جلسو سديم وميهاف بالصاله ونزلت هدى جلست معهم
وكانت صاده عنهم وهاديه
ميهاف : وش مهجدها ذي
سديم بكرهه: هذي ماتهجد الا وراها بلا
ميهاف : الله يستر بس
دخلت مناهل وبيدها القهوه وبدت تقهويهم وعينها على سديم وملاحضه انها مو على بعضها
عند وليد ~
جالس بغرفته وملابسه قدامه باقي مابدل دخل عليه فيصل ووقف بصدمه وهو يشوفه جالس بملابسه الغرقانه مويه
فيصل : وليد شفيك
وليد ناظره : فيصل طحت في الي طحت فيه يافيصل
تقدم فيصل وهو يجلس قدامه : مافهمت وش تقول
وليد : حضنتها يافيصل
عقد فيصل حواجبه : منهي
وليد : اخت زوجتك
فيصل : كيف حضنتها ليش فهمنيي ياوليد تكلم زين
وليد : سمعت رزان تبكي بالمسبح ودخلت شفت ملاذ طايحه فيه وطبيت وانقذتها حضنتها والله ماني متعمد بس علشان اطلعها من المسبح
فيصل : وش صار بعدين
وليد : ماصار شي طلعتها ورحت
فيصل : طيب شفيك ماتبدل
وليد : فيصل مدري شفيني ضيعت
ضحك فيصل : قوم بدل يلا مشينا ابوي ينتظرنا والرجال ينتظرون
تنهد وليد ووقف وهو يبدل وطلع فيصل ينتظره
عند الحريم ~
كان الكل مجتمع وكان فيه ضيوف كثير حاضرين
في نص السواليف التفتت سديم لميهاف : ميهاف ساعديني
فزت ميهاف لها : وش فيك
سديم : بطني مقدرر
ميهاف : بسم الله عليك وش فيك
سديم بألم : نادي محمد
لاحضتها مناهل ووقفت وهي تركض لها
سديم صرخت وهي تمسك بطنها وركضت ميهاف لجوالها وهي تدق على محمد
مناهل بخوف: بسم الله عليك وش فيك وش تحسين
سديم وهي تبكي : يمه بطنييي
مسكتها مناهل وميهاف ومشوها لعند الباب وقابلهم محمد اخذها وهو يلبسها عبايتها وشالها وهو يطلع للمستشفى
مناهل : والله اني كنت داريه فيها شي ماهي طبيعيه اليوم
ميهاف : معليك يعمه مافيها الا العافيه ارتاحي
جميله : استودعتهم الله
مر الوقت وطلعت سديم ومحمد من المستشفى بعد ما وصتهم الدكتوره ان سديم ماتتعب نفسها ولاتدخل المسبح ابداً ولا تمشي كثير والجنين بخطر لازم تنتبه عليه اكثر
محمد : كبر طفلنا قرب يدخل الشهر الثالث حبيب ابوه
ابتسمت سديم : اهخخ تعبني
محمد : اصبري ان شاءالله تمر سهالات ونشوفه بصحه وعافيه
سديم : محمد نعلم لهم خلاص
محمد : بكيفك
سديم : انا اقول نعلم لهم خلاص امي اليوم ملاحضه فيني مره اني تعبانه
محمد : خلاص علميهم
سديم بحماس : يلا تم
دخلو بوابة القصر وهم يشوفون سطام واقف ينتظرهم
وقف محمد وتقدم سطام وهو يفتح باب سديم
سطام : سديم شصار لك
سديم : مو صاير شي معليك
سطام : البيبي بخير وانتي بخير
سديم بحزن : البيبي في خطر
سطام : انتبهي لنفسك ومابيصير الى الي ربي كاتبه وحضنها
محمد : يلا سطام خلنا ننزلها داخل
بعد سطام وكمل محمد طريقه وقبل تنزل لف عليها : باقي حركة دخولك المسبح نتفاهم فيها بعدين الحين انتبهي لك والافضل نعلمهم علشان الكل ينتبه لك ولعاد تمشين كثير خلاص اجلسي واي شي تبين نادي البنات مابيقصرون معك
سديم : اوكي
نزلت سديم ودخلت وهي تشوف ميهاف جالسه عند الباب فزت ميهاف وهي تركض لها وحضنتها : طمنيني
سديم : بخير بخير
ميهاف : والبيبي
سديم : كلنا بخير
دخلت سديم وجت مناهل تحضنها
سديم ابتسمت : عندي لكم خبر حلو
الكل : وشو
سديم : بتزداد عايلتنا قطعة سكر
شهقت مناهل : حاملل
سديم : اي بتصيرين جده
بكت مناهل وهي ترجع تحضن سديم بفرحه ووقف الكل يبارك لها ويحضنها الا هدى كانت جالسه وتسمعهم ومطنشه الوضع ولا همها
جلس الكل ومبسوطين
ميهاف : جدي قد درى
سديم : لا ولا ابوي
ميهاف : يالله قد ايش بيفرحوون
ابتسمت سديم
حصه : ياروحيي سدوم والله احلى من بيصير ام
لمياء : جداً محظوظ النونو في مامته
ميار : واو بصير عمه
ملاذ : يروحييي احس بسرعه خلاص ابيه يجي
ضحكت سديم : لاتستعجلين
مناهل : كيف الوحام معك
سديم : خفيف معليك
جميله : من اليوم انتي بس اجلسي واي شي تبينه وصينا ووصي البنات
سديم : ماتقصرون
