بسم الله الرحمن الرحيم ولا حول ولاقوة إلا بالله العلي العظيم.....
اللهم صلِّ وسلم وبارك على سيدنا وحبيبنا محمد وعلى آله الطيبين الطاهرين..... 🌺♥.
استغفر الله
الحمد الله
سبحان الله
الله أكبر
لا إله إلاّ الله
ـــــــــــــــــــــــــــــــــــــــــــــــــــــــــــــــــــــــــ
هلال...
نفتح الباب و طلعت لارين شافتنا من جنا مقربين اني و خالد كلش و من دفعت الباب و گعدت على الگاع بسرعه گمت و نگثت ملابسيي.
اباوعلها تخزرننا و عيونها حمر صارن و يتجادحن ووجها صار ازرگ و عصبيه كلش حجت وهيه تباوعلي و تباوع على خالد.
لارين: هاي شجنتوا تسوون؟
خالد: شكو لارين.
لارين: يله تعال تأخرنااااا.
تقدمت و صرت گدام خالد ووهو وراي و هيه گداميي كلش و انفاسها السريعه والحاره تلفح وجهيي و عيونها بيها شراره ودها لو تلزمني و تملخنيي.
هلال: و انتِ بأي حق تدخلين على غرفه متزوجين بدون لا دگيين الباب .
لارين: بكيفيي أصلاً اني خلصت عمري كله هنا ويي خالد والبيت مثل بيتي ادخل واطلع براحتيي.
هلال: هذا قبل هسه اني موجوده و مستحيل اخليج تتجاوزين حدودج.
لارين: وأذا تجاوزت حدودي؟؟
خالد: نزلي لارين هسه اجي انه.
هلال: لا ختروح بعد لا نأخرها خطيه.
لارين: ماكو تأخير خالد يلا.
خالد: ماروح.
لارين: شنو ماتروح نظفنا المكان و جهزنا القارب و هسه تنسحب؟
هلال: لحظه لحظه انتو وين جنتوا تريدون تروحون.
لارين: شسالفه خالد ما حجالج.
هلال: شنو.
لارين: ههههه مو خالد يحب صيد بالنهر و حجزت قوارب.
هلال: قوارب؟ ليش انتو شكد.
لارين: هوايي بالـ 20 شخص صيد جماعه واليفوز هوا الصايد اكثر.
خزرته وهو بقى يضحك ولارين زعلت وراحت تدردم سد خالد الباب رحت گعدت على الجربايه بمكاني ضايجه معقوله ببالي رايح عربده لو شرب لو ملاهيي طلع راح يصيد سمج و كل هاي الكشخه واللبس.
قفل الباب خالد واجه تقرب على الجربايه رجعت لوره وهوه حاوطني ما گدرت اوخر وراد ينقض عليه ويتقرب بس ما گدرت و دفعته و ضربته راچديي.
YOU ARE READING
بين فنايا الظلمات
ChickLitبين فنايا الظلمات بين فنايا ظلمات الحياة ولوعات القلب وامواج الحياة ورياحها التي تعصف بينا الى حيث لا نريد والعاب القدر تلك الحياة الظالمه التي تختار الفقير والمسكين لتذوقهة من كأس الغدر والخيانه والحزن وتشبعة الهموم وتغنيه بالحزن والالم وتسلط عليه...
