အပိုင်း ( ၁ )
A မြို့တော် နိုင်ငံတကာလေဆိပ်။
ယွီဝမ်သည် သူမ၏ပုခုံးထက်တွင် အိတ်လေးတစ်လုံးလွယ်ကာ လေယာဉ်ခန်းမှ ထွက်လာခဲ့သည်။ အပူချိန် ဒီဂရီ အနည်းငယ် ကျဆင်းသွားသည်ဟု ခံစားလိုက်ရသဖြင့် သူမ၏အင်္ကျီကို ခန္ဓာကိုယ်အနှံ့ စုစည်းကာ အိတ်ထဲမှ ဖုန်းကို ထုတ်လိုက်သည်။ သူမ ဖုန်းဖွင့်လိုက်ပြီး သူမ၏အချစ်ဆုံးသူငယ်ချင်း ကျိုးရှောင်းနင်ကို ဖုန်းခေါ်ဆိုလိုက်သည်။
"နင်နင် ငါပြန်လာပြီ!"
တစ်စက္ကန့်လောက် လွတ်ထွက်သွားပြီးနောက် ကျိုးရှောင်းနင်က သူမထက် ပိုစိတ်လှုပ်ရှားလာကာ
"နင် A မြို့မှာ ရောက်နေတာလား?"
"ဟုတ်တယ် အခုလေးတင် လေယာဉ်ပေါ်ကနေဆင်းလာတာ"
"နင် ငါ့ကို ဘာလို့ ကြိုပြီးအကြောင်းမကြားတာလဲ ငါ နင့်ကို လေဆိပ်မှာ လာကြိုလို့ရတာပေါ့"
"ရပါတယ် ငါ လေယာဉ်မစီးခင်မှာ ဇာတိမြို့ကို ပစ္စည်းအားလုံးပို့ပေးပြီးပြီ ငါ့မှာ အိတ်တစ်လုံးပဲပါတယ်"
"အိုး ကောင်းပါတယ်"
ကျိုးရှောင်းနင်က တုံ့ပြန်ပြီး သိချင်စိတ်ဖြင့် မေးလိုက်၏။
"နင့်ရဲ့ WC သင်ရိုးညွှန်းတမ်းက ဘယ်လိုလဲ ဒါမှမဟုတ်..."
ယွီဝမ်ရဲ့နှုတ်ခမ်းထောင့်တွေ မြင့်တက်သွားပြီး အမှန်ပြင်ပေးလာသည်။
"CWP ပါ လက်မှတ်ရမင်္ဂလာပွဲစီစဉ်သူပဲ!"
"အာ အာ နီးစပ်ပါတယ် နင်အောင်သွားပြီလား?"
"ဒါပေါ့ ငါ လက်မှတ်ရထားပြီးသွားပြီ"
"ဂုဏ်ယူပါတယ်! ငါ ဒီနေ့ အချိန်ပိုအလုပ်ဆင်းရမှာမလို့ နင့်ကို ညစာစားပြီး ဂုဏ်ပြုဖို့ နောက်တစ်ကြိမ်မှ စီစဉ်လိုက်မယ်!"
ယွီဝမ်က ရယ်မောရင်း
"ငါကသာ နင့်ကိုကျွေးသင့်တာပါ နောက်ပြီး ငါ့အိမ်ကို ပြုပြင်မွမ်းမံဖို့ ကူညီရတာ နင့်အတွက် ဒုက္ခရောက်တယ်လေ"
"လုံးဝဒုက္ခမရောက်ပါဘူး ပရောဂျက်မန်နေဂျာက တော်တော်ချောတယ်"
YOU ARE READING
Kiss of Venus ( ဘာသာပြန် )
RomanceTitle - Kiss of Venus Author - Ban Li Zi Chapter - 75 + 2 extras Started Date - 20.5.2024 Ended Date -
