بسم الله
‼️ مهم جميع ما بهذا البارت من الخيال و بأخص عايله ابو احمد ‼️
فيبيت اول مره نزوره
ابو احمد : اجل الشايب بيزوج مطلق لي اشراق
احمد :اي شكله يبغا يعيد الماضي
ابو احمد :هههه تقصد السمي كان يبغى يتزوج اختك العار بس الحمدلله لحقنا عليها و سترنا عليها
احمد : اي الحمدالله وافق( الضخم)يتزوجها لو ماتزوجنا كان انفضحنا مطلقه وش بيقلون الناس
ابو أحمد :تزوجت ع الفاضي جابت معها بنت لو انها جابت ولد وطلع زي الضخم افضل
احمد : على الاقل ما انفضحنا و قالو البنت فيها بلا تطلقت قبل زوجها بيوم و المشكله صارت لي ال هزاع ،ماعلينا من الماضي خلنا في الحاضر ذي المره مو اختي كيف بتزوجها واحد ثاني
ابو احمد :سهله تزوجها انت
احمد :لا ما أبيها
ابو احمد بغضب :اجل وش تبينا نسوي
احمد :سهله نضيع مستقبل البنت و تنتهي السالفه
ابو احمد : وتتوقع بيسكتون على بنتهم او بيمنعهم يزوجونها ولد عمها لابيزوجونها وغصب بعد عشن يسترون عليها
احمد :اجل عندي لك خطه
تعدل ابو احمد في جلسته : وش هي
احمد :.....
ابو أحمد :حلو ننفذها ان شاء الله بعد يملكون عشن نذكرهم من نحنا و لا ينسى سطام و سميه الي سوه
كل ذا كان تحت مسمعها وهيه تنضف الغرفه وتحس بناررر الي سوه ابوها و اخوها فيها مستحيل تنساه كيف تنساه وهم اجبرو حب طفولتها يطلقها قبل يوم من زواجهم بسبب مشاكل صارت هم مالهم علاقه فيها هم مجرد حبيبن انضلمو في القصه بسبب مشاكل مالهم اي علاقه فيها ، انجبرت تتزوج مجرم يسمونه الضخم بسبب بنيته الجسديه ،عاشت في عذاب معاه ماذاقت طعم النوم او الراحه طول السنين الي تزوجته فيها ، جابت بنت وسمتها روح ، لعلها تجدد لها روحها المجروحه من عائلتها بعد خمس سنين من الزواج تطلقت منه ماعرفت السبب الي خلاه يطلقها لكن ماكانت تهتم كثر ما اهتمت انها اخيراً بتعيش حياه سعيده ولكن مع الأسف رجعت بيت أهلها وصار معاملتهم اسوأ من قبل ضرب وذل و كل يوم ابوها يعرضها لي الرجال الي معه ولكن كانو يرفضون لأنه عندها بنت وهم مايبون عيال و من رحمت ربي ما احد خطبها و من غير اخوها الي كان يشوفها كيس ملاكمه صبرت و تحملت بس عشن بنتها كان ودها تاخذ بنتها وتهرب بس ماعندها ولا شهاده ، كانت تسمع خططهم الي بيتقنون فيها و كلها تضر اشراق ، لكن هيه مستحيل تسكت عن حق بنت عمها وخصاً ان اشراق كانت اقرب وحده لها لكن بسبب المشاكل معد قدرت ترسل لها من سته سنين بعد خبر طلقها من سطام قعدت محبوسه في بيت مهجور بسبب انها وافقت على سطام و ماسمعت كلام ابوها ورفضته ابوها مكان مقتنع فيه و بعد المشكله خلوها تتطلق قعدت سنه لين ما اخوها عرض على خويه يتزوجها ووافق الضخم قعدت معه خمس سنينه عذاب وبعدها طلقها بدون سبب و رجعت عاشت مع أهلها الشرقيه في مزرعه بعد ماكانت في امريكا مع زوجها
ابو احمد رمى علبت المنديل وقال بصراخ :هيه اني وين عقلك ساعه أنادي عليك
فزت وقالت هدى :سم يبه
ابو احمد : سم ان شاء الله ، وينك فيه من اول اكلمك
هدى :معليش ما سمعتك
ابو محمد بعد اهتمام :سوي قهوى جديده بيجون ضيوف و قولي لمك تدول لك
ارتعبت لما قال تدور هيه تعرف وش يقصد بكلمه تدور تعرف وزين قصدها تدول شايب يتزوجها تعرف ان امها تتعرف على ناس و تكلم شياب و تكذب على البنات الي بدون اهل او من الميتم انه شاب و كويس و شهم و تزوجهم تعرف انهم يرفضون الشوفه او يشوفون زوجاتهم عشن ما ينكشفون انهم شباب تعرف انه امها كانت تطلع فلوس بذي الطريقه الي ماترضي ربها ،كانت دايم تحاول تساعد البنات و تاخذ أرقامهم و ترسل لهم على الواتس وتقول لهم الحقيقه و بعضهم ماكانو يصدقون ومع الاسف يتزوجون بس ما توقعت انه بيوم من الايام ابوها بيطلب من امها تدول لها هيه ما توقع ابد
هدى ببكى:يبه تكفى ما ابغى
ابو احمد و هو يمسك السلم ويضربها :ماهو على كيفك محد قال لك تتزوجين ابن **** كان سمعتي شوري ورائي ولا اخذتي *** و بدأ يضربها دخلت عليهم سعاد الي كانت ورى الباب وتسمعهم
