حيف الديجور³

"الحَيف الثامن" ❄

بـقلمي:- اماني الـ احمد.

༺حَيف الديجور ༻

لا حضيت بگلب ينسـه ولا حضيت بناس تسأل من اغيب .

لـ عريان السيد خلف

..................
«لينّ»

_دخلت رُسل تلهث وتبچي...

رُسل:- لحگيني لحگيني لينا راح
يموتني......

لينّ:- شبيچ شبيچ شڪو؟؟
مُنتظر:- خل تطلع هـ السـ*** اربيها من جد وجديد.
رحت عليها سحبتها لـ داخل الغُرفة قفلتها
وحضنت رُسل تبچي وتشهك تهمس
بـ ذُعر
:- راح يموتني... راح يموتني.
لينّ:- أني وياچ مايصيرلچ شي والعباس.
طبطت على ظهرها سمعت عمو حسين...

:- بنتي واني انجاز وياها لينا طلعيها قبل ما تجي وَتين يلااا بابه رُسل طلعي.
هزت راسها بخوف ماسڪة
إيديه بـ ڪفوفها
رُسل:- چذب لا لا لا عفيهه لينا لا اطلعيني يموتوني والله.
لينّ:- ليش شصااار دحچي.
رُسل:- شااافوني اني وعمر
، بس والله رحت اوديله
الڪيك بس والله والله والله.

:-ماشيي هسا تجي وَتين
ونشوف شيصير.

گعدتها على التخم وقفت أتصل على وَتين.....

لينّ:: الو هاا وَتين وينچ؟
وَتين:: شڪو، شتردين؟
لينّ:: فدوه تعالي هذا مُنتظر وعمو حسين برا عرفوا بـ رُسل تحب عمر وهسا هيّ يمي دا ترجف وتبچي.
وَتين:: جاية.

غلقت الأتصال شفت مَريم نايمة لحد هسا
گعدت على التخم يم رُسل والباب مُستمر يدق على إيد مُنتظر.

نص ساعة مرت وسمعت صوت عمو حسين يترجى افتحله وإخلاص هم چتى مرة تتهدد ومرة تحچي بـ لُطف
حضنت رُسل وگعدت مَريم على صوتها
ما أهتمت لـ ڪُلشي حواليها رجعت شغلت قصيدة "لاترد ماضل أثر"
ولبست السماعة وغطت نفسها.

همست رُسل بصوت
مخنوگ وروح رايحة
رُسل:- "أنه تايهة بـ ديرة بيها هليّ. "

لينّ:- أفضل من ما يڪون عندچ اهل...
"ڪسرة اليتيم ما تنلُچم بـ ضَماد أحد"

بچينا أثنينا أني محتاجة أهل وهيّ تريد تخلص من اهلها لـ هاي الدرجة ظروف الناس تختلف
ماڪو شي نتحسر ونحسد حياة غيرنه اڪيد اله جرح عميق ضامة ورا أبتسامة شاڪه حلكه
أكيد ورا ڪُل ضحڪة قصة حزينة عميقة مؤلمة،

لينّ:- هه تصدگين رُسل أمي ما ادري شلون چانت ما علمتنه شي أني أمي چانت وَتين
وَتين چانت ڪُلشي بـ حياتنا
توفت أمي لمن ڪان عمري بـ ١٧
يعني الي عنده أخت چبيرة ما يحس
بـ وجود الأم.
مسحت دموعي النزلن وڪملت...
:- حبيت أني لأن مُراهِقة
حبيت منو تُعرفين هه حبيت ڪرار
اخو حَيدر رجل وَتين،
حبيته ومره شفته يخابر وحدة
شهڪت دموعي نشفن من عيوني
ورديت اڪمل...
:-أني من ڪُل عقلي چنت احسه يريدني
چنت احس بـ الأمان يمه چنت أريد احس
بـ الحُب لأن بس اسمع بي
بس احم نڪسر گلبي هذاا نڪسررر ريتنيي متت ولاا أحبب احدد صعبة واحد يحب من طرف واحد
"مثل الجگارة الشعلوها على النص وذبوها "
المُشڪلة أثنينهن حسيت بيهن اني
هيچ اني گلبي اعوچ يحب ناس تافهه؟؟
خـ ** بيّ.