"فالفراق قدرنا واللقاء قدرنا من يوم الميلاد ليوم الممات ستظل أنيسي في تلك الحياة وفي جنة النعيم"
كان أنس بالمخازن يتفقدها ليعترض طريقه عز
ليتحدث أنس
حرام عليك والله فجعتني عايز ايه
=عاملك مفاجأة
-يبقي ربنا يستر
= يلا بس قدامي علي بيت سليم
-اشمعني
=هتعرف دلوقتي
امسك بذراعه ليدخله الي منزل سليم
ليجد عز قد جهز لهم الغداء وقد اجتمع جمال وسعد منتظرين الجميع
ليقف أنس واضعا يده حول خصره
كوارع!! انت بتهزر ياعز
=الحق عليا دي هدية جوازك دي
-مش قولتلك بلاش الهزار ده
كان سعد وجمال يضحكان عليه
ليكمل
انا معرفش انت عايز ايه مني ياعز والله
=بطل رخامة ياأنس يلا بقي
-طب فين الباقي
ليتحدث سعد
عمي يحيي وبابا عندهم بضاعة بيسلموها
-نفسي يرتاحوا ويسيبوا التعب ده كله
ليتحدث جمال
ميقدروش حياتهم الشغل وكمان راحو يزوروا الارض ويطمنوا عليها وزمانهم راجعين في السكة
-وعمر ومحمد وعلي
اكمل جمال
عمر نايم وقال شوية وهيصحي يلحقنا ومحمد بيجيب زينة من البيت وعلي في الكلية وزمانه جي
ليتحدث عز
اترزع بقي نجمة وليلي جوا وسلمي بتجيب نهال
-مابلاااش نهال
جاءت لتقاطعه
وبلاش ليه
ليتحدث عز
لا ولا حاجة اقعدي يلا
لتجلس بجانب أنس لتتحدث سلمي
انت جبت العجل كله ولا ايه ياعز ايه كل ده
ليمزح سعد
بيحتفل بالعريس ياستي
نظر له محذرا
عدي ليلتلك ياسعد
لتتسائل نهال
هو ايه ده؟
لتجيبها سلمي
دي كوارع دوقيها
-لا مش عايزة شكرا
لكن لم ينتهي فضولها
وده ايه انا عرفاه بس مش فاكرة اسمه
لتتحدث سلمي
ممبار حلو اوي هيعجبك
-ماما كانت بتعملهولي قبل مسافر
لتتحدث سلمي
احطلك كفتة
-ماشي دي تمام عرفاها
وايه ده
ليقاطعها أنس
بقولك ايه انتي مش جية تتعرفي كللي وانتي ساكتة
أنت تقرأ
أنيسي
Romanceظننت أن القدر أبكاني، لكن كل طرقي المظلمة أدت إلى نورك في النهاية. خبأتك في ظلامي حتى لا يعلموا مصدر ضعفي، لكن نورك ظهر في عيني فأصبح ذلك الحب شقائي وشقاؤك
