كِلانَا يَسكُن الآخَر

1-: ♡كَان لِقَاءنَا الأوَل♡

تبدأ قصتنا مع طفله اسمها جونول و هي تلعب مع اخوها عمر الذي اكبر منها ب اربعه سنوات في حديقه منزل مربيتهما لان والديهما قد توفيا في حادث سير وهي في الخامسه من عمرها جاءت ماريا(المربيه) اليهما وقالت
ماريا: يلا الاكل جاهز تعالو علشان تاكلو
فذهبا معاها و اكلا و جاء رجل عجوز(نادر) الي جونول و يقول لها
نادر: يلا بينا يا جونول يلا نروح الشغل
فقفزت جونول فرحه و قالت
جونول:يلا علي الشغل
و اخذها نادر الي شركه كورهان للأسهم وكان نادر هو صاحب الشركه و الشركه مشهورة جدا و متقدمه
جونول : جدو انا عايزه اتعلم كل حاجه عن شغلك علشان لما اكبر اكسبك في الشغل
نادر: ماشي يا جولي لما تكبري هتكوني في مكاني هنا
جونول : لا مش عايزاك تمشي عايزه نعمل انا وانت تحديات كتير في الشغل
نادر : تمام انا موافق ولكن هتنفذي كل حاجه اطلبها لما اكسب
جونول : هنشوف مين الي هينفذ طلبات التاني
ومرت السنوات وكان نادر يعلم جونول كل يوم شيء جديد في العمل حتي اصبحت ماهرة جدا في العمل وجاءت وقت فراق نادر و كان هذا صعب جدا علي جونول و دخلت في حاله اكتئاب شديد بعد موت اعز رجل علي قلبها و هو كتب في وصيته ان كل املاكه الي جونول لكن هي لم تكن سعيده ابدا لانه توفي
ومرت السنوات وكانت جونول في المدرسه الثانويه كانت تعاني من الكثير من التنمر و فقدان الشغف بسبب موت والديها و رؤيتها للآباء و الامهات في المدارس ليحلو مشاكل او لرؤيه معلمي ابنائهم الا هي كان من يذهب اليها ماريا ( المربيه)او مروان (الحارس الشخصي لنادر و بعد وفاته اصبح حارس جونول الوفي )
ومرت سنوات اخري بعد تنمر كثير و فقدان شغف و بكاء و حزن اصبحت جونول في اخر عام دراسي لها في الثانويه و اخوها عمر يدرس خارج تركيا يدرس في تايلاند
و كل يوم تتصل به و تطمئن عليه و كانت جونول متفوقه جدا في دراستها و تكون دائما الاولي علي دفعتها تعلمت انا حزنها لن يفيدها في شيء و قررت الا تكون ضعيفه ابدا و اصبحت شخصيتها قويه.
وفي آخر امتحان لها و كانت متوتره جدا كانت تشعر ان هناك شيء سوف يحدث فطمنتها (ايمان)معلمتها المفضله و قالت لها
ايمان :متخافيش هتنجحي ان شاء الله
دخلت جونول الامتحان وكان المراقب عصبي جدا في الامتحان فطلبت فرح صديقه جونول منها
فرح : ممكن تديني قلم علشان قلمي اتكسر
فتعطي جونول قلم لفرح و يراها خالد( المعلم )و يغضب ويوبخها و يأخذ منها ورقه الامتحان
خالد : هاتي ورقه امتحانك و اطلعي بره
جونول : ليه انا عملت ايه انا بس كنت بديها قلم لان قلمها اتكسر
واخذ منها الورقه بشده و طردها الي الخارج و ظلت تبكي كثيرا و جاءت ايمان و قالت لها ماذا حدث واخبرتها جونول بكل شيء و ذهب خالد و جونول و ايمان الي مكتب المدير
ايمان للمدير : فرح صاحبه جونول طلبت قلم منها علشان قلمها اتكسر و جونول بتديها قلم شافها مستر خالد و فكرها بتغش و اخد منها ورقه امتحانها وقطعها و طردها برا الفصل
جونول و هي تبكي : اقسم بالله مغشتش انا بس كنت بدي فرح قلم
خالد : لا انا شوفتك بتغشي بكل وضوح
المدير ل جونول : اعرف منين انك مكنتيش بتغشي ايه دليلك يعني ؟
جونول: اسأل فرح هي اللي طلبت مني القلم
