صباحك بيضحك يا قلب فريده
وحشتوني قد البحر و سمكاته
كل مره بنزل روايه بتفاجيء بردود افعالكم بجد
و في كل مره بقول شكرا لكل الي وثق فيا و حجز من اول ما أعلنت لحد ما نزلت
من غير ما يعرف حتي بتتكلم عن ايه
دي حاجه كبيره جدا عندي
و اتمني ديما اكون عند حسن ظنكم
بالنسبه للكونتيسه الي بتقولي انتي بترمي القنبله و تمشي...هي عارفه نفسها
طبيعي اعمل كده امال انفجر معاكم🤣🤣🤣
انا تقريبا بقالي اسبوعين اكتر وقت نمت فيه تلت ساعات
بعد ما خلصت نمت...و الحمد لله صحيت فايقه...فنمت تاني...بص خلاص بقي صحيت نشيطه كده و رجعت نمت تاني🤣🤣🤣
و بعد كميه النوم الي حصلت دي احب اقولكم
موعدنا ١/٦ مع الجزء التاني من روايه موسي عالمدونه و الفيس و الوتباد
اذا كان الجزء الأول عجبكم ...فحقيقي حابه اقولكم ان الجزء التاني حاجه تانيه خالص
طويل و مليان أحداث...انا نفسي انبهرت بيها
و طبعا عارفين لما بقول الكلمه دي ايه الي بيحصل بعدها
شكرا بجد من قلبي لكل الي تابع موسي و الدكتور و الف شكر علي كل كلمه حلوه كتبتوها
ده الكلام المؤدب
انتو ليه مصرين اقل أدبي بجد
مش بتدخلو ليه المدونه يالي تنشكي انتي و هي
في قناه تليجرام ادخلو منها
و ادخلي من جوجل
صوباعك مش هيتشل لما تكتبي فالبحث
هتجلط منكم بجد
بصو انا فوقتلكم بقي و هتشوفو مني ايام عنب
اصبرو عليا
فريده الحلواني
