نبدي بسم الله
الكاتبه قمر ❤️
********
تماره
رغم الصدمه الي مرت عليه بس الفرحه ما وسعتني واني اسمعها تخطبني لشيخي ولحب حياتي مثل كل خطوبه طلبو موافقه ابويه شويه وشفت بابا من بعيد مبتسم اشرلي اجي اترخصت ورحت حضني وباس راسي
سالم : بويه اسد جاي وخطبج مني ومن عمج موافقه حبيت اسمعها منج حتلو انتي زوجته بس الي صار بلماضي نعوفه ويه لماضي وليوم نعتبره اول يوم خطوبه الج موافقه بنيتي تكملين حياتج ويه الشخص المناسب
ابتسمت بخجل وكتله
تماره : بكيفك بابا
سالم مبتسم : يعني اعرف هاي موافقه مبطنه
هههههه
تماره بخجل : بااباا
سالم : روح ابوج بنيتي
باس راسي وكلي طبي يم الوادم عيب تتأخرين طبيت وشويه وعلت اصوات ارتبكت سمعت صوت حسن يعيط
حسن : اقررووو الفاتحه اخذنه بتنه
سمعت صوت ضحك وخالتي ضحكت ولزمتني بوس عبالك اول مرا تشوفني ولا كأنما مرة ابنها
انتبهت مريم ضايجه شبيها رحت عليها سحبتها للمطبخ
تماره : شبيج يروحي
مريم : ما بيه شي بس ما اريد افاركج
تماره : يروحي انتي منو كلج افاركمم ليش اني اكدر اعوفكم بعد راح احاول ويه بابا نروح للبصره كلنا
مريم : خايفه ترجعين وينع..
حطيت ايدي ع حلكها مانعتها تكمل
تماره : اول شي طاري الخوف ما اريده يمر عليج ثاني شي الي صار بلماضي ف هو ماضي تنسي وتنسين كلشي صار بذاك البيت اليوم انتي مريم القويه مو الضعيفه الي يكربلج اكسري ضهرا فهمتتي داحجي جان يجي صوت من ورا
….. : هاي انتي تعلميها واني اكول شمالها البت عنيفه طلعت ع اختها 😂افتريت وفتحت عيوني
تماره : محمدد ؟؟؟؟
فتحلي ايده وابتسم
محمد : روح محمد
ركضت حضنته مشتاقتله صار اكثر من سنه ونص مشايفته صح احاجيهم بس ما ملتقيه وياهم حضني بضلوعه
بتعدت واني مبتسمه
تماره : وين ماما جوهره وبابا وسام شو ما شفتها جوا
محمد بأبتسامه : بس اني اجيت دز علينه اسد نجي ما كدرو يجون بس اني ما ردت افوت خطوبه بنيتي
تماره بدموع : اشتاقيتلكم كلش هوااي
مسح دموعي وباس راسي
محمد : بلا دموع لا يجي يشيخ يكاومنه بجينه كمريته
ضحكت حاضنته محمد مو بس اخويه محمد الي وعيت ع دنيا واني بحضنه صح امي جوهره وبابا وسام ما قصرو وياي بس وعيت ع دنيا واني اصيح لمحمد بابا اموت علي جنت المدلله مالتهم صح مو اهلي الحقيقين وهلشي سوه فجوه بروحي بس ما اكدر انكر كل لحضه عشتها وياهم وهمه معتبريني بتهم من دمهم
ابتعدت عنه مبتسمه وامسح بدموعي
اسد : يصير اخذ خطيبتي لو مستمرين بلحضن
باوعت من ورا محمد اسد واكف بطوله لحلو جان لابس دشداشه سودا ولجروايه والعبايه فوك جتافه ابتسمت بخجل
ضحك
اسد : ما تجين تستقبلين خطيبج
ردت اروح كضني محمد وكال
محمد : لا شيخ اذا ما تعقدون ماكو استقبال وين كاعدين احنه
رفع حاجبه ما حب لفكره
اسد : ترا مرتي لا تصدك روحك
محمد بأستفزاز : لا هسه خطيبك بعدهي ما صارت مرتك صح
اشرلي اكول ايد ضحكت
تماره : احم اي اي
اسد برفعه حاجب : اي يصير خير اصلا صوجي انه
ضحك محمد بصوت من ردت وشاركته لضحكه اتذكرت مريم وضربته ع زنده الفت مستغرب
تماره : ليش حجيت ع اختي شسويت الها
محمد : قصدج هيه شسوتلي شوفي
رفع ايده زنده ثاني مطبوع عليها عضه قويه باوعت المريم فاتحه حلكي دنكت راسها ضايجه منه
تماره : شسويتلها احجي
محمد : يا مصيبتي ما سويت شي عثرت اني وياها هيه عبالها متقصد اجتي وطاحتلي عض مربين جلبه
ضربته ع زنده وكرصته
تماره : لا تحجي اختي محمد ترا اموتك
محمد بتقليد : لا تحجي ع اختي محمددد
خزرته بأنزعاج ضحك هوا واسد من ردت فعلي
محمد : تخوف هاي شلون عايش وياها بويه لخزره تخليك ترجف هههههه
اسد : ترا اجيك عوف كمريتي لا ضوجها
تماره : اي عفيه يلا اعتذر من اختي
محمد : شلون انطيهن جلاق هسه اطيرها هيه واختها
مريم : المن تضرب جلاق ترراا
رفعت ايدها شايله كلاص سوا نفسه خايف ختل وراي