سعاد :بس ياتاج راسي بس ابشر بجيب لها واحد يعرف يربيها انت ارتاح
احمد وهو يشرب فنجان القهوه : خليه يربيها
ابو احمد : انقلعي من قدامي
قامت هدى وهيه تحاول تحبس الدمعه
مشت تدخل الغرفه عند بنتها الي كانت نايمه تحضنها و تبكي بدون صوت و هيه تتحسب عليهم و تدعي عليهم بحرقه
——
بعد ماروحو الضيوف طلع مطلق لبيتهم يبغى يرتاح لوحده ويفكر قبل يقول قراره النهائي لجده و اهله هو عارف انه الموضوع منتهي و ان الخبر انتشر لكن عشن مايضلم بنت الناس بيفكر اليوم كله
—
عندها بعد ما تعشو و راحو اغلب الضيوف بقي بس القربين طلعت السطح تبغى تعتزل و تفكر هيه استخارت و ارتاحت لكن تخاف بدون سبب تخاف قعدت تفكر وتفكر مرت ساعه و مرت الساعه الثانيه إلى ان مرت خمس ساعات و قررت انها ترد لي أهلها اليوم تزلت تحت و شافت ان كل الحريم صحو يصلون و ان الرجال طلعو لي الصلاه صلت و دخلت تنام بعد تفكير طويل
—
عند اَسر كان جالس في الحوش لوحده يفكر في أشواق و من الي قاعد يهددها وهل هو فعلاً يهدد ولا هيه تكذب عليه حس بدمه يفور من الغيره على بنت عمه و انها تكلم و احد من ورى أهلها قطع تفكيره سهم الي جاء و معه برادي الشاهي و معلق الكاسات فيه
جلس سهم معه وبدو في السوالف و نسي أشواق و موضوعها
——
في غرفه ابو نواف و ام نواف دخلت اشراق و هيه متردده في قرارها مشت في الغرفه و من التردد قررت تخرج شفها ابو نواف و ضحك :تعالي تعالي ليش كل هذا التردد ترى ولد اخوي ماهو بوحش
حست بخجل من ابوها تمنت ان امها موجوده
جلست جنب ابوها الي بدوره حضنها وقال بجديه : يابنتي الزواج سنه الحياه و مطلق رجال شهم و كفو بشهاده الكل و انتي بنت عمه وشفتيه كبرتو مع بعض و تربيتو مع بعض صح ولا لا
هزت اشراق رأسها بخجل
ابو نواف :ها وش قلتي موافقه ولا لا
أشراق وهيه تناصر في الارض من الخجل : موافقه
باس رسها و قال :الله يوفقك يا ابوك
اشراق :امين
طلعت من الغرفه الي الغرفه الي كانو البنات فيها
——
في السطح كانو هناك فرح و لميس
لميس : قلتي لي ان بتقولين لي وش صار و معد قلتي لي
فرح بتوتر :اا ماصار شيء بس كنت بقول وش رايك نخطط نفصلهم عن بعض
لميس : ما عليك بخليه يمشي وراي
فرح :كيف
لميس :كيف يعني بطلع له و اخليه يشوفني زي باقي العيال و يبداً يكلمني بسيطه
فرح :بس انتي تعرفين ان مطلق مو زي الباقين و انه مايكلم بنات
لميس بغرور :بس أنا غير عن الباقيات و بتشوفين
فرح :طيب
فرح كانت تفكر إذا تقول لها عن الي سمعته في الحوش ذاك اليوم ( حوار مطلق مع سطام ) لكن قررت ان ما تقول لها الحين هيه تبيهم يتزوجون و تجي لميس ضره عليها و تكسر اشراق
—
عند مطلق الي كلم امه وقال لها انه ارتاح و انه بيتزوج بنت عمه
ام سطام :صدقني ياولدي ان ذا احسن اختيار ، لكن قبل ما اقول لبوك اوعدني انك ما تجيب ضره عليها ما ابغى اشراق تضيع منك
مطلق : يمه والله معد بجيب موضوع لميس ولا طاريها قفليه بالله عليك
ام سطام : أنا مقصد لميس أنا اقصد كل البنات بشكل عام ترى ما أرضى على اشراق ترها جوهره ثمينه
ضحك مطلق وقال :ياحض ذي الأشراق دام ام سطام تغليها و تحبها ،ابد تأمرين امر
ام سطام : اجل بعتبره وعد رجال وانا أثق فيك
مطلق :يلا يمه بقفل
ام سطام :ما بتجي بيت جدك
مطلق :إلا بجي بس عندي شوي شغل في المكتب
ام سطام : اجل الله يوفقك استودعتك الله
قفل من امه و كمل شغله
—
عند ابو سليمان الي كان خايف ان مطلق راح بسبب انه حطه في موقف مايحس عليه لكن ارتاح يوم قال له ولدت سليمان الي كان يكلم زوجته و قال انها قالت له ان مطلق موافق وان راح البيت عشن الشغل
——
بس وهنا انتهى البارت رغم الزعل نزلت قلت يمكن يرضني التفاعل لك ما أرضاني نجمه و حده بس ليه 😔 و المشاهدات قليل زعلتوني و اتمنى انكم تراضوني ذي المره
asdarnarnqwesd
تيك توك الجديد القديم وقفت تنزيل فيه لي اسباب خاصه 🤍
