اسيرة 2014
ــــــــــــــــــــــــــــــــــــــــــــــــــــــــــــــــــــــــ
-هل انتِ تلك الفتاة التي كنتِ عند ابا صالح...
دم مابقى بجسمي لو يذبحوني مايلگون قطرة دم كمت اركض واسمع
-سووووف اطلقُ عليكِ توقفييييي...
ماحسيت غير الطلقات صار طشار...
اركض وابجي لو مطالعة احسن صار صوت قوي وصياحهم وهمه يكولون 'انها هنا' نفسي انگطع واني اركض محسيت غير طحت ع الكاع ورجلي التَوت صيحت بألم خليت ايدي على حلگي وهمه مستمرين يدورون ختلت بمكان مثل غرفة صغيرة مهدوم سحلت روحي احس رجلي انكسر وانجرح تندمت كلشش لان طلعت هسه اذا يلگوني حتى ما يموتوني يرجعون يعذبوني بجيت وكمت ادعي ما يوصلولي نص ساعه بقيت بنفس المكان الاصوات اختفت وكفت على حيلي طلعت مناك وصرت اركض واعرج بسبب رجلي
مشيت هواي واني امشي خطيت خطوة الخطوة الثانية مكدرت كعدت بمكان وختلت حتى ميشوفوني شوي وحسيت اكو ريحه واحد ميت جان باقي شوي اتقيئ كمت افتريت اشوف شهل ريحه تصلبت واني اشوف كدامي واحد مشمور وميت وريحته طالعه وشكله يخوف صيحت صياح كل حيلي راحت
-يمهههه لحگيليييي لااا لاااااا لاااا
التفت لوره شفت من بعيد اكو يركضون صرت اركض وابجيي شراح يصير بيهه وشنو نهايتيي المنظر ميروح من بالي جان اوقات كلشش مرعبة ضليت اركض رجعوو ضربوو طلقات واني بعد مكدرت اكمل
رجعت التفت للوره ماحسيت غير ايد انحط على حلگي وسحلنيي واني اضرب بيي بس مااكدر اشوف شي لان ليل كلت هاي هي لزمونيي
بندر: هشش شمس صوت گطعييييييي
شمس: بندرررررررر شسوي هنا شجابك هاااا عوفني وروح عوفني ماريدك اني
بندر: لاتخليني اتخبل عليج سكتي حتى يرحون نتفاهم حسابج بعدين
خله ايده على حلگي انصدمت بوجوده وشون عرف مكاني بس يمكن من خلال اصواات الطلق عرف مكاني ضليت واكفة هيج تحسست من قُربه
شمس: شوي ابتعد بندر ماكدر اتنفس بعد
بندر: تمام بس سكتيي
ابتعد شوي واني سكتت ضلينه ساعة كاملة واكفين على رجلينه اني رجليه صار خيوط وهو على نفس وكفته بس يراقب اخر شيء تأكد محد موجود
بندر: يلا امشي بس بدون صوت
مشيت وراه لزم ايدي وصار يمشي بحذر ويباوع عبالك يريد يفترس فريسته مادري ليش من يكون قريب مني او وياي احس بأمان لان محد ينقذني منهم غير بندر طردت هل افكار من بالي وصرت امشي ويا مشينه ساعة كلت اكيد مشافوني وراحوو
شمس: كافي بندر بعد مكدر امشي فدوه رجلي توجعع كافيي
بندر: تمام كعدي هنا شبيها رجلج
شمس: طحت
بندر: الله يطيح حضج
شمس: عوفنييي هسه اروح وحدي شكو سويت نفسك'بات مان' وساعدتني
بندر: استغفر الله مو جنتي حتموتين وياخذوج ويعذبوج مرة ثانيه واكيد هسه حيوصل خبر الهم انو شافوج تشردين عود من يلزموج ما يرحمج احدد
YOU ARE READING
أســيرة 2014
General Fictionعندما يأتي الحب من مكان أخر في وقت غير مناسب ومن شخص غير مناسب فتاة وقعت بين تنضيم داعش وهنا تبدأ حياتها التعيسة بين هولاء الضلام والمجرمون هل سوف تخرج من هذا الحرب ام لا وماذا سوف يحصل لها....
