حلم واقـع

شعور

هَلو أحَس أريد أحجي كَم كلمة مَن گلبي لگلبكُم ، مبدئياً يعني أنا حاسة بكُل فرد بيكُم كُل شخص حَاسة بتعبك حَاسة بخوفك وقلقك حَاسة شنو يعني الأنسان يمُر بكُل شعور مَحلو بهل فتـرا بلذات أو يخاف أنُ قدم شيء بَسيط ويحَس نفسة المُقصر بَس الحقيقة أحنه كُلياتنة أبطال بقصصنة! اليوم أنا الأشياء الي دتصير وياي يمَكن واحد منكُم ميكدر يتحملها أو يستسلم بنفس الشيء لَو أنتو واحَد منكُم عَشت قصتة وبمكانة مَ كنت اتحملها خلي ببالك أنت بطل قوي مُحارب لظروف مُحارب للمنهج ومُحارب لكُل عثرة صادفتك بهَل الطريق الي هَو تحَسة أثقل طريق مَشيتة بحياتك بَس دتكمّل عَبرت أيام وليالي وأشهر وأكو مَنكُم سنتين وأكثر وبعدك مُستمر مَ تحس نفسك هنا أنك بطل خارق لقصتك الي حتنكتب بَسجل إنجازاتك الي حيكون مَنها وحافل بنجاحات عريقـةة   أنا عارفة أنُ مَاكو أيد داطبطب عليك ولا أكو شخص دَيسمعك بَس أكو رَب العالمَين شگد مَ الوضع صعب لتعوف سجادتك أبدًا أبقى مَتمسك بهل سجادة وصَلي بكُل وقت حَسيت انُ هل نقطة هي النهاية  صَدكني بعد سجدة ودمعة وكَلمة ياربَّ حتتجدد طاقتك ضُعف وحتكمّل وتسعى لنهاية مَاكو شيء مُستحيل رَبك يكول للشيء كُن فيكُن وتحَس أكو شيء مُستحيل ؟ أنتو اقوياء أنتو أعظم خلق الله أنتو شيء جبير لازم تصنعون شيء قوي لنفسكُم بهل أيام أني واثقة بيك أنت أقوة شخص بلكون لا تنسىٰ ابداً ﴿وَهُوَ عَلَى كُلِّ شَيْءٍ قَدِيرٌ﴾