المدير : هي صاحبتك و اكيد هتدافع عنك و تقول انك مغشتيش
جونول: تمام ممكن نشوف الكاميرات
المدير : الكاميرات اهي
و شاهد المدير و خالد و جونول و ايمان الكاميرات و واضح بشده ان جونول لم تغش و كانت تعطي فرح القلم
جونول : اهو بص انا كنت بديها القلم مغشتش ممكن ترجعلي ورقه الامتحان
المدير : احنا اسفين يا جونول .مستر خالد رجعلها ورقه امتحانها
خالد : بس انا قطعتها
جونول : عادي ممكن اخد ورقه جديده
المدير : ماشي يا جونول و روحي الفصل و هتمتحني لوحدك لان كل الفصل امتحنو و خلصو و وقتهم خلص
جونول :تمام همتحن في اي مكان حتي لو كنت لوحدي
المدير: اذهبي يا ايمان معها و راقبيها بس من غير اي كلام
ايمان : ماشي
ذهبت جونول و ايمان الي الفصل و امتحنت جونول وحدها و نالت اعلي الدرجات في الامتحان و ندم خالد علي ما فعله و ذهب للاعتذار منها
خالد : انا اسف اوي يا جونول بس دي طبيعه شغلي افهميني
جونول : خلاص متتأسفش يا مستر خالد انا مسامحاك وانا عارفه انك بتعمل كده علشان مصلحتنا
و عادت جونول الي المنزل و هنا كانت المفاجأه ورأت شخصا في منزلها
جونول :انت رجعت!
عمر : ايوه رجعت عشانك يا جولي
ركضت جونول مسرعه الي حضن اخوها عندما رأتها في المنزل
جونول : وحشتني اوي
عمر : وانتي كمان
جونول : رجعت امتي و ليه مقولتش انك جاي
ماريا(المربيه) : كنا عايزين تبقي مفاجأه
عمر : اخوكي مش ناسيكي و جايب لكم هديه اي خدمه
جونول : ايه هي؟ !
عمر : استني هنا شويه
جونول :تمام
وذهب عمر الي غرفته و عاد ومعه صندوق كبير
عمر: غمضي عينك قبل ما اجي
جونول : غمضتها تعالا بقا
و ذهب عمر نحو جونول و وضع الصندوق امامها مباشره
عمر : 1 ، 2 ، 3 افتحي عينك
جونول : واااااو ايه جوا الصندوق ده
عمر : افتحي واعرفي بنفسك
و تفتح جونول الصندوق و تجد قطه كانت مثل قطتها القديمه الذي تاهت ولم تجدها
جونول : قطتي!
عمر : لا دي واحده شبهها اوي لما شوفتها قلت في نفسي لازم اشتريها ل جولي
و ظلت جونول تضم القطه كثيرا و تلعب معها وكانت تضحك وتبتسم و ينظر لها عمر و ماريا في فرحه و سرور
عمر : عجبتك؟
جونول : انت بتهزر دي اجمل هديه شوفتها في حياتي شكرا يا عموري
عمر :مفيش بينا شكر يا جولي
و ظلت جونول تهتم بالقطه
ماريا : روح يا عمر الي اوضتك شكلك تعبان من السفر
عمر : انا فعلا تعبان اوي يا ماما
جونول: ماشي روح انت اوضتك وانا هعملك اكل بايدي هيكون جامد جدا عمرك ما جربتو
عمر : هل انتي متأكده انه هيكون اجمد ما جربتو ولا العكس
ماريا : متقلقش سوفيانا (الخادمه )هتقف معها في المطبخ
جونول: تمام هتشوفو هعمل ايه
ذهبت جونول الي المطبخ ومعاها سوفيانا لتساعدها
جونول: عايزه اعمل اكل يكون عمر مكألش منو من زمان
سوفيانا : نطبخ اكلات مصريه زيي محشي او كشري بس اعتقد المحشي افضل
جونول :صح عمر بيحب المحشي اوي
و طبخت جونول و ساعدتها سوفيانا قليلا و حان وقت العشاء
عمر : هنأكل ايه علي العشاء
جونول :اصبر هتشوف هتاكل ايه
ماريا : ماشي هتشوف كلنا
و احضرت سوفيانا الطعام و عليه غطاء
جونول :محدش يرفع الغطاء من علي الاكل الا بعد اما اقول انا
عمر :اخلصي انا جعان
جونول :تمام يلا 3 ، 2 ، 1 ، ارفعو الغطاء
ماريا و عمر في دهشه تامة
ماريا : ايه ده؟ !
