Unicode
"စိုင်းနဲ့လက်ထပ်မယ် ဖေဖေ"
"တင်မမ! နင်ရူးနေလား!!"
"ဘာဖြစ်လို့လဲ ဖေဖေရဲ့ ။ ဖေဖေ တို့ဘဲစိုင်းနဲ့ စေ့စပ်ထားကြတာလေ"
ဦးတင်မောင် ပြောစရာစကားများ ပျောက်ရှကုန်၏ ။ မမှတ်မိတာ သိပေမယ့် ယခုလိုကြီး မေ့သွားလိမ့်မည်ဟု မထင်ထားခဲ့ပေ ။
တင်မမမောင် စကားကြောင့် အနီးတွင် ရပ်နေသည့် ဆု ကတော့အတော်လေး အံ့ဩရသည် ။ လက်ထပ်ပြီးသား အမျိုးသမီး ကနောက်တစ်ကြိမ် လက်ထပ်မည်တဲ့လား ။
"အ .. အဒေါ်ကြီး"
ဆု ၏ခေါ်သံကြောင့် တင်မမမောင် မျက်မှောင်ကြုံ့ရင်း လှည့်ကြည့်လာသည် ။
"တို့ကို အဒေါ်ကြီးလို့ ခေါ်တာ ဒီအိမ်မှာ ကလေးမတစ်ယောက်တည်း ရှိမယ်ထင်တယ် ။ ဘာလို့ အဒေါ်ကြီးလို့ခေါ်တာလဲ"
"ဆု .. ဆုခေါ်နေကျမို့လို့ပါ"
ခေါင်းငိုက်စိုက်ကာ ကျသွားသည့် ဆု ကြောင့် ဂရုဏာသက်မိသည် ။ သို့သော် တင်မမမောင် ထိုကလေးမ ကိုမမှတ်မိပေ ။
"ငါ သဘောမတူဘူး တင်မမမောင်"
"စိုင်းနဲ့လက်ထပ်ဖို့ကို ဘာဖြစ်လို့ ကန့်ကွက်နေတာလဲ ဖေဖေ ။ ဖေဖေတို့ စီစဉ်ခဲ့ကြတာလေ"
"အခုမတူတော့ဘူး တင်မမမောင်ရဲ့ ။ ဟိုကလေးမလေးကို တွေ့လား"
ဦးတင်မောင်သည် ဆု ကိုလက်ညှိုးထိုးရင်း ထိုကဲ့သို့ဆိုလေသည် ။
"သူက ဒီအိမ်က အလုပ်သမားမဟုတ်ဘူးလား ။ သူကိုယ်တိုင် ပြောခဲ့တာဘဲလေ"
"မဟုတ်ဘူး! သူက အလုပ်သမား မဟုတ်ဘူး!"
ဦးတင်မောင် မျက်လုံးကို စုံမှိတ်ချမိလိုက်သည် ။ အိမ်ရှိအလုပ်သမားများ အကုန် အနားတွင်ရှိကြ၏ ။ စိုင်းလွှမ်းကတော့ သူ့ရဲ့ အကြံအစည် ပျက်သွားမှာစိုးရိမ်မိသည် ။
"မမ .. ခဏလောက်အနားယူလိုက်ပါဦး ။ အခုမှ ဆေးရုံဆင်းလာတာဆိုတော့ မမ လည်းပင်ပန်းနေမှာ ။ စိုင်းတို့ မင်္ဂလာကိစ္စကို နောက်မှစီစဉ်ကျတာပေါ့နော်"
![](https://img.wattpad.com/cover/352814337-288-k612845.jpg)
ČTEŠ
Mommy Wife (Completed)
Romanceယူ့သမီးလေးကို တို့ သဘောကျလို့ အပိုင်ပေးပါလား (ဒေါ်တင်မမမောင်) အမလေး အရပ်ကတို့ရေ ! မေမေကသူ့သမီးလေးကို သူငယ်ချင်းနဲ့အတင်းပေးစားနေတယ် ကြားလို့မှကောင်းကြသေးရဲ့လား! (သစ္စာဆုပန်သန့်)