نواره الصعيد

التاسع

في منزل ضخم بل بالأحرى قصر في أضاحي روسيا في جناح مظلم كان يوجد بها شاب في الثلاثينات من عمره يقوم بالتدرب على البوكسينج حتى دخل أحدهم الغرفه ومن غيره صديقه يحيا ليقول "حمزه جالي خبر من مصر معتقدش انه هيعجبك" وقف حمزه ضرب وقال "انطق يا يحيا واخلص" رد يحيا "نواره.." هنا نطق حمزه بعصبيه "مالها نواره متنطق يا زفت"..رد يحيا بسرعه "نواره كتب كتابها بعد يومين"... اتوقع يحيا ان حمزه يقلب الدنيا زي كل مره بس حمزه فاجئه وقال "كتب كتابها على مين" رد يحيا بتردد "على مصطفى بن عمها".. أومأ حمزه برأسه وقال
"جهز الطياره" رد يحيا "الطياره الخاصه محتاجه تصليحات وأول رحله لمصر هتبقى بعد حوالى 33 ساعه وانت عارف ان الرحله بتاخد حوالى 6 ساعات من هنا لمصر ده غير المسافه من القاهره للصعيد كأقل تقدير هتاخد ساعه لو اخدنا طياره يعني..." رد حمزه "بس يا يحيا في ايه انت عامل شبه مراقب الإمتحان اللى بيقعد يقول فاضل قد ايه على نهايته.. غور يلا وشوف الزفت يونس ده مجابش المعلومات اللى طلبتها ليه" رد يحيا "تمام.. سلام".. نطق حمزه"انت لسه بتدور عليها" رد يحيا وهوا ماسك الباب بعد تنهيده طويله "والله يا ابني انا شكلي هبدأ اقتنع انها كانت مجرد حلم زي ما بتقول.. سلام بقى اشوف الأستاذ يونس" قالها ثم خرج بينما حمزه عاد ليضرب كيس الملاكمه بغضب ليقول "فكركم كده يعني هسيبها..ماشي يا نواره.. الحساب يجمع بس اما تبقي في بيتي.. ونتحاسب كلنا" ثم عاد ليضرب كيس الملاكمه بضربات أقوى من السابق ويقول "مفيش غير مصطفي الذفت ده.. ده احسن مني في ايه يا ياسين يا جبلاوي.. شخص فاشل وفاسد.. انا مكنتش اتخيل انك مستعد تبيع حفيدتك عشان متجوزهاش ليا.. بس انا وانت والزمن طويل"...
..... في جناح آخر كان يجلس يحيا على كرسيه خلف مقعده وهو ينظر لتلك الرسمه التى أمامه لفتاه في العشرينات من عمرها ذات عيون زرقاء وشعر بني وملامح هادئه... تنهد بألم ليقول"معقول تطلعي ده كله في خيالى" بعدها مسك التلفون وكان هيرن على فارس بس لقا يونس داخل من الشباك فقال يحيا "ابن حلال كنت لسه هتصل بيك.. الا هوا سؤال يا عم الشبح انت في بلدكم مخترعوش الباب.. البيت ده انت عايش فيه يا اهبل ما تدخل من الباب بدل جو العفاريت ده" رد يونس ببرود "جبت المعلومات عن فريق ملاك الموت" رد يحيا "طب الحمدلله.. روح اديه لحمزه عشان كان عايزه" رد فارس "اعتقد انك لازم تشوفه الأول" رد يحيا "ليه.. في ايه" رد فارس "اعتقد فيه حاجه تخصك" قالها وساب الملف على مكتبه وخرج من المكتب من الباب... قعد يحيا وفتح الملف وبدأ يقرأ عن فريق ملاك الموت... عدا على صفحات باسم أكيرا واللى معظم المعلومات عارفها ده حتى آخر رصاصه في كتفه كان من مسدسها (FN_57).. بعدها ظهر صفحات تحمل اسم روزالين وهنا قال "فعلا الجمال خادع" قرا شويه وبردك كان عارف معظم المعلومات عن انها أفضل قاتله في قارة أوروبا وبعدها قلب على الصفحه التالته وظهرت صوره لبنت... البنت التالته لفريق ملاك الموت الأخت الصغيره والفتاه الخفيه الذي لا يعلم عنها أحد... أسقط يحيا الملف وهو لا يصدق انه يراها.. ان الفتاة من أحلامه أصبحت حقيقه وللأسف حقيقه بشعه... فكل جهاز المخابرات يعلمون ان الأخت الصغرى لأكيرا هيا الأسوأ والأذكى من بينهم...