#ماذنبي انا...باللهجه العراقيه مكتمله.. احلام السعدي

جزء الثاني. البارت الثاني

ماذنبي انا.

للكاتبه كوثر.

أرى الناسَ يَهْوَوْنَ الخلاصَ من الردى وتكملةُ المخلوقِ طولُ عناءِ ويستقبحونَ القتلَ والقتلُ راحةٌ وأتعبُ ميتٍ من يموتُ بداءِ.

ـــــــــــــــــــــــــــــــــــــــــــــــــــــــــــــــــــ

هذا البارت يحززني هوااااايه هذا البارت اتذكر بي ذكريات اسوء من الي عشتها بوفاه فهد الله يرحمه. بس ماحجيت بيها بجزء الاول كلت راح اسوي نهايتها سعيده ومااسويها مأساه بالنهايه.

بس الحقيقه هيه هاي بدايتها. قبل لايجينه احمد للدنيا.

شهكت.... هاي شبيك.

يونس بعصبيه. هاي الدراجه مالتي داامشي الضهر جانت اكو طسه وكعتني.

آصف.... غبي انت. ليش تمشي سرايع بله صارلك شي هاي شبيك انت.

يونس.... يمعود همزين الولد الي ويايه ماصارله شي. وله جان بتليت اني.

باوعت عليه يرجف. واحسه دايخ.

آصف... تعال تعال. اسبح ااشوف جرحك وين اذا انت بكل مكان مجروح امشي وياي.

سبح وكمل وراح ويه آصف عنده جرح برجله مدايوكف الدم بي. ومبين يرادله خياط.

وصح من اجا مخيطه رجله ٣ خياطات.

ومتأذي ويسب بآصف.

وآصف يضحك... يكله ولك كوـــــــ لعد انت شسويت بيه من عضتني حيه تستاهل.

ويونس يضحك.

.... الحمد لله عالسلامه خويه.

يونس... الله يسلمك ورده انتي. عليج الله اريد استكان جاي.

... من عيوني.

ندك الجرس وراحت فتحته ميان من الشباك مبين العم مالك.

صاح آصف.... يبووووو اجه ابوك اني اروح احسلي. لاتكولوله موجود. كلوله طالع.

يونس.... يبووو دتعال حاجي راح ياكل كلبي والله مالي خلك.

آصف.... مشكلتلك. والله.

يونس.... يمعوددد عليكك الله لاتعوفني.

ضحكت ثنينهن يريدون ينهزمون تاليها عم مالك ثنينهم رزلهم.

وآصف يصيح اني شكو داترزلني ويا ويونس يضحك ويصيح تستاهل مو جنت تريد تعوفني.

رحت سويتلهم جاي للكل واجا مراد وآدم همين.

نطيتهم الجاي. والكل يتشاقون ويضحكون.

رحت حجيت ويه امي حجيتلها شكال آصف عله جيه مالتي. وكالي اطلعي سفرات وكتلها نسويلنه سفره.

وصدك شوييه وكالتي اي نروح ويه مهند وشمايل لكربلاء.

الحمد لله المهم اشوفهم.
ورحنه سفره كل البيت صدك.