#الـڪاتبه_نَجمه
#أنتقام_مباح
#البارت_
نجماتي لاتنسون التصويت +والتعليق بين الفقره وأخرى +ومتابعة الحساب
أتمنى ألكم قرائه ممتعه 💕
★★★★★★★★★★★★★
لِهسة مَرورِتك تَحت اللسان تَبات .
★★★★★★★★★★★★★
«نَـجمـه»
مرت چم يوم ابيت جدي وهل ايام كلها حاولت گد مابيه وشگد ما أگدر اتجنب مُنير واتچفه شره وانه حالفه اله يجي عزالدين واحچيله على موقفه وياي..
ومو بس هذاك موقفه صار يوم بعد يوم يزيد لو افوت منه يشمرله حچايه واذا يشوفني وحدي يجي عليه واشرد منه وهاي مخلصتها لازگه بأمي..
انه ابد ما اخاف من شي بس خفت من كلامه خاف يسويلي شي واحد ناقص وكلشي يطلع منه..
جدي يريدله حجه علينه حتى يحچي والنذلات عواطف وسعاد يشمرن بالحچي على أمي وهيّ ساكته ما ترد عليهن ولو اجيت ارد ما تخليني تسكتني وتدخلني للغرفه وحچايتها الي ماعدها غيرها
أحــلام؛؛يمه عوفچ منهن احنه مو گدهن هذني شرانيات وما يخافن الله وخوفچ من الما يخاف الله كلشي يسون ويبلنه والله مابيه حيلهن.
نَـجمـه؛؛انه اصير شرانيه نفسهن واربيهن من جديد.
أحــلام؛؛نَجمه وحق ربچ اذا حچيتي وياهن ورديتي عليهن لاخلي اخوچ يكسر ظهرچ كافي أحگريهن..
وهذا حچيها ماتخليني اسوي شي وانه گلبي مشعوط منهن والله لو اكضهن ارگع راس براس حتى هاي ايلاف الفقيره صايره حقيره نفسهن مدري شنو من عالم بس اخخخ يا امي خلصتها كله تسكت الهن..
امي على تواصل ويه عزالدين وگايللها هل يومين يجي وانه منتظره على نار جيته والله لاخلي يطيح حضك يا مُنير..
اليوم العصر على أساس يرجعون ليث وعزالدين ومكيفه على جيته نمت نومة الظهر يم امي گعدت العصريه أمي ماكو طفرت بساع جريت حجابي وطلعت من الغرفه ماريد أضل وحدي
YOU ARE READING
أنتقام مباح
Actionقصه من أرض الواقع.. بقلمي أنا آيات علي ها أنا قد خلقتُ من الظُلم و العذاب الذي جار علي من وحش جبار فہ لقد وقعت بيد من لا يعرف معنى الرحمه و انهُ ذو قلب ميت و أنا فتاة عاديه لا يوجد لدي شي امتاز به عن الفتياة الاخريات لكن مالذي حصل وصنع من ضعفي ق...
