ايادي مجرحه

الـبارت الخـامـس

#ايـادي_مجرحـه
#الكاتـبه_اسيـل_الـراوي

وإذا التقينا والعيونُ روامـُقٌ
صمت اللسانُ وطرفها يتكلمُ

•••••••••••••••••••••••••••••••••••••••••••••••••••

شمـه...

كـاعده ع كـرسي وملتهيه بلفايل مال المريض غرست القلم براسي سمعت طرقات باب اردفت ...تفضل

نفتح البـاب ابتسمت...اهـلا وسهـلا تفضل استاذ

زكريا:هلا بيج اعتذر ع جيتي مفاجأه بس علمود رجـلي

هزيت راسي ...تفضل هلا بيك باي وقت

كمت طلعت غراض تنظيـف وخليتـهم ع مكـتبي همست...تحس بوجع

_لا للحمدلله زينه بس مرات زياده الحـركه تسببلي شوي اذيـه

_اي صح لازم ترتاح مايصير تحترك واني حجيـت وي البنـات

عاينتله هز راسه تقربت ناحيته همست...دنيلي رجلـك

قربهه يمي بديت انظفهه اله وعقمتهه ومسحتهه بشاش همست...معافاه ان شاء الله جرح ملتم فماداعي نلفه خلي ينشف وكل يوم اغسلهه تمام مايحتاج تـجي بعد

_ممنون منج دكتـوره

_ولو واجبـي

كعدت ع الكـرسي طلع من جيـبه فلوس همست...شنو هاي

_تفضلي فضلج ماانساه دفعتي عنـي

_لا ماداعي اعتبرهه واصله

خله لفلوس ع المكتب اردف...هاذه شغل تنظيف الجرح وفلوس العلاج الي دفعتيهم اخذيهن رجاءآ

_عفوا اخي بس اني ماطالبه منك فلـوس الي اسوي واجبي فقط والي ينطيني حگ تعبـي لـ مستشفى

شلتهن وقدمتهن ناحيته وابتسمت ...خليهم الك اني مااحتاج ومابينه دين

صفن بوجهي لوحت بايدي ...استاذ زكريا وياي

هز راسه يدارك صفنته...ويـاج ماني سگران

رفعت حاجبي سلم وراح رجعت لمكتبي شوي واجه محمد جابلي ...ياهلا تفضل

_واحلا كهـوه لـست شمه

_عاشت ايـدك والله

_الف عافيه

طلع ابتسمت شلت تلفـوني شفت ذهب متصله عليه اتصلت عليهه ضل يرن تالي ردت ...هلا حبي شلونج

_هلا بيج من مساع ادك عليج ماكو

_مشغوله والله جان عندي مريض

_تمام اليـوم تعالي من وقت

_ها شكو

_اليـوم عمامي عازمهم ابـوي وتعرفين الهوسه