عريس لقطه😎

البارت الثامن عشر

..مش عارفه يا محاميحوا الدكتور فارس متضايق ليه

محمد بضحك: بقي مش عارفه يا نونا هيكون ليه يا نونا هيكون ليه  عشان بيحبك يا نونتي .

..: ولد احترم نفسك انا مش بتاعه حب وكلام فاضي من ده

محمد: اه ما انا عارف واحنا ماحليتناش غير كرامتنا دا أنا مربيك علي ايدي يا جميل

..: شكلك فاهم يا نصه

خلصت المحاضرات اللي عليا بس ما شوفتش فارس ياتري هوا فين هوا كان متعصب وانا بخاف منه لما بيبقي كده

طلعت من الجامعه وانا عيني بتدور عليه هنا وهناك وروحت البيت ..

انا انسانه بشوشه ممكن في مجتمعنا ده يسموني هبله بس انا علطول بضحك ومش بحب أحرج حد يعني سواء كلامي مع سيف أو مع حظابط أو مع محمد ممكن يبقي في نظر فارس فيه تجاوزات بس دي طبيعتي انا بتكلم علي طبيعتي باخد علي الناس بسرعه بحب اضحك بحب اللماضه بس هوا كل مرة يتعصب عليا ويهددني ويمشي

دخلت بيت العز يا بيتنا

كالعادة دخلت لقيت امي منسجمه في مسلسل هندي بس المرادي من النظرة التانيه بتاع ارناف وكوشي بالنسبه لارناف يا ولاد عنده حته دين عربيه ياختي علي جمالها انا بتفرج علي المسلسل عشانها أه واللهي عارفين أن شاء الله هاجيبها انا هاحللللللللم هاااااحلللللللم

اتسحبت ومشيت ورحت مستخبيه جمب الكنبه وفجأة رحت ماسكه رجل ماما واصلا ماما من النوع اللي اركب الهوا.

وعنيكم ما تشوف الا النور بقت بتجري في الشقه وتصوت وانا بعد هذا الموقف أن ظهرت هاخد علقه ماخدهاش حمار في مطلع زي ما بيقولوا طلعت بره بسرعه وسبتها منهارة في الشقه

دخلت تاني : ماما حبيبتي مالك اهدي

ماما حضنتني

ماما : قاعده بتفرج علي التليفزيون في امان الله وفجأة بسم الله الرحمن الرحيم حاجه مسكت رجلي

..وشوفتيها يا ماما

ماما : لا انا خوفت ابص لقيتني بجري في الشقه  وبصوت لو ما كنتيش جيتي كنت نزلت قعدت في الشارع

..لا يا ماما لا احنا لازم نجيب شيخ انتي قاعده لوحدك يا حبيبتي واحنا مالناش غيرك

ماما : اول ما ابوكي يجي هاخليه يجيب الشيخ علطول اه هوا العمر بعزقه ولا بعزقه

..ااه طبعا يا حبيبتي ربنا يخليكي لينا ويطول في عمرك ويبعد عنك كل شر

ماما : يخليكي ليا يا حبيبتي ويبارك فيك

..يارب يا ماما الا عامله ايه الغدا اصلي مت من الجوع النهاردة

ماما : اتلم بس علي اعصابي وأحط الغدا  انشالله يعكنن علي اللي يعكنن عليا