محمد : اعصابج بويه منو اختج ترا انه رجال فقير ما عندي اذيه كافي خيري شري 😂
ضربته بعكس ايدي ع بطنه ذبت لكلاص خازرته وطلعت
تماره : لا تسوي وياها ترا ازعل عليك
محمد مبتسم : مامسوي شي بويه اشاقيها
يحجي وعيونه تمشي وراها
رفعت حاجبي انتبه لنضراتي تحمحم وطلع
حطيت ايدي ع خصري ورافعه حاجبي الاسد
تماره : منو صاحب الجذبه انت لو حسن
ابتسم وباوع الوكفتي وغمزلي
اسد : من نزوج اكلج
طلع قبل لا احجي ضربت رجلي بلكاع بأنزعاج
تماره : اني اعلمك اوكفلي
رجعت كعدت يم مروه خازرتها باوعتلي بأستغراب
مروه : شمالج ولج تخوزرين
تماره : تضحكين عليه هيج وتوكعين كلبي جلبه
مروه : هههههه غير الشيخ راد يسويلج مفاجأه انه شمالني
تماره : بسيطه اني اعلمج انتي وشيخ
سمعت خالتي تصيحني
ام اسد : يمه كمريه
تماره : عيوني خاله
ام اسد : سالمه عيونج يبعد عيوني يمه شوكت تطلعين تحضرين جهازج
صفنت شنو جهاز شبيها خالتي
تماره : شبي جهازي خاله
ام اسد : يمه جا بيش تعرسين غير جهاز
تماره : خاله عندي جهاز شحضر منه
ام اسد : ياا شني عندج وينه
رفعت موبايلي الها صفنت بوجهي
ام اسد : ما اكول غير الله يساعدك يا يمه ع هلبليه الي اجتك وج يمه جهازج يعني نيشان عرسج
تماره : هااا غير انتي كلتي جهازج خاله اني شعليه
ام اسد : يا يا انوب دارتها عليه ولج بلكه
تماره : اي اني شعليه خاله ليش تغلطين عليه
ام اسد : ياا صخام الصخم عدوي يمته غلطت عليه ولج بليكه
تماره : هستوج عدتيها تغلطين عليه شنو بلكه
حسيت بمروا تضحك كوا كاتمه ضحكتها
ام اسد : الصمي راح اجيج بلخيزرنا لا تشلين كلبي شوكت ترحين
تماره : ما ادري اشوف ماما
ام اسد : خوش يمه عوفيها انه وامج نتصافه
ورا ساعتين رجعو للبصره بعد ما حددو العرس راح يكون نص الشهر
ما ردت هلكد قريب شلحك من طلعن الشغلات الي لازم اجيبهن كتلهن ما اريد ازوج
ملاك : ولج ماما شمالج شنو ما تردين زواج
تماره : ماما شنو كل السوالف عليه اني اطلع اشتريهن وهوا كاعد ع الحاضر ينتضر
ملاك : هههههههه جا تردين هوا يجيبلج هسوالف ولج يمه عيب
تماره : ما معليه شنو ترديني اطلع اجيب كلشي وحدي ما اريد ازوج بطلت
لزمت موبايلي اتصلت ع اسد وفتحت مكبر صوت
اسد : كمريتي
تماره بأنزعاج : اسددد
اسد : عيونه كمريتي
تماره : ما اريد ازوج بطلت
اسد : منو وياج بنيتي شصار
تماره : امي تكول لازم اجيب هواي شغلات يعني اموت تعب وانت كاعد ع لحاضر تنتضر بدون تعب
سمعت ضحكته بصوت عالي
اسد : ترديني اطب وياج لسوك وانه اشتريلج
تماره : اي وشنو يعني
اسد : صار وبعد
تماره : صدك
اسد : وداعت عيونج
ابتسمت بخجل واباوع ع لبنات يضحكن بكتم
تماره بأبتسامه : شوكت تجي
اسد بحب : ترديني اجي
تماره : ها لا يعني داسئل
اسد بضحكه : يعني ما ترديني
تماره : اوف اسد لا سوي هيج
اسد : هههههه يروح اسد انتي شمسوي بنيتي
سكتت ما رديت
اسد بأبتسامه : جايج تحضري
ابتسمت وسديته ضحكن البنات ومروا صفرت صفنت عليها
تماره : هاي شسويتي
مروا : صفرت
تماره : علميني شلون
ملاك : ولج ادبسزز شعدنه مطيرجيه شنو هلسالفه جديده
تماره : ماما عوفيها تعلمني حبابه
ملاك : ولج يمه عيب لبنيه تصوفر وين كاعدين
تماره : عود ما اصوفر لأحد بس لأسد
ملاك : عزا وصخام انشهرنه
تماره : مامااا حبابه
سكتت افتريت ع مروا
تماره : يلا علميني
مروا بضحكه : ههههه تمام سوي هيج وصوفرت
تماره : هيج اووف
وكعت ع وجها تضحك عليه من صارت عبالك نفخت ضجت وعطت بيها
تماره : ادبسزز اضحكين عليه اصلا انتي ما تعرفين اصوفرين
مروا : هههههه اي اي صح ما اعرف انه 😂
YOU ARE READING
لـبوةْ الآسٌـد"✨
Romanceاحبك مو محبه ناس للناس ❤ ولا عشگي مثل باقي اليعشگون✋ احبك من ضمير وگلب واحساس👈💞 واليوم الما اشوفك تعمه العيون👀 وحق من كفل زينب ذاك عباس ✌ اخذ روحي واگولك انا ممنون😌