جونول باستغراب : محشي في ايه مالكو
ماريا : عملتيه ازاي مكنتش اتوقع كده ابدا
جونول بغرور : عندي خبرات كثيره محدش يعرفها
عمر : لا لا بجد تفوقتي علي نفسك اوي ، امممم طعمه جامد جدا
جونول : بالهنا و الشفا
ومرت ايام بعد ايام و كانو يعيشون في سعاده تامه و سجلت جونول في الجامعه و تم قبولها
و ذهبت جونول و عائلتها و صديقتها فرح الي مدينه الملاهي المائيه و كانو يلعبون لكن جونول لا تستطيع العوم جيدا في المسافات العميقه و ذهب اخوها و فرح لشراء الطعام و جلست هي و ماريا امام حمام السباحه الكبير
ماريا : جونول هاتي الكرسي اللي جنبك ده هاتيه هنا وانا هروح الي غرفه تغيير الهدوم اغير و اجي
جونول : اوكي
وهي تحمل الكرسي جاءت مجموعه من الاطفال و يركضون وراء بعضهم و صدمو في جونول ووقعت في حمام السباحه وهي ولا تعرف العوم
وكانت تطلب النجده من اي احد و قفز شخص غريب اليها و امسكها
امسكت جونول في رقبته خوفا من الغرق وهي لا تعلم من هذا الذي انقذها و اخرجها من المياه و اعطاها منشفته و مياه للشرب
جونول : شكرا علي انقاذي ياااا؟
المنقذ : اسمي فريد
جونول :شكرا يا فريد
فريد: لا شكر علي واجب
جاء عمر وفرح و رأو جونول هكذا
عمر :ايه اللي حصل؟
فرح : انتي كويسه ؟
جونول :انا وقعت في حمام السباحه و انقذني فريد
عمر : شكرا يا فريد
فريد : العفو
و كان فريد يغادر نادت له جونول
جونول : فريد.. خد الفوطه بتاعتك
فريد : لا خليها معاكي
جونول : تمام و اشكرك مره كمان
و غادر فريد و علي وجهه ابتسامه
و غادرت جونول و عائلتها و صديقتها الي المنزل و تكلمت جونول قليلا مع فرح
فرح : مين فريد ده؟
جونول : معرفش لما وقعت هو اللي مسكني و انقذني
فرح : محبتهوش خالص
جونول : ليه؟
فرح : معرفش حسيتو مش كويس
جونول : لا انا حسيتو طيب
فرح :لا انا محبتهوش خالص
جونول : تمام احنا اصلا مش من شوف تاني
و بعد اسبوعين جاء اول يوم دخول الجامعه و ذهبت جونول و فرح الي الجامعه و اوصلهم عمر الي الجامعه ثم ودعهم و دخلوا الجامعه و كانت جميله جدا من الداخل
جونول : الحمد لله اخترنا جامعه كويسه
فرح : عندك حق فعلا دي كويسه جدا اتمني ان يكون دكاتره الجامعه هما كمان كويسين زي الجامعه كده
جونول : اتمني
و ذهبوا الفتاتان الي المدرج و كان هناك الكثير من الطلاب في المدرج وذهبت الفتاتان الي المدرج و جلسو في الخلف
جونول : الجامعه زحمة اوي
فرح : طبعا هتكون زحمة احنا لسه اول يوم بعد كده هتشوفي محدش هييجي الجامعه اصلا
جونول : مش بحب اول يوم
وجاء موعد اول محاضره و دخلت الدكتوره اسماء
اسماء : عاملين ايه يا طلاب
الطلاب : بخير الحمد لله
اسماء : دوما. نبدأ بالتعريف عن نفسكم
و عرف كل طالب عن نفسه و بدأت المحاضره و كانت فرح و جونول معجبتان بشخصيه الدكتوره اسماء انها شجاعه و واثقه من نفسها
جونول : عاجباني اوي طريقه الدكتوره اسماء و ثقتها بنفسها و فهمت اللي شرح كلو
فرح : فعلا انا حبيتها اوي
بعد اول محاضره خرجت جونول و فرح لشراء الطعام و كانت وقت الاستراحه بين المحاضره الاولي و الثانيه 10 دقائق و ذهبا لشراء طعام و مياه و لكن كان المطعم مزدحم بشده و تأخرا علي المحاضره الثانيه و ذهبت جونول و فرح الي المدرج مسرعتان و لكن كانو متأخرين و كان الدكتور دخل المدرج و بدأ في الشرح و كانت المفاجأه
ـــــــــــــــــــــــــــــــــــــــــــــــــــــــــــــــــــــــــــــــــــــــ
قولولي رأيكم في الكومنت 🫂♥

Habiba Ali