما احنى نذكر
اسيل:شتذكر انتَ
جسُر :اذكر من امي خلتني يم ابو الخضره وكالت هسه اجيك وراحت بعد مارجعت
اسيل :بيتكم ؟
جسُر :لاحد اليل عزل ابو الخضره واجه يمي سألني على اهلي كتله منتضر امي
ابو الخضره:من صبح هنا يا امك مافقدتك هسه
جسُر :هيه كالت انتضرني
ابو الخضره :تندل بيتكم ؟
جسُر :اي
اخذني من ايدي يمشي بيه لمكان بيتنه الجان من طين وصلنه بس شفنا مهدوم
ابو الخضره :ها بويه شني ماكو بيت
جسُر :هذا بيتنا بس مفلش
ابو الخضره:امشي وياي امشي
اخذني من ايدي وصلني للمركز كعدني على طبله صاحني الشرطي
الشرطي :شسمك حبيبي
جسُر :اسمي علي
اسيل :لعد منو جسُر
جسُر :قيُد طلعلي اسم جسُر وعلي طيناه العلي الصغير
اسيل :كمل
جسُر:اي فكعدت مقابيل الشرطي نفس ما انتِ كعدتي كلام قيُد
الشرطي:اسم ابوك
جسُر:سلمان
الشرطي:اسمك علي سلمان
جسُر:علي سلمان عطيه
الشرطي:عفيه ب ذكي بابا وين
جسُر:مات
الشرطي :الله يرحمه شوكت مات
جسُر:مادري بس ماما تكول بابا مات
الشرطي :ماما تعرف شكلها
جسُر :اي
الشرطي:نطللعلك صور تتتعرف عليهن اذا هيه منهم او لا
هزيت راسي بأي وكام طلعلي مجموعه صور نسوان لابسات عبي وطشرهن كدامي طلع صوره قدمها الي
الشرطي :هاي
جسُر :لا
طلع صوره ثانيه وثالثه ورابعه وكلهن مو هيه
الشرطي :يعني عده ام الطفل صدك مو مخطوف
جان يحجي وي ابو الخضره
ابو الخضره:ماكو ام تشمر ضناها سيدي
الشرطي:كدامك مجاي يتعرف على امه وذن كلهن مشبوهات ولا وحده منهن
جسُر :درت وجهي منهم على الميز رجعت اباوع بلصور جانت صوره مكلوبه شلتها طارت من ايدي بسبب الهوه الطب من شباك كمت ركض عليها و........
يتبع.......
مشاهده ممتعه حبيباتي بارت تعريف عن ماضي الابطال والقادم افضل ان شاء الله انتضروني
الانستا:🌸

1215كلمه 🥲