نطقت وهي تكلم سماء الي تمشي خلف زينب : هذي وش فيها نافشه ريشها مثل النعامه!!
زينب خزتها: قصدك الطاؤوس؟!
غسق بحواجب معقوده: لا مثل النعامه الي تقلد الطاووس !!
سماء بابتسامه : والله جبتيها على الجرح ..وانا اقول لها ما هو لايق عليك!!
غسق بعد ما جلسوا نطقت بحاجب مرفوع: ايه وش سبب هالغرور؟!
سماء بسخريه: ما تدرين متزوجه الدكتور مهاب ويحق لها تنفش ريشها!!
زينب خزتها: انكتمي ..قلنا لكم غلطه ..استغفر الله ..تنكدون على الناس حتى بأسعد اللحظات!!
غسق بملل وقله صبر: وش هاللحظة السعيده!!
زينب بابتسامة عريضة :تخيلي تخيلي تخيلي
غسق بضجر : تخيلنا ..ايه وش صاير؟!
زينب بحماس: تخيلي
غسق بقلة صبر: لا حول ولا قوه الا بالله...قلنا لك تخيلنا!!
زينب توسعت ابتسامتها: من سعادتي مب قادرة اصوغ الكلام ...المهم تخيلي ابوي وافق نسافر بالعطلة
قاطعتها غسق وهي معقده حواجبها : انت تحاولي تخففين دمك ؟؟
تخيلوا تخيلوا تخيلوا وبالنهاية هذي سالفتك؟!
صدق إنك بايخه وما عندك سالفه..استغفر الله !!
زينب حست بالانتكاسه: انت ما تعرفين إنه حلمي اسافر وأنا كبيرة بالجامعه... وأخيرا رح يتحقق حلمي !!
سماء بملل : ما ادري وش يعجبك بالسفر ...حنا لو نطلع للشارع نتذابح وتقلب الطلعه نكد ..لو نسافر مع أمي وأبوي يرجعون منفصلين؟!
زينب زمت شفتها بضيق بعد ما حطموا فرحتها : صدق تهدمون لذة الفرح !!
غسق رفعت حاجب : اتركونا من سفرك..ناظروا احس اغلب البنات يتسارقون النظرات علينا ..!!
سماء بابتسامة وهي تنطق بخفوت: ذول يناظرن مستغربات كيف هالجوكر أخذت الدكتور مهاب!!
فتحت عيونها غسق باستنكار: ترى
قاطعتها سماء بابتسامه: ما اقصدك اقصد الزوجه المزيفه ..ما شاء الله مسرع ما انتشر انها زوجته!!
زينب زفرت بضيق : يا ذي السالفه ذلتوني عليها ..وربي ندمانه وما ادري كيف قلت هالكلام ؟!!
سماء مطت شفتها : الانسان لزوم يحاسب على كلامه..غلطتك كبيره انا لو مكان غسق انتفك واعجنك تحت أسناني!!
زينب دفتها بخفه: اقول تلايطي من هنا ..الحمد لله إنك مو غسق ....
اكتفت غسق بالصمت وعيونها على دكتور المادة لما دخل ...
كان هذا الدكتور متساهل مع الطالبات وسلس التعامل معه ...
زينب بخفوت: يا حليله غير موعد الامتحان بكل سهوله ...ما هو مثل بعض ناس العناد الي فيه ما هو طبيعي! ...يحاول بأي طريقه يضيق الخناق علينا !!
سماء بتأييد: إيه والله صادقه ...يكفي الراحه النفسيه الي نحس فيها بذي المحاضره ...ما هو على اعصابنا!
غسق بتبرير وهي متأكدة ينغزون على مهاب : لزوم الدكتور يكون حازم ..ناظروا البنات كيف يتكلمون بالمحاضرة وكأنها شوربه!!...الدكتور له هيبته قدام الطلاب!!
سماء كشت عليها: وتدافعين عنه؟؟!
تجاهلتها غسق ورجعت تركز مع شرح الدكتور!! ...وكل شوي تتسارق النظر لزينب وسماء الي يلعبون XوO وعند الامتحانات يقلبون الجلسه دراما يبغون النجاح !!
بعد وقت انتهت المحاضرة ... تحركت غسق بكسل خارج القاعه وهي تنطق بخفوت: بنات وربي نعسانه..لزوم يوفرون لنا قاعات للنوم والراحة بين المحاضرات!
سماء دفتها بخفه: مكتب زوجك تلاقينه فاضي روحي نامي فيه !!
والا خايفه يطردك؟!
