طفولتي المشتتة

البارت الرابع

اليوم الثاني ....صحيت ريم بكل نشاط وحيوية ... بداخلها فرح عجزت تكتمه بداخلها .....تحس نفسها مثل الفراشه تطير لفوق .... خلاص خلال هذا الاسبوع رح تشوف امها .. وأخيراً بعد سنوات ىح تكحل عيونها برؤية أمها....
دخلت ميري ووضعت الفطور لها الفطور... وعلامات التعجب فوق رأسها  من الفرح الي يشع من عيون ريم.... اول مرة تشوفها فرحانه بهذا الشكل ...
تقدمت ريم تتناول الفطور ...ونفسيتها مفتوحه للأكل .....
*
*
*
*
*
قبل ما تنزل الهنوف من السيارة  نطقت برجاء: وعد ما أتأخر عليك بس ابغى نصف ساعة وأكون عندك!!
حمد تنهد بضجر : يلا انتظرك بس لا تتاخرين عشان نلحق على الطيارة!
هزت الهنوف رأسها بالموافقة ونزلت من السيارة وهي تحمل كيس في يدها...
دخلت على بيت نايف بعد ما دخلتها الشغالة ....ناظرت ساميا جالسة في الصاله تلاعب بسيف ردت الهنوف السلام بهدوء ...
وقفت ساميا بابتسامة بترحيب : هلا والله تو ما نورت
الهنوف بابتسامة : الله يحييك
وجلست على الكنبه ...وبعد السؤال عن الحال والاحوال تكلمت الهنوف بتردد : وين ريم ؟
ساميا ببرود : فوق بغرفتها
وقفت الهنوف : بعد إذنك ابغى اطلع اسلم عليها قبل السفر
ساميا بلامبالاة : إذا تبغين اناديها لك هنا... ما له داعي تطلعين فوق
اشرت الهنوف بيدها : لا لا انا أطلع عندها!!
نادت ساميا على ميري ...حتى تدل الهنوف على غرفة ريم ورجعت مكانها تلعب سيف....
*
*
*
*
"الهنوف"
توجهت خلف ميري حتى وصلنا لغرفة ريم .... اشرت ميري على باب الغرفه وانصرفت بهدوء!!
تنهدت وطرقت الباب ما سمعت لها صوت..... فتحت الباب بشويش ... ما أنكر الضيق الي اعتراني لما شفت غرفتها ....كانت جالسه عند الشباك وسارحه بخيالها حتى ما انتبهت على دخولي....ما ادري وش يحس نايف لما يفرق بينها وبين عياله ....
كتمت ضيقي وناديتها بهدوء : ريييم
التفت ونطقت : مير
سكتت وكأنها تفاجأت بوجودي وما هي متوقعه!!
ابتسمت لها بحنان : تعالي ريم
تقدمت بهدوء سلمت عليها وجلسنا على السرير ...مسحت على شعرها بحنان وانا الغصه تخنقني: كيفك ريم
ردت بابتسامة جميله : بخير
تناولت الهديه الي جلبتها لها ....كانت تناظر باستفهام .... جاوبتها قبل ما تسأل : ذي هديه مني لك ...إذا رفضتيها ازعل منك!
تناولتها  ريم بلطف ووضعتها بجانبها
مسكت يدها بحنان : انا زعلانة منك يا ريوم
نطقت ريم ببراءة : ليش زعلت مني انا ما رفضت هديتك؟!
تكلمت معها بلين... ابغى انبه ريم  على بعض الامور لأني متأكدة ما في احد يعلمها الصح من الغلط..وبعتب نطقت : زعلانه منك ليش تركبين البارحه مع الشاب ما تعرفين انهم يسرقون الاطفال ؟!
ريم هزت رأسها بهدوء: اعرف الابله خبرتنا
نطقت باستنكار : تعرفين ؟؟!! ليه تركبين دامك تعرفين ؟
ريم بحزن عميق رفعت رأسها وناظرتني بانكسار...نظرتها فطرت قلبي : علشان يقتلني وارتاح من حياتي !!
ختمت كلامها وعيونها تلمع بالدموع!!
حضنتها بحنيه  وأنا اردد: يا حبيبتي ما يصير كذا.... الحين تظنين كل الناس سعيده.... بالعكس في ناس كثير محرومه وتعيش الحرمان ... في اطفال ما يلاقون لقمة خبز يأكلونها... في ناس يطقون من الحر ما عندهم مكيفات... وفي ناس بالمستشفى مريضين ما يقدرون يلعبون من الوجع والألم ...انت ما شاء الله عايشة في بيت وسيع وتأكلين احسن الاكل وجسمك سليم لازم تقولين الحمد لله!!
