احـــفـاد الـ حُطـــام

part-41

بقــلمي || زهراء

#أحفاد_ الحُــــطام

" البــاࢪت الواحد والأربعون "

" بــسم ألله الرحــمن الرحـــيم "

( يِــــا عَـلــــيٌ )

~.~.~.~.~.~.~.~.~.~.~.~.~.~.~.~.~
لطفاً لاتنسون التصويت والتفاعل بين
الفقرات
~.~.~.~.~.~.~.~.~.

صرخت بعلو صوتي وجريت الغطه اتغطه بي
صرت ادور على تلفوني اريد اتصل على احد وارجف
كلبي يريد يطلع من مكانه من الخوف
دورت تلفوني ذكرت نسيته جوه على الكاونتر
بجيت بخوف ولفيت روحي باللحاف

ترف - يمهه ماريد امووت مااريد امووت
ولك سراج شكوول عليك من عفتنيي وحدييي .
كمت اغلط عليه بكلبي وافشر من حركت كلبي
وابجي
رفعت راسي من نفتحت الباب
صرخت وركضت عليه حضنته
سراج - شكوو شبيججج ولججج .
ابتعدت اضرب بي على صدره وابجي
- شلوووون تعوفنيي وحديي شلوون ماخفتت يجي احدد عليهه يغتصبنيي ويكتلنيييي ؟؟؟

سراج - بس على كيفج بويه اهدي وعلي ماكو شي
صارلي ساعه ادك الباب ادري ماسمعيني ادكك عليج ماتردين غير كلبي راد يوكف
جبت نسخه ثانيه مال مفاتيح وفتحته كلبي راد يوكف عليج .
اخذني للحمام غسلي وجهي وكعدني على الجربايه شربني مي وكعد يمسح وجهي
- يمه سوده عليه شلون تشهك .
- غير خفت كلت ماكو جماعت مؤيد اجو علي يكتلوني .
- لا ابويه انتِ اسم الله ما طلع من بطن امه اليلمس شعره منج .

خليت راسي على صدره والشهكه مجلبه
شربني مي
وضل كاعد يمي
- على كيفج بويه وعلي مادري بيج هنا رحت لبيت جدي عبالي هناك
كالو ضليتي بالبيت واجيت عليجن رأسً .
سكتت مارديت عليه وضليت خانسه بحضنه
رفع راسي بأيده
- اكلتي شي ؟
- اي .
- شكلتي ؟؟

- شسمه اكلت بالكليه جابتلي رُقيه لفه وأكلتها .
- وهاي انتِ ضاله على لفة رُقيه ؟؟
- اي مو نمت وتوني كعدت .
- كومي بويه كومي تعاي انزلي جوه خل اسويلج اكل .
- ماشتهي شي .
- انزلي ترف بدون عناد .
- والله ماشتهيييي سراج عفيه لا تلح .
- خوشش .
كالها وشالني نزلني جوه
كعدني على الكرسي بالمطبخ وهوه راح يفتر يدور شي يسوي للعشه

ترف - اكف لا تطبخ مابيه حيل اغسل ماعين .
كمت جريت الصايه والشال وهوه يباوعلي مستغرب
فتحت الباب وطلعت
رحت لبيت جدي فتحت الباب وطبيت
لكيتهم توهم مخلصين عشه
من شافوني تفاجأو
سميحه - ياا يمه هاي شجابج هسه .
ترف - عمه ماسويت عشه اجيت اخذ منكم .
ضحكو همه وساره كامت طلعت جداري خلت بيهن اكل من العشه
شلتهن وسلمت عليهم وطلعت