♡بهدلنـِـي الـنصِيــب .♡

الجزء الثامن عشر

اسفه واجد على التأخير كانن عندي امتحانات ومافيش فضوة بكل بإذن الله حنزلكم جزء اخر كاعتذار ع التأخير🥺 وادعولي بالنجاح🥹 وتوا هيا الى فايته عليه صلاة ولا خاشه عليه ايصبي ايصلي الروايه قاعدة اهم حاجه الصلاة
( فاصبر صبرا جميلا )
#بهدلني النصيب
قراءة ممتعة
______________________
جا اسبوع ا الى باقي ثلاثه ايام ع فرح يارا وعصام وكلنا حايسين وسرور نست موسى وانه ترد عليه ولهت فالعرس
وموسى يحسابها معاش تبيه وفقد الامل وخش عليها وكتبلها
  :( لكي اسبوع مارديتيش على اعترافي لكي  الواضح ماتبنيش واسف جدا لو ضايقتك وانشالله تلقي الولد الى في بالك 😔.) ودزها لها وقعد يتأمل فالبحر وسارح
جا يوسف : كنك سارح
موسى😔 : لالا شى بس انحس في قلبي مضايق يايوسف الواضح ماتبينيش شكلها عندها حبيب أكيدة عندها حبيب وتحبه
يوسف : قالتلك انه عندها حبيب
موسى : لالا بس عرفتها عشان ماردتش
يوسف : يمكن مشغوله يمكن صاير لها ظرف شن دراك انت
موسى يبي ايرد على رنت باته : نعم ياباتي
اب موسى :  كنك طالع من الشغل بكري
موسى : باتي مانقدرش انجي
اب موسى عرفه مضايق من صوته : كنك شن فيه
موسى : لالا مافيه شي بس مريض اشوي
اب موسى : باهي روح للحوش ماتاخرش
موسى : باهي ... قفل
صبا سلح تيشرته
يوسف : شن أدير
موسى : انخش انعوم بلكي البرد على قلبي من النار الى والعه فيه .
يوسف : تي شنو اتخش صقع تو تمرض وانت صدرك
موسى : لالا مش حنمرض
وعدى  خش للبحر تم ايعوم🏊‍♂️ طول وهو ايعوم تقريبا قعد ساعتين وهو ف البحر
يوسف جا وعيطله : تعااااال يارااااجل فكناااا من العناد تو تمرض
موسى مابش ايرد عليه
يوسف خاف سلح تيشرته وخش : تعالا اطلع 
موسى : خطاني مانبيش نطلع النار الى في قلبي مازلت مابردت
يوسف ايكر فيه : انت كنك عنيد اها صدرك اينوض عليك اطلع
بعد جهد وجهيد طلعه يوسف
ركبوا في السيارة موسى تم ايكح
يوسف :  شوف اعنادك وين وصلك
موسى وقف السيارة 🚙: يوسف سوق انت مانقدرش انسوق
يوسف:  باهي انزل
نزل موسى ويدوخ
يوسف : شن صارلك
موسى  :شي بس دوخه
يوسف لمس راسه لقاه ناررر
يوسف 😨: حيي راسك ساخن بكل خل انشيلك للمستشفى
وركبه ف السيارة وركب
موسى : ماااءتعديش كح كح ءءحطني ف الحوش
يوسف : شنو انحطك ف الحوش راسك نار والعه فيه
موسى : ءءقتلك حطني كح كح في الحوش
يوسف ماعدلش عليه وشاله للمستشفى ونزله غصبا عنه وخشوا للدكتور وتما يفحص في موسى
يوسف : شن فيه يادكتورة
الدكتور : مافيه شى بس صدره ملتهب وشكله داير حمام وطالع للريح وعنده حمى عطيته دواء
يوسف : يعني يطلع
الدكتور:  لالا اليوم يقعد هنا مرات صدره ايزيد
يوسف : اهاا شكرا
الدكتور: العفو
رن يوسف على هل موسى وخبرهم

_________عندنا نحنا
يارا 😵: اوفففف تعبتت بكلل
اني 😵‍💫: ايي والله
على خشت ولاء بالدربوكه
ولاء : طق طق طربق🥁🪘 .. يامبروك على غاليتي .....حطيتك وين تهنيتي
خشت سرور : لولولولولولولوولولي
اني : هههههه مايتعبن بكل
ولاء : خمسة وخميس
الاء : هههه تعالن خلينا اندربكوا
درنا دائرة وتمينا اندربكوا
ولاء : صبي ياشروق هزيلنا خصرك اشوي
اني :لالا فكينا
يارا : ايي صبي ارقصي رقصك سمح انتي
اني : ههه باهي هاتي الوشاح
صبيت تميت نرقص💃 وغيرنا جوو وبعدها صبينا طرحنا افراشات نوران روحت عشان عزو قاللها ماتباتيش وبكرا اتجي  ( هل نوران وافقوا ع عزو ابحكم انو يعرفوه وهكي وبدا ايكلم فيها ونوران تعلقت ابعزو😉🫠 )
سرور : بنات محد فيكن حقت تلفوني
اني : اخر مرة ماما رنت علينا كان عندك
سرور : ايييي انسيته فوق الثلاجه
عدت سرور جابته لقاته طافي شحن خذت من يارا شحن ولعاته
سرور 😰: حيييي يابنات
ولاء : شن فيه
سرور : انشغلت وانسيت الموضوع
اني : أين موضوع
سرور : موضوع موسى شكله فهم غلط ويحسابني اني انا مانبيهش وانس انحب واحد
اني : وانتي تبيه
سرور تلبكت😣 : ءاه مش عارف
ولاء : هذا كله ومشعارفه شي 
سرور :  انحس بشعور متلخبط شعور غريب مشعارف
الاء : شكلك معجبه بيه
سرور : يمكن بس خايفه يابنات
ولاء : انتي فهميه وبعدين ساهل
سرور : باهي
عدت سرور رنت عليه يرن بدون رد رنت آخرى
___________
عند موسى جا باته هزبه عشان خش للبحر فالصقع وأمه خشت تبكي😭 وتضبط فيه قعدوا اشوي وبعد موسى فاللهم ايروحوا بعد جهد وجهيد دوبه بيش اقنع امه انه اتروح عدوا وهوا ناض خش للحمام (حشاكم ) وطلع لقى مكالمه فايته وبعده رن تلفونه شاف الرقم عرفها سرور رد عليها بصوت مبحوح🤒 : اهلين
سرور : ءءاهلين كيف حالك شكلك مريض
موسى : اها ايي واخذ برده
سرور : اهاا لاباس عليك
موسى : ماريتي بأس
سرور : ءءءءءنبي ءءنقولك..خذت نفس وبعدها قالت اسفه عشان مارديتش عليك بس والله انشغلت وانسيت الموضوع وانت فهمت غلط اني مانحبش واحد
موسى فرح : اهاا باهي شن ردك
سرور : ءءءءانا موافقه بس نبيك توعدني
موسى اعيونه ولوااقلوب😍 : قولي
سرور : انك ماتخيبش ظني فيك وماتخذلنيش وتطلع تبيني بجد
موسى : ايي والله اني ناوي الحلال وشاريك يابنت الناس وبإذن الله بعد اتكملي الثانويه انجيب هلي يطلبوك
سرور : ءءء احم هي تصبح ع خير وانشالله ألف لابأس عليك
موسى : وانتي من اهله ياحلوتي ... وصكر
سرور قعدت مصدومه من الكلمه وبعدها جتها ولا وكرتها وحكتلهم وبعدها كل واحد راح في سبااات عميق