قصه ع النصيب
قالك مره في اثنين يبوا بعضهم وسبب معرفتهم يقروا فالكلية هم لاثنين اول ما شافوا بعضهم قعدوا كل يوم يعزقوا في نظرات لي بعضهم اشوي البنت قالت لصاحبتها:
لا اخطيني بشيل انظره
ولا قالي الي في خاطره 💔.
وهوا يحكي لصاحبه قاله حكيت معاها ولا ايش درت اشوي قاله
عزيز ما حكيت امعاه
غاليته امغلاه بالنظر 💔
المهم لا هو اللي حكى ولا هي اللي نطقت جاء يوم وهالشاب قرر انه يمشي ويحكي مع اهل البنيه ومشالها وحكوا مع بعضهم والمهم عدا صارت بينهم غيه المهم جا يوم وصار بينهم خلاف خشت بينهم فتنه وسيبوا و هما نيتهم في بعضهم اشوي جت صاحبت البنت وقالتلها
امغير وسوسوله الناس
عزيز كان مايريد غيركن 💔
ردت عليها البنيه ومازل عندها امل وحاسه انه مازل في نصيب قالتلها:
ما على الله صعيب
خلق اعزاز يبال قسمهم 💔
هوا خطم من قدامها اشوي صاحبتها قالتلها:
سرقه تسرق فيه نظرها
شور اللي كاسر خاطرها 💔.
مشن لايام وهالبنيه اصادفت مع هاالشاب اشوي قالت
جابت لولاف وجابتنا
صدفه قبل الا اقتلتنا 💔💔.
رد عليها وقاللها:
تطاير العين قعدت
جاء اصدافها اللي ما تحمله 💔
والبنت فرحت وزعلت في نفس الوقت حست انه مازل يبيها مش ناسيها سألتها صاحبتها كنك اشوي قالتلها:
خطمت رفع انظره
نيته عزيز مزال ف الغلا 💔.
وعدن لايام وهالشاب رد على البنيه وصار بينهم نصيب المهم جاء طلبها اشوي قالت:
ماجيتن الا بعزيز
سلم ارواحكن يااقسامنا 🤍.
رد عليها وقاللها:
منه جميل ما ننساه
القسم جاب ودي وغايتي 🤍🔥.
وبحتت البنت فالشمات وقالت
: تبقى طيب ياشامتنا
نا وعزيز علي كلمتنا 🤍.
المعنى من القصه انه لو ربي كاتبلك نصيب فالشخص ان شاءالله من خش بينكم وان شاءالله قد شنو تفارقتوا ربي ح يجمع بينكم 🤍🤍.
و اسلمتوا ❤