غسق رفعت حاجب بتحقير لكلامها: هه هه ما يضحك ... أصلا اذا شافكم معي اكيد رح يطردني من الجامعه كلها !!
زينب عبست ملامحها بقهر: ترى زوجك النفسيه زودها وش يشوفنا ؟!
غسق بترقيع : هو ما يحب تسيبنا وصوت الضحك المرتفع!!
سماء هزت رأسها: بذي النقطه صادق زوجك ...بس وش اعمل ما اقدر امسك ضحكتي !!
زينب بابتسامة: بنات
سكتت لما اقتربت وحده من البنات منهم ونطقت : زينب رئيس القسم طالبك !!
زينب بلعت ريقها بخوف ..رئيس القسم وش يبغى منها ...نطقت بتوتر بعد ما غادرت البنت: رئيس القسم ؟!
سما باستغراب: وش يبغى منك ؟!
زينب هزت رأسها بالنفي: ما ادري تعالوا نشوف!!
توجهت غسق معهم وهي مستغربه هالشيء ..رئيس القسم وش يبغى من زينب !
ناظرت سماء الي تطقطق عليها : اكيد يبغون يكرمونك يا زينب !!
زينب عبست ملامحها ما هو وقت سخافتها ..قلبها ينبض بقوة من شده الرعب..وبضيق نطقت : انكتمي!
سماء اكتفت بابتسامة وهي تشوف خوف ورعب زينب ...بعد وقت قصير كانوا عند القسم...ما سمحوا لهم بالدخول الا لزينب ...فقررت غسق وسماء يسبقونها على المحاضرة الثانيه بما انها ما رح تطول حسب كلامها !!
بدأت المحاضرة الثانيه وما في حس ولا خبر لزينب ...نطقت غسق بخفوت: زينب ما رجعت؟!
سماء حست الموضوع جدي وصاير شيء: غريبه ليش يطلبها رئيس القسم ؟!
معقول يبغى يخطبها؟!
غسق خزتها بقوة وبخفوت نطقت: خطبك القرد ...تراها بعمر عياله ....
سماء مطت شفتها: أجل ليش طلبها ؟! معقول البنت مهببه من خلفنا وحنا ما ندري ...معقول تتعامل بالحبوب
قاطعتها غسق بهمس: انكتمي ما هو وقت نغاشتك!!!
سماء ابتسمت : وش اعمل عصرت مخي حتى ألقى سبب إنه يطلبها ما لقيت ....
ما علقت غسق ورجعت تكتب خلف الدكتور.... خفق قلبها غسق لما انطرق الباب وكان اداري القسم ...كلم الدكتور وطلب حضور غسق وسماء للقسم !!
حست غسق السالفه فيها إنّ ....وليش يطلبونها ؟! معقول زينب متورطه بشيء!! يا فضيحتها وش يخلصها من لسان مهاب !!!
تحركت مع سماء وكل شيء بجسمها يرتجف ..سماء مسكت يدها تسندها وبخفوت نطقت: وش فيك ؟!
غسق بارتجاف:ما ادري أحس صاير شيء ..زينب للحين ما رجعت ؟!
طلعت من القاعه وقلبها يدق بقوة..حاولت تأخذ نفس عميق تسيطر على دقات قلبها ..سماء بخفوت: قولي توكلنا على الله ....الله يستر زينبووووو وش مهببه ..معقول تشاجرت مع زوجك واشتكى عليها !! بس ما قالت ولا طرت السالفه !!
غسق بارتجاف : بالله عليك انكتمي انت وتحليلاتك...
سماء حركت رأسها بغرور : كثير يتمنوا مني نصائح وتحليلات ..بس وش اقول حظي أكون مع بنات عقلهم بحجم حبة السمسم !!
ما علقت غسق وتوجهت للقسم ....تفاجأت لما عرفت إنه هديل وشلتها اشتكوا بالقسم على زينب بسبب كلامها ....
غمضت غسق عيونها للحظات من المصيبه الي وقعوا فيها ..لو يعرف مهاب ما رح يحصل خير ...اي ورطه قعوا فيها !!
YOU ARE READING
رواية المنتصف المميت
Randomالمُنتصف المُميت!! أن تفقد القدرة على الأبتسامة من القلب، فلا تملك سوى أبتسامة المهرج " الأبتسامة الضاحكة الباكية " المُنتصف المُميت!! أن تُجبرك الظروف على أن تعيش حياة ليست حياتك ، ان تنتحل شخصية ليست لك وتردد كلمات لا تحمل نبض حروفك ويكانها ليست م...
