لست سندريلا 💔+18

البارات الخامس

الست صفا بترحيب ،،يا الف اهلا وسهلا
مراد بثقه وهو ينزع نظارته الشمسيه ،،انا مراد بيه سالم اغا بيه يبقي عمي
نور وهي ترفع حاجبها وتلوي شفتيها علي جنب بإعجاب لافت وتحدث نفسها ،،ايه ده شخصيه تجنن وكاريزما تهبل وواثق في نفسوا اوي هو ده ده الي انا عايزاه ده الي يليق بيا (بقلم ورد عزام ❤️)

سميره وهي تنظر له بإعجاب وتحدث نفسها  ،،ووواوووو يجنن وتقيل اوي باين عليه وشكل مركزو الاجتماعي ممتاز اكيد بابا هينبسط مني لو قدرت الفت نظرو واتقدملي انا مش قليله بردو امي من عيله راشد وبابا من عيله زايد اكبر عائلات المحافظه كلها لو بابا مكنش في المانيا كنت اتصلت بيه حالا يجي خساره

ياسمين بابتسامه لطيفه مرحه  وهي تحدث نفسها ،،يخربيتوا قمر وشيك جدا بس هيبقي عليه زحمه ميلزمنيش فين السمبوسه

نهي وهي تتبادل النظرات بينها وبين نور ومراد وامها سونا حدثت نفسها ،،هههههههههه خلاص باينه عجب نور وكالعاده ماما هتعمل كل حاجه عشان تخليهم لبعض وتخليه يعجب بنور يبقي مش مسموحلي اقرب لان المايز من حق نور طبعا هه

أما عن دره وهي تكاد يفترسوا بنظراتها ،،يالهوووي ايه ده هو في كده ايه الرجوله والوسامه دي هلاقيها منوا ولا من عموا يخربيت كده

حان الان موعد سونا في التفكير بأفكارها السماويه ،،اه منك يا صفا عايزه توقعيه لبنتك العجله هه لا وحياتك وشعري مايبقاش علي ست أن ما وقعتوا لنور بنتي هو ده الي يليق بقلب امها واصلا من غير ما اخطط أو اعمل حاجه هو من نفسوا هيقع فيها هو هيلاقي احسن منها فين ولا جمال كده فين طلعه لامها قلب امها

أما عن صفا فقالت ،،احلي من ما كنت متخيله بس يا ترا هي هتعجبوا ولا لا

اه طبعا تعجبوا ومتعجبوش ليه بنتي ولا كل البنات ادب واخلاق وحسب ونسب وورث محترم بس يا رب تنزل في اسرع وقت قبل ما يعجب بحد من البنات الي هنا اكيد كل واحده هتحاول توقعوا لبنتها ليلي أو لميا أو سونا الحربايه الحمد لله أن ناديه لسه مجتش هي وبنتها من بره والا كان الموضوع هيبقي صعب اوي بناتها مش ساهلين وانعم من التعابين مياخدش في ايدهم غلوه ثم لفت نظرها شئ فقالت في نفسها

ايه ده ايه ده ايه ده هي مرات عماد بتبصلوا كده ليه يخربيتك مرا قلله الحيا صحيح شوف البت بتبصلوا ازاي

مراد لنفسه ،،ايه ده هوما بيبصولي كده ليه بس معاهم حق اكيد مشفوش حد بشخصيتي وجاذبيتي بس جمالهم مختلف  البيضه والسمرا والشقرا العيون السود والملون شئ لطيف يبقي قدامك كل الجمال ده وبيبصلك انت بس ولا هعبر واحده فيكم يا كلاب هه ال مراد سالم يرتبط بواحده ريفيه

علي الجهه الأخري رن هاتف سلمي

سلمي بخفوت ،،ايوه حاجه حصلت