تعرفين انه في اطفال كثير فقدوا القدرة على المشي... تخيلي طفل ما يمشي ما يقدر يروح ويلعب حتى المدرسة صعب يروح لها !!!
وبعدين ليش تقتلين نفسك ...ما تعرفين انه هذا الانتحار حرام ....تعرفين انه عقابهم عند ربنا النار ؟!!
تبغين تدخلين النار ؟
هزت ريم رأسها بالرفض
مسحت الهنوف على رأسها : شطورة ما ابغى ذي السالفة تتكرر.. توعديني؟!
هزت ريم راسها ببراءة : وعد
نطقت بتشجيع : ايوه كوني كذا قويه
ريم ابتسمت: يعني الحين راضيه مو زعلانه ؟
الهنوف وهي ناويه تعطيها دروس بالادب بشكل غير مباشر : زعلانه منك
ريم باعتراض : ليش زعلانه خلص وعدتك ما اكررها
الهنوف بهدوء : انا زعلانه منك لانك تغلطين على الاكبر منك... ليش كذا يا ريم تشتمين الكبار وما تحترمينهم
نزلت راسها ريم ما عندها إجابة
رفعت الهنوف رأس ريم باهتمام : لا تنزلين رأسك خلي رأسك دوم مرفوع ....
وكملت كلامها بحنان: تدرين الرسول  عليه السلام...نهى عن الشتم والسب واللعن ما يجوز تشتمين احد ...وبعدين الي يشتم الناس يوم القيامه كل الي شتمتيهم يأخذون حسناتك وتبقين بدون حسنات وبعدها حتروحين النار لانه ما معك حسنات يعني تبغين يوم القيامه تدخلين النار ؟
هزت ريم راسها بالرفض : بس الناس يغلطون علي
قاطعتها الهنوف: اتركيهم يغلطون ويوم القيامة تأخذين من حسناتهم.... لا تنسي الرسول  عليه السلام قدوتنا ...ما كان يشتم احد...والبنت المؤدبة للي ما تشتم أحد وتحترم الناس عشان يحبونها ويقولون عنها ذي بنت مؤدبه... اما اذا كانت تشتم الناس يعيبونها صح ؟
هزت راسها بالموافقة ..وسألت ببراءة:طيب ليش ابو سيف دوم يشتم ويلعن يعني الكبير عادي يشتم ؟!
تنهدت الهنوف وبداخلها ذي المشكله لما الطفل يشوف للي حوله كلهم يشتمون ويلعنون
البيئة تؤثر بأخلاق الاطفال.... وهي من اهم اسباب سوء اخلاق الاطفال.... لما يشوفون الام والاب يشتم ويلعن اكيد رح يقلدهم ..رجعت ناظرت ريم وكملت : لا يا ريم الكبير ما يصير يلعن ويشتم وبعدين انت قدوتك الرسول عليه السلام والا ابو سيف ؟
ريم بدون تردد: الرسول قدوتي عليه السلام
الهنوف وهي تنظر لساعتها تأخرت على حمد: ممتازة الرسول عليه الصلاة والسلام قدوتك والحين ابغى منك وعد ما تغلطين على الاكبر منك
كانت ريم تبغى تتكلم بس قاطعها لما فتح نايف الباب وهو ينطق بسخريه : اشك بعقلك يا الهنوف متأخرة على زوجك عشان تقعدين مع ذي؟!
وختم كلامه بعد ما أشر بسخرية على ريم!!
عقد حواجبه  وهو ينطق:وتنتظرين منها وعد ما تغلط !!
ضحك بسخريه وهو يتابع كلامه:ذي _واشر على ريم_ عمرها ما رح تتعدل ..وخاصة لسانها لأنه اللسان الطويل وش يقصره غير القص؟!
أما سوالفك وذي النصائح صدقيني نكته !!
وبأمر نطق : يالله قومي زوجك معصب عليك لأنه تأخر ..وبسخريه ختم كلامه :يالمربيه يلا  قومي
وقفت الهنوف بعصبية من كلامه ..وبقهر نطقت: حرام تكون اب ما حد رح يضيع البنت غيرك!
نايف بلامبالاة: لا تحرمين على كيفك...عجلي  لانه زوجك معصب!
سحبها خارج الغرفة....نفضت يدها الهنوف وناظرته باستحقار ونزلت بدون اي كلمه .... لأنه الكلام معه بدون فائدة!!
استند  نايف على الجدار للحظات ...وبعدها توجه لجناحه ليرتاح وهو عازم على انه يخلي ريم تكرهه لوحده .....